Rusların aylarla var gücü ilə almağa çalışdıqları bölgə nəhayət ki, onların nəzarətinə keçib. Ukrayna işğalının ən kritik bölgələrindən biri olan Baxmut 9 aylıq qarşıdurmadan sonra əl dəyişdirib.
Rusiyanın Ukraynaya müdaxiləsində mühüm rol oynayan muzdlu “Vaqner” qrupunun lideri Yevgeni Priqojin Baxmut şəhərini tamamilə nəzarətə götürdüklərini iddia edib.
Priqojin hərbi forma geyinmiş bir sıra əsgərlər qarşısında çəkdiyi video ilə şəhərin Rusiyanın nəzarətində olduğunu açıqlayıb. Videoda arxadan partlayış səsləri də eşidilir.
"Bütün şəhər, bütün evlər bizim nəzarətimizdədir" - Priqojin deyib.
"Reuters" xəbər verir ki, onlar müstəqil olaraq iddianı təsdiq edə bilməyiblər.
Priqojinin deyib ki, mayın 25-də "Vaqner"in qüvvələri Baxmut şəhərini tərk etməyə başlayacaq və Bakmutu rus ordusuna təhvil verəcək.
Kremldən verilən məlumata görə, Rusiya prezidenti Vladimir Putin "Vaqner" muzdlu qruplaşmasını və ordunu Baxmut şəhərini ələ keçirdikləri üçün təbrik edib: “Vladimir Putin "Vaqner"in hücum qoşunlarını və onlara lazımi dəstək və cinah mühafizəsini təmin edən Rusiya silahlı qüvvələrinin bütün əsgərlərini Baxmutun xilasetmə əməliyyatının başa çatması münasibətilə təbrik edib”.
G7 sammiti üçün Yaponiyaya səfər edən Vladimir Zelenskiyə Ukraynanın şərqindəki şəhərə nəzarətin Ukraynada olub-olmaması ilə bağlı sual verilib. Zelenski şəhərin dağıdıldığını bildirərək, "Heç nə qalmayıb. Çox kədərlidir. Bu gün Baxmut yalnız ürəyimizdədir" deyib.
Şərhçilər deyirlər ki, Baxmutun Moskva üçün strateji əhəmiyyəti azdır, lakin Ukrayna müharibəsinin ən uzun döyüşündən sonra şəhərin ələ keçirilməsi Rusiyanın simvolik qələbəsini ifadə edir.
Baxmutda 224 gün davam edən qarşıdurma 2022-ci il oktyabrın 8-də başlayıb. İşğaldan əvvəl 70 min insanın yaşadığı duz mədəninin indi minlərlə ölmüş əsgər və dinc sakinin cəsədləri ilə dolu olduğu bildirilir.
Qərb rəsmiləri Baxmutda 20-30 min rus əsgərinin öldürüldüyünü və ya yaralandığını təxmin edir. Ukrayna ordusunun da ağır itkilər verdiyi bildirilir.
TAHİR
