“Qarabağdan köçən ermənilərə xüsusi status, muxtar vilayət statusu verilməsə, onlar geri qayıtmayacaq”. Bunu keçmiş general, Qarabağ canisi Samvel Babayan erməni mediasına açıqlamasında deyib.
Samvel Babayanın açıqlamasındanda məlum olur ki, erməni əsilli vətəndaşlar heç vaxt geri qayıtmayacaqlar.
“Yaxşı bilirlər ki, indi Azərbaycan müstəqil dövlətdir, Rusiyanın, keçmiş SSRİ-nin təhriki, təzyiqi ilə Qarabağımızda yaşayan ermənilərə muxtariyyət verilməyəcək”
Mövzu ilə bağlı fikir bildirən “Müstəqil.az” saytının baş redaktoru Faiq Balabəyli "Bakı-Xəbər"ə şərhində bildirdi ki, Qarabağdan köçən ermənilərin nəinki geri dönməməsi, onların getməməsi haqda Azərbaycan tərəfi olaraq qabaqcadan müraciət edildi: “Hətta niyə gedirsiniz, sizi qovanmı var, deyə soru da edildi. Cavablarda bəziləri panikaya düşdüklərini, bəziləri könüllü olaraq getdiklərini, bəziləri isə zaman keçər, bəlkə qayıtdıq, dedilər. Samvel Babayan və onun kimi separatizmə rəvac verən dürüst olmayan, el dili ilə desək nadürüstlər məhz həmin panika yaradanlardır ki, onlar erməni xislətinin necə iyrənc olduğunun bariz nümunəsidir.
Əlbəttə, onların, yəni heç bir təzyiq, hədə-qorxu, təhdid olmadan köçənlərin geri dönməsi mümkün olmayacaq. Niyə? Cavab aydındır. Samvelləri qarşıdan gözləyən həbs cəzası, millətimizə etdikləri zülmün, qaniçənliyin və bütün zalımlığın cavabı tərəfimizdən aydındır. Azərbaycan Respublikasının qanunları çərçivəsində cəzalarını çəkəcəklər. Onlar məhz bu xofu, qorxunu digər, nisbətən sakit, loyal, əlləri qana batmayan, öz ömürlərini yaşayan yox, sürünən ermənilərə də şamil edirlər, onları qorxudub köçmələrinə sitimul verirlər, əsas təqlin edirlər ki, nisbətən dinc erməni əhalisi də kütləvi sürətdə köçüb gedir.
Yaxşı bilirlər ki, indi Azərbaycan müstəqil dövlətdir, Rusiyanın, keçmiş SSRİ-nin təhriki, təzyiqi ilə Qarabağımızda yaşayan ermənilərə muxtariyyət verilməyəcək. Məhz bu anlamda da onların geri qayıtmamasına nail olmaq istəyirlər ki, Azərbaycan erməni əhali üçün hansısa güzəştə getmir. Əhali də qorxur və geri dönmür. Beynəlxalq aləmdə bu imiclə, bu hiyləgərliklə tərəf olaraq bizlərə təsir və mənfi rəy yaradırlar.
Əgər muxtar vilayət statusuna nail olarlasa, 100 il müddətinə yaşayan vilayətin yenidən bərpası ilə gələcəkdə hansısa iddialara zəmin yaradacaqlar. Bu baxımdan Azərbaycan öz ərazisində ikinci dəfə ocaq qalanmasına şərait yaratmaz. Bu səbəbdən də vətəndaşlığımızı qəbul edin və qanunlarımızın tələbləri çərçivəsində yaşayın onlara ən yaxşı cavabdır”.
Günel CƏLİLOVA
