Azərbaycan ərazisində müvəqqəti yerləşdirilən Rusiya sülhməramlılarının 2025-ci ildə Qarabağı tərk edəcəyi, bunun da rəsmən Azərbaycan və Türkiyə prezidentlərinin dilindən səsləndirilməsi erməniləri ciddi narahat edib, panikaya salıb.
Bu xəbərdən haylar artıq yasa batıblar. Erməni türkoloq, tarix elmləri namizədi Varujan Geqamyan hayların qorxularını Feysbuk hesabında yazıb. Varujan Geqamyan “Türkiyə və Azərbaycan 2025-ci ildə Rusiyanın “Arsax”dan çıxmasına nail olsalar, “Arsax tarixinin” son səhifəsi bağlanacaq. Türkiyə Perzidenti Ərdoğanın Vilnüsda mətbuat konransında dediyi “Razılaşmalara əsasən, Rusiya 2025-ci ilə qədər Qarabağda qalacaq. Bundan sonra o, oranı tərk edəcək. İnanıram ki, Rusiya bu razılaşmaya sadiq qalacaq. Qardaşım İlham Əliyev də bu məsələni diqqətlə izləyir” fikri erməni türkoloqu yaman əndişəyə salıb və səbəbdən də Rusiya sülhməramlıların getməsinə guya öz aləmində mane olmağa çalışır.
Erməni türkoloq təsdiqəyir ki, onların bölgədəki gücü Rusiyadır və Rusiya çəkilərsə işğalçılıq siyasətləri və ərazi iddiaları boşa çıxar, odur ki, yenə də bu ölkənin quyruğundan yapışırlar. Təbii, bölgədə Rusiya nə qədər var, haylar da bir o qədər özlərini araba kölgəsində yatan kimi hiss edirlər.
“Ermənilərin keçirdiyi həyəcanın səbəbi onların müdafiəçisi, qarantı, onları maliyyələşdirən, silahlandıran Rusiyanın...”
Politoloq Mehman İsmayılov “Bakı-Xəbər”ə şərhində “Birincisi, Azərbaycanda nə "Arsax tarixi", nə də elə bölgə var. Bu, erməni uydurmasıdır. İkincisi, ermənilər bilir ki, Azərbaycan ərazisinə erməniləri gətirən, onları strukturlaşdıran, 1923-cü ilin 7 iyulunda Azərbaycana təzyiq edib məcburən "erməni muxtar vilayəti" yaradan Rusiyadır. 1988-ci ildən bugünə qədər Azərbaycanın azadlığına, müstəqilliyinə, suverenliyinə qarşı ermənilər tərəfindən başladılmış təcavüzün arxasında duran Rusiya dövlətidir. Ermənilər çox yaxşı bilirlər ki, 2025 - ci ilə qədər Rusiyanın silahlı qüvvələri Azərbaycanın ərazisindən çıxarılacaq. Onlar bu 35 il ərzində o qədər cinayətlər törədiblər ki, sayı bilinmir. Onlar təsəvvürlərinə belə gətirmirlər ki, bir milyon Azərbaycan türkü Qarabağa qayıdanda sadə insani münasibətlər çərçivəsində necə yaşayacaqlar. Ermənilər çox aydın şəkildə anlayırlar ki, Rusiya qoşunlarının Qarabağdan çıxardılması kütləvi şəkildə ermənilərin oranı tərk etməsinə səbəb olacaq. Çünki biz Qarabağda dinc erməni görməmişik, onların hər biri Azərbaycanın ərazi bütövlüyünə, dövlətçiliyinə qarşı silah qaldırıb, onlar misli görünməmiş cinayətlər törədiblər. O səbəbdən də bir tərəfdən Azərbaycan Prezidentinin etdiyi çağırışlar və tələblər, digər tərəfdən iki gün bundan öncə Türkiyə Prezidentinin Rusiya qoşunlarının 2025-ci ildə Qarabağın ərazisini tərk edəcəyi barədə etdiyi xəbərdarlıq ermənilərin kürkünə birə salıb. Çünki onlar anlayırlar ki, gec-tez Rusiya Azərbaycanın ərazisini tərk edəcək, hansı erməni Azərbaycan vətəndaşı kimi yenidən Azərbaycan cəmiyyətinə reinteqrasiya yolunu seçəcəksə onlar qalacaq”- deyə bildirdi.
M.İsmayılovun sözlərinə görə, amma Azərbaycana qarşı cinayət törətmiş şəxslər dövlətimizin hüquq-mühafizə orqanları qarşısında cavab verməlidir, çünki Azərbaycan qanunları ilə onlar məsuliyyət daşıyırlar. Qarabağda yaşayan ermənilərin yollarını azmış Azərbaycan vətəndaşları olduğunu qeyd edən M.İsmayılovun sözlərinə görə, ona görə də, onlar uydurma “Arsaxın dəftəri”nin bağlandığını anlayırlar. O bir daha qeyd etdi ki, “Arsax” adında nə tarix, nə də bölgə var. “Erməni uydurması adlı bir “Arsax dəftəri” var ki, 2020-ci ilin 27 sentyabrında başlanan əks-hücum əməliyyatı ilə Azərbaycan o “dəftəri” qapadıb. O səbəb də ermənilərin keçirdiyi həyəcanın səbəbi onların müdafiəçisi, qarantı, onları maliyələşdirən, silahlandıran Rusiyanın Azərbaycanın ərazisini tərk etməsidir. Onlar bundn ciddi narahatdır. Dünyada hamı bilir ki, Azərbaycanın ərazisində erməni separatizmini qoruyan, yaşadan, maliyyələşdirən, silahlandıran, ona nəfəs verən Rusiya dövlətidir. Bunu ermənilərin hamıdan yaxşı anladığına görə etdikləri cinayətlərin də miqyasını çox gözəl bilirlər. Onlar bilirlər ki, hər birindən bunun hesabı sorulacaq. Ermənilər hələ ümidlə yaşayır, çünki Moskva onları ümidləndirməklə məşğuldur. Amma təbii ki, Azərbaycan dövləti və onun müttəfiqləri bu məsələnin sonuna çıxacaqlar. Sadəcə, bunun geci-tezi var. Mütləq olacağı isə bizə gün kimi aydındır”-deyə M.İsmayılov qeyd etdi.
İradə SARIYEVA
