İsrail Azərbaycanı dünya ölkələrinə tolerantlıq nümunəsi kimi yüksək qiymətləndirir

Tarix: 18.07.2014 / 03:49
Bölmə: Gündəm

Azərbaycan tolerantlıq ölkəsidir. Bunu "Trend"ə eksklüziv müsahibəsində İsrailin Azərbaycandakı səfiri Rafael Harpaz bildirib. Səfir deyib: "Azərbaycanda böyük yəhudi icması var. İsraildə isə Azərbaycan əsilli böyük icma yaşayır. Yəhudilər burada hər zaman rahat yaşayıblar".
Onun sözlərinə görə, İsrail Azərbaycanı yəhudi icmasına münasibətinə görə dünyanın bütün ölkələri üçün tolerantlıq nümunəsi kimi yüksək qiymətləndirir.
R.Harpaz qeyd edib ki, İsrail və Azərbaycan arasında bütün sahələrdə gözəl əlaqələr mövcuddur. Buna misal olaraq, səfir Azərbaycan Prezidenti İlham Əliyevin İsrailin Baş naziri Benyamin Netanyahu ilə Davosda görüşünü, Azərbaycanın xarici işlər naziri Elmar Məmmədyarovun və kənd təsərrüfatı naziri Heydər Əsədovun İsrailə səfərlərini və bu yaxınlarda İsrailin xarici işlər naziri Aviqdor Libermanın Bakıya səfərini xatırladıb.
Türkiyə və İsrail arasındakı hazırkı münasibətlərə toxunan səfir bildirib ki, Türkiyə çox vacib ölkədir: "Biz hazırda əlaqələrin normallaşdırılması prosesindəyik".
Diplomatın sözlərinə görə, dünyada bir çox problem mövcuddur və Türkiyə ilə İsrailin ortaq maraqları var.
R.Harpaz qeyd edib ki, hər iki ölkədə ticarət və turizm sahəsi ötən il ərzində xeyli dərəcədə inkişaf edib. Onun sözlərinə görə, "Türk Hava Yolları" hazırda İsraildə ən böyük xarici aviaşirkətdir.
Səfirin sözlərinə görə, aralarındakı narazılıqları aradan qaldırmaq üçün hər iki vacib ölkənin bir çox ümumi maraqları var.
Qeyd edək ki, Türkiyə ilə İsrail arasında münasibətlər 2010-cu ilin mayında İsrailin Hərbi Dəniz Qüvvələrinin İsrail Silahlı Qüvvələri tərəfindən blokadaya alınmış Qəzza bölgəsinə humanitar yardım aparan "Azadlıq Donanması"nın altı gəmisini saxlamasından sonra kəskin şəkildə pisləşib. İsrail SQ-nin hücumu nəticəsində Türkiyənin "Mavi Mərmərə" gəmisində 9 sülhməramlı həlak olub. İsrail hökuməti israrla hərbi əməliyyatın özünümüdafiə xarakteri daşıdığını bildirir. 2011-ci ilin sentyabrında Türkiyə və İsrail öz səfirlərini geri çağırıb.
Rafael Harpaz həmçinin qeyd edib ki, gələn il keçiriləcək İlk Avropa Oyunları üçün böyük həyəcan var. Səfirin sözlərinə, İsrail bu oyunların keçirilməsində Azərbaycanı dəstəkləyir və oyunlara özünün ən güclü nümayəndə heyətini göndərəcək: "Biz hesab edirik ki, bu, Azərbaycanı Avropaya açmaq üçün böyük imkandır və biz buna çox şadıq".
Qeyd edək ki, Bakı 2015 ilk Avropa Oyunları gələn il iyunun 12-28-də keçiriləcək.
Son həftələrdə İsrailə yüzlərlə raket atılıb. Dünyada elə bir ölkə yoxdur ki, belə bir vəziyyətdə yaşamağa razılıq versin. Bunu "Trend"ə eksklüziv müsahibəsində İsrailin Azərbaycandakı səfiri Rafael Harpaz İsrail və HƏMAS arasındakı qaynar münaqişəyə münasibət bildirərkən deyib. Səfir qeyd edib: "Sizə atəş açsaydılar, siz nə edərdiniz? Biz özümüzü müdafiə etməliyik". R.Harpazın sözlərinə görə, İsrail beynəlxalq ictimaiyyətin böyük dəstəyi ilə Misirin atəşkəs təklifini qəbul etdi: "Lakin Əl-Qaidə, Boko-Haram və İŞİD ilə eyni ideologiyaya malik olan terror təşkilatı HƏMAS buna yox dedi. İsrail altı saat gözlədi. Bu vaxt ərzində İsrailə yüzdən çox raket atıldı. Bu reallıqdır".
Qeyd edək ki, iyulun 8-də İsrail Qəzzadakı HƏMAS hökumətinə və ölkənin raket atəşinə tutulmasına qarşı "Müdafiə səddi" adlı hərbi əməliyyatlara start verdiyini açıqladı. İsrailin başlatdığı əməliyyatlar nəticəsində Qəzzada 226 fələstinlinin öldüyü, 1600-dan çox insanın yaralandığı bildirilir.
Səfirin sözlərinə görə, bu əməliyyatın səbəbi HƏMAS-ın raketlər istehsal edib onları İsrailə atmasına mane olmaqdır: "İsraillilər sülhsevər insanlardır. Biz Fələstin xalqına qarşı döyüşmürük. Biz bütün dünyada terrorizmə, ekstremizmə qarşı mübarizə aparırıq. Biz bu düşmənlər tərəfindən əhatə olunmuşuq və onlar xəstəxanalarda, məktəblərdə və məzillərində vətəndaşlarımıza atəş açır. Biz raketlərdən və "Dəmir Qübbə" ("İron Dome") sistemindən vətəndaşlarımızı qorumaq üçün istifadə edirik. Fələstinlilər isə raketlərini qorumaq üçün vətəndaşlarından insan qalxanı kimi istifadə edirlər. Onlar vətəndaşlarını xəstəxanalarda, bağçalarda yerləşdirirlər. Biz hər iki tərəfdən günahsız insanların ölməsinə görə təəssüflənirik. Məsuliyyəti HƏMAS daşıyır".
İsrail və Azərbaycanın regionda sülh və stabilliyi təmin etmək üçün göstərə biləcəyi birgə səylərə dair suala cavabında səfir bildirib ki, bu gün dünya dəyişir: "Siz İraqda və Suriyada baş verən dəyişiklikləri görürsünüz. Bizim HƏMAS və "Hizbullah"la ətrafımızda baş verənlərə baxın. Biz sülhsevərik. Dünyada baş verənlər narahatlıq doğurur və bu səbəbdən əməkdaşlıq çox vacibdir. Azərbaycan və İsrail sülh və stabilliyi dəstəkləyir və buna görə də iki ölkə arasındakı bu nadir, xüsusi və gözəl əlaqələr dünyada stabillik üçün çox vacibdir".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...