Azərbaycan torpaqları üzərində qurulan İran adlanan ölkə uzun illərdir ki, fars, ariyançılıq, Sasani ideyasını yaymaqla məşğuldur. Dəfələrlə bildirilib ki, 1935-ci ilə qədər tarixdə İran adlı dövlət olmayıb.
Yəni 1925-ci ildə xarici havadarlarının köməyilə Qacarlar dövlətini devirib, bununla türk sülalələrinin hakimiyyətinə son qoyan Pəhləvilər hakimiyyəti qəsb edəndən on il sonra İran adı ortaya çıxarılıb. Azərbaycan tədqiqatçıları tarixi sənədlər əsasında sübut ediblər ki, İran adı ariyançıların uydurmasıdır və tarixi ədəbiyyatda İran yox, "Persiya" adı qeyd edilir.
Təbii ki, bizim tədqiqatçıların yazdıqları mollaları və onların əlaltılarını möhkəm narahat edir. Molla rejiminin əlində olan sosial şəbəkələrdə, xüsusən də teleqram kanallarında guya İran adının əvvəllər də mövcud olduğu iddia edilir. Saxta xəritə və "sənəd" yayıblar ki, guya bu xəritədə İran adı olub. "İran kəlməsi 1925-ci ildə yaranıb deyənlərə cavab; Xəritə Şahane Səfəvinin (Səfəvi Şahlarının) malik olduqları İranın rəsmi icmalıdır.
Bu xəritə İsveçin Uppsala universitetinin rəqəmsal kitabxanasında saxlanılan və Katib Çələbi tərəfindən yazılmış kitabı- cihannüma əsərindən alınıb"-deyə "Azərbaycan tarixi" Teleqram kanalında iddia olunur.
Göründüyü kimi, bunlar saxta xəritələr, "sənədlər" yayırlar ki, guya bu kağız parçası "Səfəvi Şahlarının malik olduğu İranın "rəsmi icmalı" olub.
"Tarixi saxtalaşdırmaqla “tarix” yazmaq və onu fakt kimi keçmişə bağlamaq fars şovinizminin yeni olmayan bir əlamətidir"
"Türk Dünyası İnfo" İctimai Birliyinin sədri Dəyanət Osmanlı "Bakı-Xəbər"ə şərhində bildirdi ki, molla rejimi hər zaman saxtakarlıqla məşğul olub: "İranın uydurma 2500 illik tarixi molla rejiminin siyasi məqsəd daşıyan iddialarıdır və heç bir tarixi əsasa söykənmir. Bu barədə kifayət qədər etibarlı mənbələr vardır. Mahmud Kaşğarlının “Divani Lüğat ət-Türk” əsərində verdiyi xəritə də bunu sübut edir. “İran” kəlməsinə də elxanilərdən sonrakı dövrlərdə rast gəlinir ki, bunun da farslara, indiki İrana heç bir bağlıığı yoxdur və mənşə etibarilə taciklərə aiddir. Farslar da qardaş dedikləri ermənilər kimi, həm millət olaraq özləri, həm də ölkələri barədə kifayət qədər saxtakarlıq etmişlər. Bu saxtakarlıqlar indi də müxtəlif dairələrdə, ictimai rəylərdə aydın görünməkdədir. Ermənistandan sonra İran trollarının sosial şəbəkələrdə fəallaıq göstərməsi, türklərə qarşı apardıqları böhtan kampaniyalarının hədəfi Azərbaycan və Türk dünyasının birliyidir.
Əslində Farsların özləri də, dilləri də qondarmadır. “İran” kəlməsinə də elxanilərdən sonrakı dövrlərdə rast gəlinir ki, bunun da farslara, indiki İrana heç bir bağlıığı yoxdur və mənşə etibarilə taciklərə aiddir. Bu gün fars dilində tacik sözləri üstünlük təşkil edir. Bugünkü İran İngiltərə və Fransanın dəstəyi ilə yaranmışdır. Bununla da 400 il davam edən Azərbaycan monarxiyasının devrilməsi baş tutmuşdur. 1925- ci ilədək olan dövrdə həmin ərazilərdə türk dövlətləri hökm sürmüşdür. 1925-ci ildə Pəhləvilər sülaləsinin çevrilişi nəticəsində yaradılan İran-fars dövləti adı və mənşəyi ilə XX yüzilə aiddir. Xanədan Rza şahın səyləri ilə İran dövləti adlandırılmışdır. 1925-1979-cu illərdə İrana Pəhləvi sülaləsinin şahları başçılıq etmışlər. Artıq bir əsrdir ki, 40 milyondan artıq türk təkcə bütün insani hüquqlardan məhrum edilib, onların Şimali Azərbaycanla və digər türk xalqları ilə əlaqəsində ciddi qadağalar hökm sürür.
Tarixi saxtalaşdırmaqla “tarix” yazmaq və onu fakt kimi keçmişə bağlamaq fars şovinizminin yeni olmayan bir əlamətidir. Demək olar ki, onlar saxtakarlığın peşəkarına çevriliblər".
D.Osmanlı əlavə etdi ki, bu addımlarla farslar bütövlükdə İran cəmiyyətində, elmi təsisatlarda öz tarixləri barədə olan xəstə illüziyaları dayanıqlı vəziyyətə gətirmiş olurlar:" Eyni zamanda Azərbaycanın Qarabağ zəfəri və bölgədə nüfuzlu söz sahibinə çevrilməsi İran hakimiyyətinin qorxulu yuxularına çevrilib. Azərbaycanın cənubunda soydaşlarımızın həyatna, düşüncəsinə, tarixinə, təhsilinə, dil və milli kimliklərinə qarşı bir əsrə yaxın rəsmi səviyydə davam edən basqıların, terror hərəkətlərinin son dövrlərdə daha da amansızlaşması bundan irəli gəlir".
İradə SARIYEVA
