Ermənistan dövlət elitasının səviyyəsi o qədər aşağıdır ki, bunu hər addımda müşahidə etmək olar. Dövlətin yüksək vəzifəli şəxslərinin özlərini küçə uşağı kimi aparmasının dəfələrlə şahidi olmuşuq.
Ermənistan parlamentinin spikeri Alen Simonyan da öz davranışları ilə erməni dövlət elitasının iş üzünü ifşa edənlərdəndir. O da insanlara aqressiv yanaşması ilə seçilir.
Erməni mediasında gedən məlumata görə, Ermənistan parlamentinin spikeri Alen Simonyanın iştirakı ilə Kaskadda qalmaqallı insident baş verib. Belə ki, kanadalı erməni Karen Mkrtçyan Kaskad ərazisində Simonyanla görüşərək onu satqın adlandırıb, bundan sonra Alen Simonyan mühafizəçilərinə kanadalı ermənini tutmağı əmr edib, sonra isə parlamentin spikeri Mkrtçyana yaxınlaşıb və onun üzünə tüpürüb. Ermənistan parlamentinin sədri Alen Simonyanın bu davranışı Ermənistanda ciddi tənqid edilib. Alen Simonyan hərəkətinə görə, Ermənistanın bütün vətəndaşlarından rəsmi Feysbuk səhifəsində üzr istəyib.
“Nəzərə alsaq ki, küçədə başıma gələn hadisə hələ də müzakirə olunur, cavab vermək istəyirəm...
Bəli, demokratiya nəzərdə tutur ki, məmur tənqid olunmalıdır və ola bilər, təxribatlar da ola bilər, niyə olmasın. Bizim vəzifəmiz onlara boyun əymək deyil.
Mənə ünvanlanan şəxsi təhqirdən sonra özümü itirdiyimə görə təəssüflənirəm. Əminəm ki, ləyaqəti olan istənilən erməni belə bir təhqirə dözməz, lakin seçilmiş məmurun üzərinə qoyulan yüksək məsuliyyət çəkindirici rol oynamalıdır. Bu həm də mənim üçün dərsdir, çünki görünür, mən və komandamızın digər üzvləri gələcəkdə oxşar vəziyyətlərlə üzləşəcəyik.
Mən bu hadisə ilə bağlı Ermənistan Respublikasının bütün vətəndaşlarından üzr istəmək istəyirəm”...
Qeyd olunur ki, bir müddət əvvəl Ermənistanın birinci prezidenti Levon Ter-Petrosyan çıxışında “Mülki müqavilə” Alen Simonyanın işdən çıxarılması məsələsinə təşəbbüs göstərməlidir"dryə bildirib.
Simonyan erməni dövlət elitasında təmsil olunanların simasını göstərdi ki, istənilən yerdə xalq onlara layiq olduğu cavabı verir, münasibəti göstərir. Budur Ermənistanın dövlət elitasının səviyyəsi.
Bu məsələyə iki rakursdan baxmaq lazımdır. Birincisi,
"arığın nə işi vardı qoruqda vurub qıçını sındıralar", yəni kanadalı erməninin İrəvanda nə işi vardı ki, Simonyan onu tüprükyağışına da "qonaq" etsin. İkincisi də Simonyanın erməninin üzünə tüpürməsi Ermənistanda hökumət elitasının küçə uşaqlarından, yaxud aşağı səviyyəli insanlardan ibarət olduğunu göstərir. Düzdür, Simonyan üzr istəyib, amma bu üzr heç də onun səviyyəsini artırmır.
"Kanada ermənisinin də gəlib orada hansısa işlərə müdaxilə etməsi, sözün həqiqi mənasında hər işə burnunu soxması o qəbildəndir"
Siyasi şərhçi Azər Həsrətin fikrincə, problem daha çox Simonyanla və onun dövlət adamına yaraşmayan davranışı ilə bağlıdır. "Bu əhvalatı erməni mediasından oxumuşam. Bu, Ermənistanda geniş hay-küyə də səbəb olub ki, kanadalı ermənini tutub bir az daldaya, heç kəsin görə bilməyəcəyi yerə çəkiblər və Alen Simonyan da belə bir şəraitdə onun üzünə tüpürüb.
Bilirsiniz, dövlət adamı olmaq elə bir gözəllikdir ki, bu hər adamda olmur. Vəzifəyə gəlmək mümkündür. Əlbəttə, hər kəs vəzifəyə bu və digər yollarla, üsullarla gələ bilər, amma o vəzifənin haqqını vermək hər adamın işi deyil. Bunun üçün əsil, soy, nəcabət, eyni zamanda da insanın genindən gələn özəlliklərə ehtiyac var. İndi görünür Ermənistan parlamentinin spikerinin belə bir özəllikləri oyunda, genində yoxdur ki, o belə bir aşağı hərəkətə yol verib. Yaxud da ki, bu səviyyəyə qədər özü özünü aşağılayıb. Əslində, əlbəttə, bizim belə bir dövlətlə qonşu olmağımız böyük bir şanssızlıqdır. Bunun rəhbərliyindəki insanlar bu cürdürsə, əlbəttə, Azərbaycanın bu dövlətlə danışıqkar aparması, qonşuluq münasibətləri qurması, ümumiyyətlə yanaşı yaşaması həqiqətən də ciddi problemlərə səbəb ola bilər. Bunların dövlət anlayışı yoxdur. O, vəzifə başındadır, parlament rəhbəridir, vətəndaşın birinin əl-qolunu tuturlar bu da gəlib onun üzünə tüpürür. Bunu şərh etmək də bir az bizim üçün çətindir. Şəxsən mən ikinci belə bir halın dünya tarixində baş verdiyini eşitməmişəm. Bəlkə də ola bilər belə şey ibtidai icma quruluşunda olub, tutaq ki, qəbilə başçısı belə bir şey etmiş olar".
A. Həsrət deyir ki, belə hadisə orta əsrlərdə baş verə bilər. Onun qonşu İranda da baş verməsi mümkündür, zatən, fars molla rejimi də Ermənistan hakimiyyətindən fərqli deyil. O, qeyd etdi ki, istənilən halda dövlət səviyyəsində olan bir şəxsin, parlament sədrinin davranışı yolverilməzdir. "Eyni zamanda bizim üçün də çətinlik yaradır ki belə bir dövlətlə qonşuyuq, belə adamlarla danışıq aparmalıyıq" - deyə A. Həsrət bildirdi.
"Kanada ermənisinin Ermənistana gəlib, əlbəttə ki, orada aranı qarışdırmaq üçün hansısa addımlar atması təəccüblü deyil. Əslində, biz illərdir deyirik ki, məsələ təkcə Ermənistan ermənilərinə qalsa, onlar Azərbaycanla yaxınlaşmaq, dostıaşmaq və normal münasibətlər qurmaqdan yanadırlar. Yəni sadə ermənilır Azərbaycanla düşmən kimi davam etmək meylində də deyillər. Çünki artıq özləri dərk edirlər ki, Azərbaycanla düşmənlik onlara heç bir fayda gətirmir. Amma Ermənistandan minlərlə kilometr uzaqlarda yaşayan və sağda-solda geniş imkanları olan diaspor erməniləri var ki, onlar Ermənistan əhalisini dinc qoymurlar. Xaricdəki ermənilır Ermənistanın daxili işlərinə qarışırlar ki, biz erməniyik və bizim də haqqımız var. Əlbəttə, Ermənistan dövləti də onları rədd edə bilmir. Çünki indiki etnik ermənilərdir. Həmin o diaspor erməniləri dünyanın hər yerində Ermənistan respublikasını qızışdırmaqla, müharibəyə cəlb etməklə məşğuldur. Əziyyəti də çəkən Ermənistandakı ermənilərdir. Kanada ermənisinin də gəlib orada hansısa işlərə müdaxilə etməsi, sözün həqiqi mənasında hər işə burnunu soxması o qəbildəndir"-deyə A. Həsrət bildirdi. O, qeyd etdi ki, ermənilər hər zaman araqarışdırmaqla məşğul olur.
Əli TURABOV
