“ Həqiqi tarixi yazanlar, şəhidlərdir.”- deyib yazdığı tarix kitabları ilə məhşurlaşan Alister Krouli.
Tarixə adını öz cəsarəti,hünəri, qeyrəti ilə yazan Azərbaycan xalqı qədim,zəngin qəhrəmanlıqlarla dolu tarixə sahibdir. Bu tarix öz ağuşunda minlərlə Azərbaycan övladının qəhrəmanlıq salnəməsini gizləyir. Yerləşdiyi starteji mövqeyinə , zəngin və göz oxşayan təbiətinə, yeraltı və yer üstü sərvətinə görə Azərbaycan tarixən öz ərazi bütövlüyünü məkirli düşmənlərindən qorumuşdur. Vətənin bir qarış torpağının düşmən əsarətində olmağındansa canlarından keçməyi üstün tutan Azərbaycanın vətənpərvər oğulları 2020- ci ildə II Qarabağ müharibəsi- “ Vətən müharibəsi” və şanlı qələbəsi ilə tarixin səhifələrinə qəhrəmanlıq salnaməsi yazdılar.
Azərbaycan xalqı 30 il düşmən əsarətində olan torpağını mənfur düşməndən azad etdi. Bu qələbənin memarları ,əlbəttə ki, igid oğullarımızdır. Qələbənin işığını Qarabağ üzərində parladan qəhrəman şəhid və qazilərimiz gələcək nəsillərə örnəkdir.
Şəhidlik zirvəsi vətənpərvəliyin , cəsarətin , qeyrətin təcəssümüdür. Bu gün yastığı vətən daşı , yorğanı qar olan vətənin cəsur oğullarından biri - Şəhid Fərid Şamilov haqqında danışacıyıq.
Fərid Mirzə oğlu Şamilov 04.05.1999 ildə Sumqayıt şəhərində vətənpər bir ailədə dünyaya gəlib. 2005–2016-cı illərdə Sumqayıt şəhər 16 saylı tam orta məktəbdə təhsil aldığı dövrdə müəllimləri Fəridin daxilindəki qarşısı alınmaz vətənpərvəlik hissini duymuşdular. Fərid uşaqlığdan özünəməxsus cəsarəti ilə seçilirdi. Hətta onun hərbiyə həvəsi uşaq vaxtlarından yaranıbmış. Onun belə casarətli və vətənə bağlı olmasında atasının rolu az deyil. Atasından oğluna ötürülən bu dəyər Fəridin bütün həyatı boyu onu izləmişdir.
Şəhid Fərid Şamilovun Atası I Qarabağ müharibəsi veteranı Mirzə Şamilov Fəridlə bağlı xatirələrini bu cür dilə gətirir :
“Oğlum , Fərid II Qarabağ müharibəsinə könüllü olaraq yollanmışdır. İlk günlərində Füzuli, Cəbrayıl, Xocavənd, Zəngilan uğrunda gedən döyüşlərdə qəhrəmancasına iştirak etmişdir.
Fərid çox ürəkli, vətənpərvər uşaq bir kimi böyümüşdür. Çox zaman onunla söhbət edəndə I Qarabağ müharibəsindəki döyüş xatirələrimi soruşurdu. Müharibə haqqında danışdıqlarımı böyük maraqla,həvəslə dinləyirdi. Mənə bu barədə çoxlu suallar verir və uşaq olmasına baxmayaraq cəsarətlə “ Mən də böyüyəndə əsgər olacam”- deyirdi.
Həqiqi hərbi xidmətdən gələndən sonra 21 sentyabrda, Fərid yenidən könüllü olaraq əsgər gedənlərdən biri idi . Döyüş yoldaşları Fəridin qorxmaz, cəsur olduğunu deyirlər. Onun haqqında danışanda bütün tapşırıqlara necə ilk olaraq can atdığını danışırlar .
Özünlə danışanda həmişə “ Hər şey yaxşıdır, ata, qələbə bizim olacaq deyirdi.” Noyabrın 8-i Fəridlə son dəfə danışanda Şuşa ətrafında idi. Hətta İlham Əliyevin Şuşanın geri qaytarıldığı və qələbə xəbərini verdikdən sonra zəng edib məni də təbrik etmişdi. Elə həmin gün axşam Xocavənd rayonunda qəhrəmancasına şəhid olmuşdur.”
Övaldlarını Vətənpərvər ruhda böyüdə bilmək valideynlər üçün qürur mənbəyidir. Fəridin təlim-tərbiyəsi ilə atasından başqa nənəsi Tamara xanım da yaxından əlaqədar olmuşdur.
Tamara xanım Fəridin könüllü olaraq yenidən əsgər getmə arzusunu nənəsi ilə bölüşməsini belə xatırlayır: Fərid gəlib mənə dedi ki , “ Nənə mən könüllü yazılmışam.” Həqiqətən o an təəccübləndim çünki əsgərlikdən təzə gəlmişdi . Amma Fərid mənə dedi ki , “ Yox, nənə. Mən Şuşanı almağa gedəcəm. Şuşamızı geri qaytarandan sonra hələ səni də ora aparacam.”
Fəridin Şəhid xəbəri ailəsinə ağrılı, acılı günlər yaşatsa da hər zaman Vətən sağolsun deməyi unutmurlar. Çünki Fərid təkcə ailəsinin deyil millətinin qürur mənbəyidir.
Fəridin Şəhidlik zirvəsinə ucalma xəbərinin ailəsinə verildiyi günü Fəridin kiçik qardaşı Fuad Şamilov xatirəsində belə canlandırır :
“21-i Fəridi yola salanda gördüm ki, həqiqətən çox sevinclidi. Gülə-gülə gedirdi xidmətə. Onun niyə belə sevincli olduğunu mən 15 oktyabrda mənə zəng eliyəndə anladım. Zəng eliyəndə gecə idi. Dedi ki, “ Fuad haqqıvı halal elə. Ola bilər ki, döyüşdən sağ çıxmadım. Amma əminəm ki, torpaqlarımızı geri alacıyıq.Bunu hiss eləyirəm. Qələbə bizimlədir. ” 8 noyabr Fərid ata ilə danışıb Şuşanın geri alınması münasibəti ilə onu təbrik edib . Hər şeyin yaxşı olduğunu da bilavəsitə vurğulayıb.
9 noyabr normal qaydada həyətdə gəzməyə çıxmışdım. Binamızın qarşısında iki nəfər gördüm və məndən Fəridin harda yaşadığını soruşdular. Məndə narahatlığımı gizlədib nə olduğunu soruşanda, dedilər ki Fəridin evi lazımdır. Kiçik qardaşı olduğumu bildirdim. Mənə qardaşımın yaralandığını dedilər. Füzulidə xəstəxanada olduğunu ailə üzvünün ora getməsi lazım olduğunu dedilər. Atama sükan arxasında olduğuna görə xəbər verməyib əmimə zəng elədim. Həyətdə həyəcan içində xəbər gözdüyürdüm 20 dəqiqə keçməzdi ki , atam mənə zəng elədi ki , gəl gözləyirəm səni. Atamın yanına çatanda binamızın qarşısındaki daşda oturmuşdu. Əslində nə baş verdiyini elə atamı ilk görəndə anlamışdım. Lakin qəbullana bilmirdim. Atamın yanına çatan kimi dedim atama hazırlaşıb tez Fəridin yanına getməli olduğumuzu dedim. Atam gözümün içinə baxıb boğuq səs tonunynan dediyi cümlə eşidə biləcəyim ən qürurlu amma ən ağrılı cümlə idi. “ Fuad, qardaşın şəhid olub. Vətən sağolsun !”
Vətən müharibəsində iştirak edən hər bir igidin öz qəhrəmanlıq salnaməsi var.
“ Tez-tez Fəridin döyüş yoldaşlarından xatirələrinə qulaq asıram. Şəhid olduğu günü danışanda bu gündə döyüş yoldaşlarının gözü dolur. Fəridlə indi Şəhidlər Xiyabanında yanaşı dəfn edilən Qubad adlı döyüş yoldaşı eyni gündə şəhid olmuşdurlar. Həmin gün minamiyot açılanda Qubad Fəridi qucağlayıb səngərin içərisinə girmək istəyib. Qubad orda elə yerindəcə şəhid olub. Fərid aldığı xəsarətdən ayaqları kəsilib. İki saat yarım təxliyə gözləyib. Xəstəxanaya gedəndə əli ilə telefonunu axtarıb ki , atama zəng etsin. Amma edə bilməyib . Telefon əlindən yerə düşüb. Fərid xəstəxanaya çatanda silahını göstərib “ Vurunda məni , qurban olum. Mən belə yaşaya bilmərəm.” Daha sonra son olaraq bu sözləri deyərək : “ Mən atamı çox istəyirəm. Atama deyin ki , məni bağışlasın.” Şəhidlik zirvəsinə ucalıb.”- deyə Fərid Şamilovun qardaşı Fuad Şamilov öz müsahibəsində bildirdi.
Bildirim ki , Fərid Şamilov 2020-ci ildə Tovuz döyüşlərindən sonra könüllü olaraq Səfərbərlik və Hərbi Xidmətə Çağırış idarəsinə ərizə ilə müraciət edib. 2020-ci il sentyabrın 21-də hərbi xidmətə çağrılıb və Qusar rayonunda bir müddət təlimlər keçəndən sonra sentyabrın 27-də cəbhə bölgəsinə yollanıb. Füzuli, Cəbrayıl, Xocavənd, Zəngilan uğrunda gedən döyüşlərdə qəhrəmancasına iştirak etmiş və 8 noyabr 2020 ci ildə qəhrəmancasına şəhid olmuşdur. Ölümündən sonra Fərid Mirzə oğlu Şamilov “ Vətən uğurnda” , “Cəbrayılın azad olunmasına görə” , “Xocavəndin azad olunmasına görə” , “Füzulinin azad olunmasına görə” medalları ilə təltif olunmuşdur .
Mətanət Abbas
