Aprelin 11-də Şahinşəhr, Kirmanşah, İsfahan, Urmiya, Təbriz, Bəndər və bir çox şəhərlərdə günahsız məktəbli qızlara qarşı kimyəvi hücumlar həyata keçirilib.
Hadisə şahidləri bir neçə məktəbdə baş verən hadisələrə reaksiya vermək üçün kifayət qədər oksigen maskası və təcili yardım maşınlarının olmadığını bildiriblər.
Şahinşəhrdəki Ənsari Qızlar Məktəbinin şagirdlərinin valideynləri bildiriblər ki, məktəb işçiləri şagirdlərin çıxmaması üçün binanın qapılarını qıfıllayıb.
Bu arada İslam Respublikasının İrşad Nazirliyi yerli mediaya qız məktəblərində baş verən zəhərlənmələri işıqlandırmamağı tapşırıb və bunun cəmiyyətdə "narahatedici dalğalar" yarada biləcəyindən narahat olduğunu bildirib.
Nazirliklər jurnalistləri yalnız Təhsil və Daxili İşlər nazirliklərinin məlumatlarına əsaslanmağa çağırıb.
2022-ci ilin noyabr ayından bəri 13.000-dən çox tələbə ürəkbulanma, huşunu itirmə, baş ağrısı, öskürək, tənəffüs çətinliyi və ürək döyüntüsü kimi simptomlardan əziyyət çəkir və bir çoxu xəstəxanada müalicə tələb edir.
Zəhərlənmələr məktəbli qızlarda, onların valideynlərində və ümumilikdə İran cəmiyyətində qorxu və qəzəb doğurub.
Kimyəvi hücumlar ölkə daxilində məktəblərdə təhlükəsizlik tədbirlərinin artırılması çağırışlarına səbəb olub, bir neçə məktəb rəhbəri valideynlərdən uşaqlarını evdə saxlamağı xahiş edib.
İran hakimiyyəti keçən ay zəhərlənmələrlə bağlı həbsləri elan etdikdən sonra BMT ekspertləri İslam Respublikasını məktəbli qızları qorumamaq, növbəti hücumların qarşısını almaq və çevik araşdırmalar aparmamaqda tənqid edib.
Ekspertlər bildiriblər ki, hücumlar 2022-ci ilin sentyabrında polis nəzarətində olan gənc qadının ölümü ilə nəticələnən ümummilli etirazlarda iştirak etdiklərinə görə "qızları cəzalandırmaq üçün təşkil edilib".
Xudakişiyeva Səfiyə BDU-nun Jurnalistika fakültəsinin IV kurs tələbəsi, praktikant
