Ötən il hicab taxmadığı üçün saxlanılan və daha sonra koma vəziyyətində aparıldığı xəstəxanada vəfat edən Mahsa Əmininin ölümünə etiraz olaraq İranda başlayan aksiyalar davam edir. İran indiyədək minlərlə etirazçını həbs edib, toqquşmalarda yüzlərlə insan həlak olub.
Bu arada, bəzi etirazçıları edama göndərən İran hakimiyyətinin da gizli komitə yaratdığı ortaya çıxıb.
Gizli komitə İran hökumətinə qarşı çıxan və Mahsa Əmini etirazlarını dəstəkləyən məşhur simaları cəzalandırmaq üçün yaradılıb. BBC-nin əldə etdiyi sənədlərə görə, İran administrasiyası Əmini etirazlarına dəstək verən 141 məşhur şəxslə bağlı araşdırmalara başlayıb. Sözügedən şəxslərin siyahısı İqtisadiyyat Nazirliyinə göndərilib. Siyahıda bir çox məşhur şəxsin adları olduğu bildirilir.
Siyahının niyə ilk növbədə İqtisadiyyat Nazirliyinə göndərildiyi də məlum olub. Məşhurlar fundamental hüquqlar uğrunda etirazları dəstəklədiklərinə görə, iqtisadi sanksiyalar, səyahət qadağaları və həbslərlə üzləşiblər.
BBC Fars Xidmətinin xəbərinə görə, dövlət qurumları sözügedən məşhurlara qarşı koordinasiyalı hərəkət edir.
İranın məşhur müğənniləri, aktyorları və idman dünyasının tanınmışları da etirazlara dəstəklərini bölüşüblər. Dekabrın 17-də etirazçının edamını pislədiyi üçün iki həftə həbs olunan aktrisa Təraneh Alidoosti ilə yanaşı, Əsgər Fərhadi, Pegah Ahangarani, Manijeh Hikmət, Barzou Arjomand və Şahin Səmədpur da etirazlara açıq dəstək veriblər.
Komitə bu şəxslərə qarşı iqtisadi sanksiyalar tətbiq etmək üçün onların vergi bəyannamələrini yoxlamağa başlayıb.
BBC Fars Xidmətinə danışan futbolçu Ali Daeiile və aktrisa Taraneh Alidoosti etirazlara dəstək verdiyi üçün bank hesablarının bloklandığını təsdiqləyib. 26 sentyabr tarixli “Tam məxfi” başlıqlı başqa bir sənəddə “Məşhurların İşçi Qrupu”nun adının dəyişdirilərək “Şöhrətlilər Komitəsi” qoyulduğu məlum olur.
TAHİR
