Erməni mənşəli xəbərləri şərhsiz tirajlayan bəzi Azərbaycan saytları...

Tarix: 04.08.2014 / 13:24
Bölmə: Gündəm

Cəbhə bölgəsində atəşkəsin pozulması, demək olar ki, ölkənin gündəmini tam olaraq dəyişdi. Xüsusilə də KİV-lər bu məsələyə böyük diqqət ayırmağa başladı. Bu təbiidir. Çünki müharibə yalnız səngərdə getmir. İnformasiya sahəsində də tərəflər arasında psixoloji mübarizənin aparılması müharibənin yazılmamış qanunları sırasına aiddir.
Ancaq, təəssüflər olsun, bu 3-4 gün ərzində müşahidə etdik ki, bizim bəzi KİV-lərin apardığı təbliğat dövləti maraqlarımıza cavab vermir, bəzən isə düşmənin işinə yaramış olur. Məsələn, bəzi saytlar məlumatı erməni saytından olduğu kimi, hərfi tərcümə edib, sensasion bir başlıq qoymaqla Azərbaycan oxucusuna təqdim edir. Ancaq onlar unudurlar ki, qloballaşan dünyada informasiya sərhəd tanımır. Yayılan informasiyanı ölkəmizin hüdudlarından kənarda da oxuyurlar. Bir neçə gün ərzində KİV-lərin məsələyə yanaşması elə bir bərbad hal aldı ki,
Azərbaycan Mətbuat Şurasının sədri Əflatun Amaşov cəbhədəki vəziyyətlə bağlı mətbuatda təqdim olunan informasiyalara münasibət bildirərkən bunları deyib: "Son günlər cəbhə xəttində yaşanan olaylar hamımızı narahat edir. Görünən odur ki, düşmən tərəfi Azərbaycanı ciddi cəhdlə təxribatlara çəkməyə çalışır".
Şura sədri erməni tərəfinin təxribat məqsədilə yaydığı xəbərlərin Azərbaycan mediasına da çıxmasından təəssüfləndiyini bildirib və bu kimi halların yolverilməz olduğunu vurğulayıb: "İndiki şəraitdə jurnalistlər hər bir informasiyaya xüsusi həssaslıqla yanaşmalıdır. Erməni mətbuatının təxribat xarakterli məlumatlarına istinadlar bizim üçün yaxşı nəticələr verməz. Cəmiyyətdə xof yarada biləcək əsassız, hər hansı mənbəyə söykənməyən xəbərlərdən qaçmaq lazımdır. Əlbəttə, əsgərlərimizin şəhid olması bizim hər birimiz üçün ağır dərddir. Mən şəhid əsgərlərimizin yaxınlarına bir daha başsağlığı verir, Allahdan şəhidlərimizə rəhmət diləyirəm. Lakin müharibə vəziyyətində jurnalistlər həm də soyuqqanlı davranmağı bacarmalı, baş verən hadisələrin cəmiyyətə mənfi təsirlərinin ola biləcəyini nəzərdən qaçırmamalıdırlar. Belə vəziyyətdə iqtidarlı müxalifətli hamı ümummilli və dövlət maraqlarından çıxış etməlidir".

Tanınmış media eksperti Azər Həsrət də qəzetimizə açıqlamasında bu problemə toxundu. Onun sözlərinə görə, düşmən silahlı hücumla bərabər qarşı tərəfi demoralizə etmək üçün şayiə yaymaqdan da istifadə edir. Müsahibimizin sözlərinə görə, bu, bütün savaşlarda olub və bundan sonra da olacaq: "Son günlər Ermənistan işğalçı əsgərlərinin mövqelərimizə hücumları, şəhidlər verməyimiz fonunda da bunu müşahidə edirik. Erməni təbliğat maşını planlı şəkildə, öz əlimizlə özümüzü demoralizə etmək üçün yarımqafalı insanlarımızdan ustalıqla istifadə edir. Bu insanların bir qismi hətta özləri də bilmədən düşmən təbliğatına alət olmaqdadır. İllərdir etdiyimiz çağırışlara baxmayaraq, onlar öz bildiklərini edir, bizdən qat-qat zəif düşmənin üzərimizdə mənəvi üstünlüyünü təmin etmək üçün dəridən-qabıqdan çıxırlar.
Bir gündə 9 şəhid vermiş, təmas xəttində atışmaların artdığı bir durumda gərəkdir ki, Azərbaycan ictimai rəyinə təsir imkanları olanlar hər kəlməni belə yüz dəfə götür-qoy etdikdən sonra dilə gətirsinlər. Hətta deyərdim ki, cəbhədəki durumla bağlı xəbərləri hər yerindən duran öz anladığı şəkildə deyil, Azərbaycan Respublikası Müdafiə Nazirliyinin təqdim etdiyi kimi yaymalıdır. Çünki adı atəşkəs olsa da, ortada bir müharibə durumu var. Qarşılıqlı şəkildə atışma gedir. Düşmən əsgərlərimizi şəhid edir. Təbii ki, bizim də ordumuz boş dayanmır, onlara gərəkli cavabı verir və düşmən nə qədər gizlətməyə çalışsa da, əsgərlərinin məhv edildiyini etiraf etməli olur. Amma bəzi üzdəniraq "ictimai fəallar" və "jurnalistlər" ciddi cəhdlə sübut etməyə çalışır ki, Azərbaycan tərəfi itkilərin sayını gizlədir, Ermənistan isə heç bir itki verməyib, yaxud da çox az sayda itki verib. Özü də bu düşmən dəyirmanına su tökən "fəallar" "tapıntılarını" sevinclə, bəh-bəhlə təqdim edir, sosial şəbəkələrdə, əlləri çatan media orqanlarında gen-bol təbliğ edirlər. Sanki demək istəyirlər ki, "görürsünüz, ermənilər Azərbaycan əsgərlərinin ağzının payını verir, halal olsun onlara".
Biz informasiya təbliğatında, xəbər yayımında tək bir ünvana - Azərbaycan Respublikası Müdafiə Nazirliyinə güvənməliyik. Xəbərlərimiz yalnız və yalnız oradan qaynaqlanmalıdır. Daha hansısa kənddə yaşayan Fatmanisənin öz "Facebook" statusunda özü də anlamadan yazdığını tirajlayıb insanlarımızı aldatmamalıyıq. Unutmayaq, savaş gedir. Özü də təkcə odlu silahlarla deyil, informasiya savaşı da".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...