28 aprel 2023-cü il tarixində Milli Azərbaycan Tarixi Muzeyində fəaliyyət göstərən “Gənc muzeyşünaslar və muzeysevərlər klubu”nun rəhbəri Sahibə Ələkbərovanın təşkilatçılığı ilə muzeyşünas tələbələr "Əlilliyi olan Şəxslərin Peşə-əmək Reabilitasiyası Mərkəzi"ni ziyarət ediblər. Tələbələr mərkəzin direktoru Rahilə Həsrətova və digər əməkdaşlar tərəfindən qarşılanıb. S.Ələkbərova muzeyşünas tələbələri təqdim edərək bildirib ki, Azərbaycan Dövlət Mədəniyyət və İncəsənət Universitetində “Muzeyşünaslıq" ixtisası üzrə ixtisaslaşan III kurs tələbələri “Muzeydə əlilliyi olan şəxslərlə işin təşkili” üzrə nəzəri biliklər əldə edirlər. Onlar həmçinin dərs proqramına daxil edilmiş mövzuların praktiki şəkildə dərindən mənimsənilməsi məqsədilə əlilliyi olan şəxslər ilə işləyən təşkilatlarla əməkdaşlıq edir, görüşlər keçirirlər. Bu günə qədər" Gənc muzeyşünaslar və muzeysevərlər klubu" nun üzvləri tərəfindən həyata keçrilən" Muzeylərimizi tanıyaq və tanıtdiraq "layihəsi çərcivəsində Milli Azərbaycan Tarixi Muzeyində və muzeydən kənar müəssisələrdə əllilliyi olan şəxslərlə müxtəlif görüşlər keçiriblər. Artıq, bu istiqamətdə görülən işlər klubun yeni layihəsi, "İnkuliziv muzeylər" layihəsi çərçivəsində Azərbaycan Dövlət Mədəniyyət və İncəsənət Universitetinin "Muzeyşünaslıq" kafedrasının və Milli Azərbaycan Tarixi Muzeyinin İnnovasiyalar və təhsil proqramları şöbəsinin birgə təşkilatçılığı ilə davam etdiriləcək. O, bildirib ki, ideya müəllifi və layihə rəhbəri olduğu, "İnkuliziv muzeylər" layihəsi çərçivəsində müxtəlif kateqoriyadan əlilliyi olan şəxslərin mədəni reabilitasiyasına dəstək olmaqla yanaşı, həm də muzeydə əlilliyi olan şəxslərlə işləmək üçün mütəxəssislərin təccrübəsindən istifadə ediləcək.
Sonra tələbələrə məlumat verilib ki, Əlilliyi olan Şəxslərin Peşə-əmək Reabilitasiyası Mərkəzində 15-29 yaşlı əlilliyi olan şəxslərin müxtəlif peşələr üzrə peşə hazırlığı və peşə reabilitasiyası həyata keçirilir.
Onlar 3-6 aylıq kurslarda kompüter istifadəçisi, montaj operatoru, bədii oyma, xalçaçılıq, dərzilik, kişi və qadın bərbəri, toxuculuq, aşpaz köməkçisi, rəssamlıq, dulusçuluq üzrə peşə bacarıqlarına yiyələnirlər. Kursları uğurla bitirən şəxslərə peşə şəhadətnamələri verilir və əmək bazarına çıxışı üçün dəstək göstərilir. Həmçinin, Mərkəzə qəbul olunanlar burada dövlət hesabına yataqxana, yemək, sosial-psixoloji və tibbi-sosial xidmətlərlə təmin olunurlar. Burada gənclər peşələrlə yanaşı, musiqi dərnəyi, dizayn dərnəyi, stolüstü oyunlar, paralimpiya idman məşqlərinə də cəlb edilirlər. Tələbələr mərkəzin əməkdaşı Fazilə Məmmədovanın müşayəti ilə peşə hazırlığına cəlb edilən fiziki məhtudiyyətli şəxslərlə tanış olub, onların məşğul olduqları peşələri yaxından izləyiblər.
Sonda S.Ələkbərova Əlilliyi olan Şəxslərin Peşə-əmək Reabilitasiyası Mərkəzində peşə hazırlığına cəlb edilmiş fiziki məhtudiyyətli şəxslər və qazilərlə tələbələrin görüşməsinə yaratdıqları şəraitə görə Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyinin İdarə Heyyətinin Sədri Vüqar Behbudova və mərkəzin rəhbəri Rahilə Həsrətova tələbələr adından təşəkkürünü bildirib.
Qeyd edək ki, gənc muzeyşünasların fiziki məhtudiyyətli şəxslər və qazilərlə görüşləri həm muzeydə, həm də muzeydən kənar təşkilatlarda davamlı olaraq keçiriləcək.
Ülviyyə GÜLBABAQIZI
