Ötən həftə Ukraynanın Dnepr şəhərində yaşayış binasına raket düşməsi nəticəsində 40-dan çox mülki şəxsin həyatını itirməsindən sonra Ukrayna prezidenti Vladimir Zelenskinin müşaviri Oleksiy Arestovic diqqətçəkən açıqlamalar verib.
Zelenskinin baş məsləhətçilərindən biri olan Orestoviç bildirib ki, Rusiya raketi Ukraynanın hava hücumundan müdafiə sistemi tərəfindən vurulub və raket parçaları yaşayış binasının üzərinə düşüb. Bundan sonra istefa verən Oleksiy Arestovic Zelenski ilə bağlı da iddialar səsləndirib.
“İstefa verdiyim üçün həqiqəti danışaq: Zelenski xristianlığa müharibə elan etdi. Kilsələri bağladı. Zelenski rusları çıxdaş etdi. Rusdillilərə qarşı ayrı-seçkilik edildi. Milyonlarla ukraynalının dövlətə sədaqəti zədələndi. Bunu düzəltmək asan olmayacaq” - sadiq pravoslav kimi tanınan Arestovic deyib.
Ukraynada “regional müdafiə bölmələri” ideyasının memarı olan və on minlərlə insanın orduya cəlb olunmasını təmin edən Oleksiy Arestovic açıqlamaları ilə başına iş açıb. Arestoviçin adı Ukraynanın “ölüm siyahısı” kimi tanınan Daxili İşlər Nazirliyinin “Myrotvorets” saytında dərc olunub.
Arestovic saytda “Ukraynanın düşməni” elan edilib. Sözügedən saytda Ukraynanın düşməni elan edilənlər sui-qəsdə məruz qalırlar. Adı siyahıda olan Dariya Duqinova ötən il avtomobilinin partladılması nəticəsində dünyasını dəyişmişdi.
Dnepr qubernatoru və bir çox ukraynalı siyasətçilər Ukrayna kəşfiyyatı SBU-dan Arerestoviçi həbs etməyi və sorğu-sual etməyi tələb ediblər. Ukrayna mediası Arestoviçin Rusiya agenti olduğunu iddia edib.
Tahir TAĞIYEV
