Hərbi xidmətə çağırış yaş həddinin artırılması gündəmə gəlir

Tarix: 04.08.2014 / 09:18
Bölmə: Gündəm

Azərbaycan-Ermənistan təmas xəttində son günlər baş verən hadisələr fonunda iki ölkə arasında yenidən genişmiqyaslı hərbi əməliyyatların başlanacağı istisna olunmur. Eyni zamanda, yaşanan gərginliyin getdikcə daha da intensivləşməsi gözlənir. Bu fonda Azərbaycanın təmas xəttində hərbi qüvvələrini daha güclü hala gətirməsi vacib sayılır və bu istiqamətdə müvafiq addımlar atılması gözlənir.
Yaranmış durumda səslənən fikirlərdən biri də odur ki, ölkədə daha professional ordunun formalaşması üçün müqaviləli orduya keçid sürətlənməli və hərbi xidmətə çağırış yaşı artırılmalıdır. Məsələyə münasibət bildirən hərbçi ekspert Üzeyir Cəfərov qeyd edir: "Dəfələrlə təklif irəli sürmüşük ki, güc strukturları qanunvericilik təşəbbüsü ilə Milli Məclisə müraciət etməlidir. Bu çox ciddi məsələdir və buna barmaqarası baxmaq olmaz. Çağırış yaşı mütləq şəkildə 20-yə qaldırılmalıdır. Şükürlər olsun ki, Azərbaycanda demoqrafik problem yaşanmır. Ona görə də, həm çağırış yaşı, həm də evin tək oğulları məsələsi öz həllini tapmalıdır. Bunu biz indi etsək, mənə elə gəlir, çox müsbət nəticələrə gətirib çıxaracaq".
Xatırladaq ki, hələ ötən ilin sonunda Azərbaycanda hərbi xidmətə çağırışın yuxarı yaş həddinin artırıla biləcəyi gündəmə gəlmişdi. Həmin vaxt hərbi qanunvericilikdə dəyişikliklər edilməsi üçün bir qrup deputat tərəfindən edilən təkliflər arasında bununla bağlı "Hərbi vəzifə və hərbi xidmət haqqında" qanuna dəyişiklər layihəsi də vardı. Dəyişikliyə əsasən, qanunun 18-ci maddəsinin 2-ci bəndi bu variantda təklif olunmuşdu: "Çağırışa möhlət hüququnu itirmiş çağırışçılar, habelə möhlət hüququ olmayan və ya çağırışdan azad edilmək üçün bu qanunda nəzərdə tutulmuş əsasları olmayan, müxtəlif səbəblərə görə müəyyən edilmiş müddətlərdə müddətli həqiqi hərbi xidmətə çağırılmamış şəxslər 40 yaşına çatanadək növbəti çağırış keçirilərkən hərbi xidmətə çağırılmalıdırlar". Dəyişikliklər hərbi çağırış sisteminin NATO sisteminə uyğunlaşdırılması məqsədi daşıyırdı. NATO ölkələrində yuxarı yaş həddi bir sıra ölkələrdə 45-dir. Lakin sonradan bu məsələ təxirə salındı. Hazırda isə hesab olunur ki, istənilən halda çağırış yaşını 18-dən 20-yə qaldırmaq vacibdir. Hərbi psixoloq Azad İsazadə də hesab edir ki, hərbi xidmətə çağırış üçün daha səmərəli yaş dövrü 20 -25 yaş arasıdır: "Bundan əvvəlki yaş dövründə fiziki inkişaf tam bitmir, boy və çəki artır, psixoloji baxımdan da hələ yeniyetməlik dövrü tam başa çatmamış sayılır. Ən optimal yaş 20-25 yaş sayılır. 25 yaşdan sonra insan qocalmasa da, əsgərdən tələb olunan fiziki çətinliklərə dözümü azalır. Bu baxımdan mən hesab edirəm ki, çağırış yaşı bir qədər artmalı, ən azı 20 yaş olmalıdır. Həmçinin hərbi çağırış dövrünün 35 yaşdan 27 yaşa endirilməsi hərbi xidmətin səmərəliliyi baxımından vacibdir".
Qeyd edək ki, bir müddət əvvəl Türkiyə Silahlı Qüvvələrinin baş qərargah rəisi və güc strukturları ölkə paralamentinə yeni qanun layihəsini təqdim edib. Qəbul edilən qanunda hərbi xidmətə çağırış yaşı 21-ə qaldırılıb. Ölkəmizin də Türkiyə təcrübəsindən istifadə etməsi vacib sayılır. Yeri gəlmişkən qeyd edək ki, cəbhədə baş verən son hadisələrlə bağlı polkovnik Yusuf Ziya Arpacık özünün Facebook səhifəsində maraqlı fikirlər səsləndirib. O qeyd edib ki, müharibə başlayacağı halda 100 min türkiyəli könüllü olaraq Azərbaycan tərəfində vuruşacaq. Türkiyə Daxili İşlər Nazirliyinin xüsusi təyinatlı qüvvələrinin keçmiş döyüşçülərindən ibarət olan "Küləklər ittifaqı" bölməsinin komandiri bildirib: "Biz İrəvanda görüşəcəyik". Xatırladaq ki, 1992-ci ildə Qarabağ müharibəsi zamanı komandir Yusuf Ziya Arpacık və bölmə döyüşçüləri Azərbaycan tərəfində hərbi əməliyyatlarda fəal olaraq iştirak edib. "Küləklər İttifaqı" tam olaraq gənc türk millətçilərindən ibarət Türkiyə elit ordu təşkilatıdır.
Yuxarıda qeyd olunduğu kimi isə, hərbi xidmətə çağırış yaşının artırılması ilə yanaşı, müqaviləli orduya keçidin də sürətləndirilməsi vacib sayılır. Belə hesab olunur ki, müqaviləli sistemə keçid prosesi təkcə Müdafiə Nazirliyini deyil, sayı az qala 10-a çatan digər güc strukturlarını da əhatə etməlidir.
Azərbaycan müqaviləli orduya keçid strategiyasını elan edəcəyi təqdirdə təhlükəsizlik və müdafiə sektorunda olan strukturların yenidən formalaşdırılması prosesi həyata keçirilməlidir. Düzdür, Azərbaycanda müqaviləli hərbi xidmət var və zabitlər, gizirlər, müddətdən artıq hərbi xidmət qulluqçuları müqavilə ilə xidmət edir. Lakin onların sayı azdır.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...