Rusiyanın miqrant qanunvericiliyində Azərbaycan üçün də örnək ola biləcək maddə...

Tarix: 23.07.2014 / 03:56
Bölmə: Gündəm

Rusiyada işləmək istəyənlər bu ölkənin tarixindən 19 günü və 50 personanı öyrənməli olacaq. Moskvadakı Xalqlar Dostluğu Universitetinin əlavə təhsil üzrə prorektoru Anjela Doljikova iyulun 21-də belə açıqlama verib. 2015-ci il yanvarın 1-dən Rusiyada müvəqqəti yaşamaq və işləmək razılığı almaq istəyən miqrantlar testdən keçməli olacaq.
Test rus dili, Rusiya tarixi və qanunvericiliyinin əsasları üzrə aparılacaq. Hazırda Rusiya Xalqlar Dostluğu Universitetində miqrantlar üçün test tapşırıqları hazırlanır. Doljikova tarix üzrə üçündən birini seçməklə 20 sualın hazırlandığını bildirib: "Suallar Rusiya tarixindən ən vacib hadisələri əhatə edir. Hazırda testə 19 tarixi gün və hərbçilər, şairlər, yazıçılar, bəzi müasir siyasətçilər də daxil olmaqla, 50 xadim haqda suallar düşüb".
Prorektorun sözlərinə görə, rus dili üzrə testlər miqrantlar üçün indi qüvvədə olan testləşmədən bir az fərqlənəcək.
Qanunvericiliyin əsasları üzrə modula 20 sual daxil ediləcək. Əcnəbi vətəndaşlar Rusiyada özlərini düzgün aparmaq və inzibati məsuliyyətə cəlb olunmamaq üçün bu suallara cavab verməli olacaq.
Doljikova miqrantları bu test imtahanına hazırlamaq üçün dərsliklər çap olunduğunu vurğulayıb: "Hazırda onların elektron versiyası üzərində də iş gedir".
Hər halda, bu yenilikdən təşvişə düşmək lazım deyil. Bu həm də miqrantlara yaşadıqları ölkələrin ictimai-siyasi proseslərində fəal iştirak üçün imkan verəcək amildir. Bu yeniliyin bizim ölkədə də tətbiqinə ehtiyac varmı?
Miqrasiya üzrə ekspert Azər Allahverənov qəzetimizə açıqlamasında bildirdi ki, bu yeniliyin həm miqrantlara, həm də Rusiya dövlətinə xeyri var: "Son iki ildə Rusiya dövləti miqrasiya siyasətində bir sıra yeniliklər edir. Bütün dəyişikliklər Rusiyanın dövləti maraqlarının təmininə və ölkədə stabilliyin əldə olunmasına yönəlib. Əvvəl miqrasiya ilə bağlı sərt qadağalar tətbiq edildi. Təbii ki, Rusiya bunu etməyə məhkum idi. Bu da Rusiyada miqrantların sayının azalmasına gətirib çıxardı. Rusiyanın ərazisi ilə əhalisi arasında nisbəti götürsək məlum olur ki, miqrantlara ehtiyac var. Bu səbəbdən də miqrantlara ehtiyac duyulur. Dili bilməmək isə yerli əhali ilə onlar arasında problemlərə, bəzən isə cinayətlərin meydana çıxmasına səbəb olurdu. Hətta belə təkliflər edilirdi ki, miqrantlar üçün ayrıca qəsəbələr salınsın. Bu yenilik miqrantların ölkənin həyatına inteqrasiyasına böyük fayda verəcək. Bir də yalnış anlamaq lazım deyil.
Miqrantlarla bağlı qəbul edilən yenilik heç də azərbaycanlılara qarşı yönəlməyib. Biz ilk beşliyə daxilik və yəqin ki, problemli miqrant siyahısında sonuncu yeri tutarıq. Təbii ki, belə mütərəqqi yeniliklərin Azərbaycanda da qəbuluna ehtiyac var".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...