Ermənilərin girov götürdüyü azərbaycanlılarla bağlı yeni faktlar ortaya çıxdı

Tarix: 16.07.2014 / 06:28
Bölmə: Gündəm

Erməni xüsusi təyinatlılarının Kəlbəcərin Şaplar kəndində girov götürdüyü Dilqəm Əhmədov ermənilərin əlinə düşməzdən öncə Azərbaycana zəng edib. Movqe.az-a bu barədə məlumatı Dilqəm Əhmədovun qohumu Elxan Nəbiyev verib. E.Nəbiyev bildirib ki, Dilqəm Əhmədov Azərbaycana - Şahbaz Quliyevin yaxınlarına zəng edərək bildirib ki, ermənilər Həsəni güllələyiblər:
"Şahbazı isə tutduqdan sonra gözünü çıxarıblar. Bizə çatan məlumatlara görə, Dilqəmi erməni MTN-i həmin mobil telefon vasitəsilə yerini müəyyənləşdirərək ələ keçirib. Çünki o, Rusiya vətəndaşı olduğundan, Rusiyanın abonenti olduğu mobil operator vasitəsilə Azərbaycanla əlaqə saxlayıb".
Elxan Nəbiyev Dilqəmin Kəlbəcərə keçməzdən öncə onunla da əlaqə saxladığını bildirib: "Biz onunla planlaşdırmışdıq ki, avqustda doğma yurdumuza keçək. Amma bu dəfə o, Permdən bir az gec gəlib. Mən isə Hacıkənd tərəfə gəlmişəm. Aşağı düşəndə gördüm Dilqəm mənə zəng edib. Təkrar onu arasam da, zəng çatmadı. Öyrəndim ki, Şahbaz və Cəbrayıldan olan Həsənlə birgə o taya keçiblər. Bilirsiniz, indi hərə bir söz deyir. Amma Dilqəm ələ keçəsi oğlan deyildi. O o tərəflərin torpaqlarını addım-addım tanıyırdı. Bu birinci dəfə deyildi ki, 1999, 2001, 2002, 2004, 2006, 2009-cu illərdə Dilqəm Kəlbəcərə, Şaplara gedib, sağ-salamat da qayıdıb. Heç ələ keçəcəyini ağlına da gətirmirdi. Çox hünərli oğul idi Dilqəm. O deyirdi ki, öz torpağıma keçmək üçün düşməndən icazəmi almalıyam? Axı onu niyə qınayırlar? Uşaqlığımız onunla bir kənddə keçib. O, torpaqların qoxusunu içinə çəkmək istəyirdi. Çox təəssüf ki, ehtiyatsız davranıb bu dəfə. Araq ələ verib onları. Yoxsa o ələ keçəsi oğul deyildi. Peşimanam ki, mən onunla getmədim ora. Kaş mən də gedəydim, qoymazdım onları fermadan araq götürüb içməyə".
E.Nəbiyev 2012-ci ilin yayında Dilqəmlə Ağdərəyə keçdiklərini, yolu-izi yoxladıqlarını da söylədi: "Mən özüm də bir dəfə təkcə o tərəfə keçmişəm. Amma nə yalan deyim, tək olduğum üçün gecəynən geri qayıtmışam. Dilqəmin başına ermənilər pul qoymuşdu".
E.Nəbiyev Dilqəmin iki övladı olduğunu, ailəsinin Şəmkirdə olduğunu bildirib: "Dilqəmin bir oğlu var, bir qızı. Hər ikisini evləndirib. Onların da Dilqəmin ələ keçməsindən xəbəri var".
Kəlbəcər Rayon İcra Hakimiyyətindən də onların Kəlbəcərə keçdikləri barədə məlumatlı olduqlarını söylədilər. Rayon icra başçısının birinci müavini Eldəniz Mehdiyev Movqe.az-a açıqlamasında bildirib ki, Dilqəm və Şahbazın dəfələrlə Kəlbəcərə getdikləri barədə onlara da məlumat daxil olub: "Amma biz onlardan Kəlbəcərə gedərkən yox, qayıdanda xəbər tutmuşuq. Biz onların vətən həsrətini anlayırıq. Amma gərək onlar da qarşı tərəfdə düşmən olduğunu anlayardılar. Təhlükəni başa düşərdilər. Azərbaycan hökumətinin Dilqəmin və Şahbazın azad edilməsi üçün əlindən gələni edəcəyinə əminik. Biz də onların yaxınları ilə tez-tez əlaqə saxlayırıq".
E.Mehdiyev Dilqəm Əhmədovun vətənini sevən, torpağına bağlı insan olduğu barədə məlumatlı olduğunu bildirib. Onun sözlərinə görə, hətta Dilqəm bu il Kəlbəcərin işğalının ildönümündə Bakıda tədbirə də qatıldığını bildirib.
Xatırladaq ki, erməni saytları Kəlbəcərin Şaplar kəndində dünyaya gələn, hazırda Rusiya vətəndaşı olan Dilqəm Əhmədovu ələ keçirdiklərini əks etdirən videogörüntünü yayıblar. Dilqəm Əhmədov və Şahbaz Quliyev uzun illərdir ki, Kəlbəcərə gedir, Ermənistanın işğal etdiyi doğma yurd yerlərindən videoçəkilişlər edirdilər. Düşmən tərəf bu şəxslərin diversant olduğu barədə məlumatlar yayır, onları ermənilərin ölümündə suçlayır. Halbuki, onları bu torpaqlara, təhlükəli olsa belə, getməyə vadar edən səbəb öz doğma torpaqlarına qovuşmaq həsrəti idi.
Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyası Ermənistan tərəfindən saxlanan Azərbaycan vətəndaşları ilə bağlı açıqlama yayıb.
Komissiyadan APA-ya verilən məlumata görə, son günlər Ermənistana aid elektron kütləvi informasiya vasitələrində yayılmış məlumatlarda, o cümlədən video və foto materiallarda Azərbaycan Respublikasının Kəlbəcər rayonu ərazisində girov götürüldüyü bildirilən Azərbaycan vətəndaşlarının sonrakı taleyinin aydınlaşdırılması ilə bağlı məsələ Dövlət Komissiyasının gündəlik diqqət mərkəzindədir. Dövlət Komissiyası səlahiyyətləri çərçivəsində bu barədə materialların yayımlandığı ilk gündən etibarən aidiyyəti beynəlxalq təşkilatları məlumatlandıraraq, məsələnin beynəlxalq humanitar hüquq normaları çərçivəsində araşdırılmasını və bütün zəruri prosedurların həyata keçirilməsini tələb edib.
Hazırda video və foto materiallarda yayımlanan vətəndaşların şəxsiyyətinin dəqiqləşdirilməsi istiqamətində zəruri işlər aparılır. Əlavə məlumat olacağı təqdirdə ictimaiyyət məlumatlandırılacaq.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...