KİV DF Milli Mətbuatın 139-cu ildönümündə 40 jurnalisti pulla mükafatlandırdı

Tarix: 24.07.2014 / 10:49
Bölmə: Gündəm

Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİV DF) və Azərbaycan Mətbuat Şurasının birgə təşkilatçılığı ilə iyulun 22-də "Altun Saray" istirahət mərkəzində Azərbaycan milli mətbuatının yaranmasının 139-cu ildönümünə həsr olunmuş təntənəli tədbir keçirilib.
Tədbir çərçivəsində Fondun milli mətbuat günü ilə bağlı keçirdiyi fərdi jurnalist yazıları müsabiqəsinin qaliblərinin və Azərbaycan Mətbuat Şurasının Ali Media Mükafatı laueratlarının mükafatlandırılması mərasimi təşkil edilib.
Kütləvi İnformasiya Vasitələrinin İnkişafına Dövlət Dəstəyi Fondunun icrası direktoru Vüqar Səfərli tədbiri giriş sözü ilə açaraq media nümayəndələrini 22 iyul - Milli Mətbuat Günü münasibətilə təbrik edib, onlara yeni-yeni yaradıcılıq uğurları arzulayıb. Ölkə mətbuatının tarixi inkişaf mərhələlərindən söz açan Fondun icraçı direktoru xüsusən də son illərdə dövlətin yüksək qayğısı ilə söz və mətbuat azadlıqlarının təmini sahəsində mühüm uğurların əldə olunduğunu diqqətə çatdırıb. Qeyd edilib ki, ölkə başçısının mətbuatın inkişafına göstərdiyi xüsusi diqqət və qayğının təcəssümü kimi yaradılmış Fond mətbuatın maddi problemlərinin həllinə, ölkə jurnalistlərin sosial vəziyyətinin yaxşılaşdırılmasına xidmət edən mühüm layihələr həyata keçirir. V.Səfərli həmçinin vurğulayıb ki, Fondun xəttilə keçirilən fərdi jurnalist yazıları müsabiqələri jurnalistlərin yaradıcı fəaliyyətinin stimullaşdırılmasına və onların sosial vəziyyətinin yaxşılaşdırılmasına xidmət edir.
V.Səfərli milli mətbuatın 139-cu ildönümü ilə əlaqədar keçirilən fərdi jurnalist yazıları müsabiqəsinə 66 redaksiyadan 116 yazı təqdim edildiyini, ekspertlərin rəyləri əsasında ən yüksək bal toplamış 30 jurnalistin əsas, 10 jurnalistin isə həvəsləndirici mükafata layiq görüldüyünü diqqətə çatdırıb. Qeyd edilib ki, əsas qaliblərin hər birinə 1000 manat, həvəsləndirici yerlərə layiq görülmüş jurnalistlərə isə 300 manat məbləğində mükafat verilib.
Sonra söz Azərbaycan Respublikası Prezidenti Administrasiyasının ictimai-siyasi məsələlər şöbəsinin müdiri Əli Həsənova veriliö. Ölkə jurnalistlərini əlamətdar bayram münasibətilə təbrik edən Əli Həsənov hazırkı informasiya əsrində onların fəaliyyətinin cəmiyyət üçün son dərəcə əhəmiyyətli olduğunu qeyd edib. O, ölkə mətbuatının inkişafını 4 mərhələyə bölərək hər bir mərhələnin səciyyəvi cəhətləri barədə geniş məlumat verib, xüsusən də Azərbaycanın dövlət müstəqilliyinin bərpasından sonra kütləvi informasiya vasitələrinin inkişafı üçün geniş imkanların açıldığını diqqətə çatdırıb.
Sonra müsabiqənin qaliblərinə Fondun fəxri diplomları təqdim edilib.
Mərasimdə rabitə və yüksək texnologiyalar nazirinin müavini İltimas Məmmədov Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərliyə və Mətbuat Şurasının sədri Əflatun Amaşova nazirliyin fəxri fərmanını təqdim edib.
Mərasimdə çıxış edən Mətbuat Şurasının sədri Əflatun Amaşov Azərbaycan milli mətbuatının keçdiyi çətin və şərəfli tarixi yola nəzər salaraq, "Əkinçi" qəzetinin xalqımızın həyatında oynadığı rolu xüsusi vurğulayıb.
Sonda Mətbuat Şurasının təsis etdiyi Ali Media Mükafatı təqdim olunmuşdur.
Prezident Administrasiyasının ictimai-siyasi məsələlər şöbəsinin müdiri Əli Həsənov mükafatları təqdim edərək mərasimə yekun vurub, jurnalistlərə yaradıcılıq uğurları arzulayıb, dövlətimizin mətbuatın inkişafına bundan sonra da yüksək diqqət və qayğı göstərəcəyini vurğulayıb.
Mərasim bədii hissədə konsert proqramı ilə davam etdirilib.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...