Siyasi partiyalarımız təriqət davası salmaq istəyənlərə qəribə şəkildə susdu

Tarix: 08.07.2014 / 11:28
Bölmə: Gündəm

Natiq Ədilov: «Baş verən hadisə cinayətdir və bu cəzalandırılmalıdır»

KXCP-dən: «Belə hərəkətlərin çox təhlükəli nəticəsi ola bilər»

Bir neçə gün əvvəl Sabirabad rayonunun bazarında baş verən hadisə hələ də gündəmin baş mövzusu olaraq qalır. Maraqlıdır ki, həmin hadisəni dini zəmində baş verən qarşıdurma kimi qələmə verməyə cəhdlər də edilir. Azərbaycan cəmiyyəti bu məsələdə də öz tolerantlığını ortaya qoydu. Hadisə belə baş verib.
Rayon bazarında alış-veriş edərkən Cavanşir Zərbəliyev adlı vəhhabi təriqətindən olan dindarın saqqalı ətrafdakı şəxslər tərəfindən zorla qırxılıb. Əhalisinin böyük əksəriyyətini şiələr təşkil edən bir ölkənin məsələyə münasibəti maraqlı və son dərəcə doğru oldu. Həmin hərəkəti edənlər birmənalı olaraq qınanıldı. Dövlət də öz mövqeyini ortaya qoyaraq həmin əməli törədənləri məsuliyyətə cəlb etdi.
Saqqalı qırxılan şəxs açıqlamasında bildirib ki, həmin gün səhər saatlarında bazara gəlib: «Gilasın qiymətini soruşan zaman bir nəfər qolumdan tutub məni hədələməyə başladı. Sonra digərləri üstümə düşdü. Məni döyməyə, təhqir etməyə başladılar. Saqqalımı qırxdılar. Nə qədər and-aman etdim, xeyri olmadı. Hamının gözü qarşısında mənə qarşı qeyri-insani hərəkət etdilər. Onların bu hərəkəti, hansı təriqətdən olursa-olsun, heç bir müsəlman əhlinə yaraşmır».
Daxili İşlər Nazirliyinin mətbuat xidmətinin əməkdaşı Ehsan Zahidov Hadisə ilə bağlı açıqlamasında məsələyə aydınlıq gətirib. 2 nəfər şəxs arasında baş verən hadisəni təsdiq edən nazirlik rəsmisi bildirib ki, onlar Sabirabad Rayon Polis Şöbəsində ifadə veriblər. Məlum olub ki, hadisə şəxsi münasibətlər zəminində olub:
«Vəhhabinin saqqalını kəsən şəxs əməlini etiraf edərək bildirib ki, aramızda mübahisə yarandı, əsəbiləşdim, tutub saqqalını kəsdim. Onun bu əməli qanunla xuliqanlıq kimi qiymətləndirilir. Faktla bağlı qanun çərçivəsində tədbirlər görəcəyik. Amma məsələyə başqa cür don geyindirənlərin niyyətini başa düşmürəm. Məncə, məsələni başqa istiqamətlərə yozmaqla onlar təxribat yaratmaq istəyir» - deyə qurum rəsmisi bildirib.
Ən maraqlısı isə budur ki, kifayət qədər ciddi bir hadisəyə Azərbaycanda fəaliyyət göstərən müxalifət partiyalarından heç biri münasibət bildirməyib. Onların məsələyə münasibəti necədirğ
Azərbaycan Xalq Cəbhəsi Partiyasının mətbuat xidmətinin rəhbəri Natiq Ədilov bizimlə söhbətində Sabirabadda baş verən hadisəyə haqq qazandırmadığını dedi: «Sabirabadda sələfi, el arasında vəhhabi kimi tanınan şəxsin təhqir olunmasından çəkilən videonu kədərlə izlədim. Kimliyindən, əqidəsindən asılı olmayaraq çoxluğun əzdiyi insanı müdafiə etməyi özümə borc bilirəm. Yəqin ki, siz də beləsiz. İnsanın çarəsizliyi, gücsüzlüyü çox pis bir şeydir, bunu görmək ümumiyyətlə hissiyyatlı adam üçün beşqat ürək ağrıdır. Xülasə, mövqe birdir: heç kim özünü Allahın xüsusi nümayəndəsi saymamalıdır, sapıq hesab edilən inanc olsa belə heç kimə o qaydada «tərbiyə vermək» səlahiyyəti verilməyib. Baş verən hadisə cinayətdir və bu cəzalandırılmalıdır».
Klassik Xalq Cəbhəsi Partiyasının mətbuat xidmətindən qəzetimizə bildirdilər ki, onlar birmənalı şəkildə Sabirabadda baş verən hadisəni pisləyir:»Hansısa təriqətlə bu cür barbar metodlarla mübarizə aparmaq olmaz. Belə hərəkətlərin çox təhlükəli nəticəsi ola bilər».
Azərbaycan Milli İstiqlal Partiyasının funksioneri Əli Orucov da Sabirabadda baş verən hadisəyə haqq qazandırmadı. Onun sözlərinə görə, ola bilər ki, bu cür hərəkətlər Azərbaycanda stabilliyin pozulmasına yönəlsin:»Azərbaycanda heç vaxt məzhəb ayrıseçkiliyi olmayıb. İstənilən ideoloji fikir ayrılığı isə sağlam polemikalar əsasında aydınlaşdırılmalıdır. Sabirabaddakı hadisə həmin şəxsin mənsub olduğu təriqət üzvləri arasında qıcıq yarada bilər. Hesab edirəm ki, bütün siyasi partiyalar bu hadisəyə öz etirazını bildirməlidir».

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...