Rusiya raketlərin Ukraynada nöbəti hədəfi Dnepr şəhərində bir bina olub. Ötən gecə Rusiya raketi ilə vurulan binada 21 nəfərin həyatını itirdiyi açıqlanıb.
Ukraynanın mərkəzi vilayətlərinin şərqində yerləşən Dnepr parlamentinin sədri Mikola Lukaşuk hücumda 21 nəfərin öldüyünü, 73 nəfərin yaralandığını, 35 nəfərin isə hələ də itkin düşdüyünü bildirib. Lukasuk qismən çökmüş binanın dağıntıları altından xilas edilən 38 nəfərdən altısının uşaq olduğunu açıqlayıb. Dnepropetrovsk qubernatoru bildirib ki, xəstəxanada müalicə olunan 40 nəfərdən 4-ü reanimasiyadadır, 40-dan çox adamın taleyi qeyri-müəyyəndir.
Ukrayna lideri Zelenski isə Rusiya ordusunun Dnepr şəhərinə hücumda həyatını itirənlərin sayının 30-a yüksəldiyini, 30-dan çox adamın isə itkin düşdüyünü açıqlayıb. Zelenski Rusiya raketinin Dneprdə 9 mərtəbəli yaşayış binasını vurmasından sonra dağıntılar sahəsində axtarış-xilasetmə işlərinin davam etdiyini bildirib.
Ukrayna ordusu Dneprdəki mənzilin X-22 raketi ilə vurulduğunu açıqlayıb. Hərbçilər bəyan ediblər ki, Ukraynanın hava hücumundan müdafiə sistemləri bu raketi vurmaq gücünə malik deyil.
Digər tərəfdən Ukrayna ordusu Rusiyanın ötən gün 3 döyüş təyyarəsi, 57 raket və 69 raketlə hücum təşkil etdiyini açıqlayıb. Açıqlamada bu raketlərdən 26-nın vurulduğu vurğulanıb.
Son həftə ən çox Rusiya bombardmanının hədəfi olan Dneprlə yanaşı Ukraynanın Odessa, Xarkov, Lvov və paytaxt Kiyev də vurulub. Ukrayna prezidenti Vladimir Zelenski bir daha Qərbi daha çox hərbi yardıma çağırıb. Rus “terrorunun” ancaq cəbhədə dayandırıla biləcəyini bildirən Zelenski, “Bunun üçün nə lazımdır? Partnyorlarımızın anbarlarındakı silahları”, - deyə o bildirib.
Tahir TAĞIYEV
