Rusiya Kaxovka su elektrik stansiyasında törədilən terror aktından sonra dayanmır və bəndləri dağıtmağa davam edir. Ukraynanın Tavriya Müdafiə Qüvvələrinin Birgə Əlaqələndirmə Mərkəzinin spikeri Valeri Şerşen deyib ki, indi də ruslar Zaporojye vilayətində bəndi uçurub.
Rusiya niyə bu taktikanı seçir?
Rusiyanın müdafiə naziri Sergey Şoyqu bildirib ki, Ukrayna qüvvələri Dnepr çayının sağ sahilindən öz qoşunlarını təhlükəsiz şəkildə geri çəkib şərqə köçürmək üçün daşqın təşkil edib, rusların bundan Xersonu tutmaq üçün yeni cəhd üçün istifadə edəcəyindən qorxaraq.
Hərbi-siyasi ekspert, ehtiyatda olan polkovnik-leytenant İbrahim Rüstəmli “Bakı-Xəbər”ə açıqlamasında bildirdi ki, bütün bunlar Ukrayna-Rusiya müharibəsi haqqında konkret fikirlər yaratmağa imkan verir: “Görünən budur ki, Rusiya küncə sıxışdırılıb. Bir sıra Qərb ölkələri Ukrayna cəbhəsindən Rusiyaya qarşı istifadə edir. Yaradılan anti-Rusiya koalisiyasına görə Moskva təklənib. Hər ay Ukraynaya milyardlarla vəsait göndərilir. Bunun da ən böyük hissəsi silah və sursata, bir sözlə silahlı qüvvələrə sərf edilir. Rusiyanın bunun qarşısında tab gətirməsi mümkün deyil. Rusiyanın özünə qarşı çox ciddi sanksiyalar da qüvvədədir. Yəni onun maliyyə damarları kəsilməkdədir. Xüsusilə də Ukraynaya çox müasir silahların verilməsi həlledici əhəmiyyət daşıyır. Rusiya buna görə də, ən son addımlara əl atır. Bunu əli hər yerdən üzülən dövlət edə bilər. Bu hadisələr bizə yaxşı nəsə vəd etmir. Su bəndlərinin partladılması nəticəsində onlarla yaşayış məntəqəsi su altında qalıb. Bu, çox böyük insani cinayət və faciədir. Buna görə də, bu müharibənin yaxın gələcəyi də yaxşı nəsə vəd etmir. Bu müharibədə Ukrayna qalib gələcək. Beynəlxalq hüquq da Ukraynanın maraqlarını müdafiə edir. Rusiya son şansı kimi insanlıq əleyhinə cinayətlərə əl atır. Analitiklər hesab edirlər ki, Dneprin aşağı səmtinin su altında qalmasına baxdıqda, buna rusların daha çox maraqlı olduqları aydın şəkildə görünür, nəinki ukraynalıların.
Rusiya daşqından Dnepr çayını genişləndirmək və onsuz da çətin olan su hövzəsi üzərindən Ukraynanın əks-hücum etmək cəhdlərini çətinləşdirmək üçün istifadə edə bilər. Rusiya mənbələri Ukraynanın çayı keçməyə və Xerson vilayətinin şərq sahilində əks-hücuma keçməyə hazırlaşması ehtimalından güclü və birmənalı narahatlığını bildirib”.
Rusiya daşqından Dnepr çayını genişləndirmək və onsuz da çətin olan su hövzəsi üzərindən Ukraynanın əks-hücum etmək cəhdlərini çətinləşdirmək üçün istifadə edə bilər. Krımın su ilə təminatında yaranan problemi əsas gətirərək partlayışın Ukrayna tərəfindən törədildiyini bildirirlər. Amma nəzərə almaq lazımdır ki, Krımın su təminatı təkcə Dnepr çayının hesabına həyata keçirilmir. Göründüyü kimi, arqumentlər kifayət qədərdir. Buna görə də, birmənalı dəyərləndirmə aparmaq çətindir. Amma ümumi mənzərəyə nəzər yetirsək, bu ərazi Ukraynaya məxsusdur. Odur ki, baş verən istənilən dağıntı Ukrayna xalqı və dövləti üçün ciddi problemlər yaradır.
Məhəmmədəli QƏRİBLİ
