Vüqar Səfərli KİV DF-nin daha bir nazirliklə fərdi jurnalist yazıları müsabiqəsini yekunlaşdırdı

Tarix: 01.07.2014 / 10:08
Bölmə: Gündəm

Azərbaycan Respublikası Əmək və Əhalinin Sosial Müdafiəsi Nazirliyi (ƏƏSMN) və Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİV DF) birgə təşkilatçılığı ilə "Mərkəzi İcra Hakimiyyəti orqanları ilə Kütləvi İnformasiya Vasitələri arasında əməkdaşlığın inkişaf etdirilməsi" mövzusunda konfrans keçirilib.
Konfransda ƏƏSMN, KİV DF-nin məsul şəxsləri, ölkənin aparıcı KİV-lərinin rəhbərləri iştirak edib.
Tədbirdə əmək və əhalinin sosial müdafiəsi naziri Səlim Müslümov Azərbaycan Prezidenti cənab İlham Əliyevin nazirlik qarşısında müəyyən etdiyi vəzifələrə uyğun olaraq, əmək və sosial müdafiə sistemində aparılan islahatlardan söz açıb: "Nazirliyin xidmət sektorları geniş bir əhali kontingentini əhatə edir və bizim apardığımız islahatlar da xidmət sahələrində müasir iş üsulları əsasında şəffaflığın təmin olunmasına yönəldiyindən daim cəmiyyətin maraq dairəsindədir. Biz də fəaliyyətimizi buna uyğun quraraq, nazirlikdə aparılan işlər barədə ictimaiyyətin davamlı şəkildə və dolğun məlumatlandırılmasını, bu məqsədlə KİV-lə əməkdaşlığı diqqətdə saxlayırıq".
ƏƏSMN-nin və KİV DF-in birgə fərdi jurnalist yazıları müsabiqəsinin də qeyd olunanlar baxımından xüsusi önəm kəsb etdiyini bildirən S.Müslümov müsabiqədə 5 istiqamət üzrə təqdim olunan mövzuların əsasən islahat sahələrinə aid olduğunu vurğulayıb: "Müsabiqədə əsas məqsəd vətəndaşların əmək və sosial müdafiə hüquqları, bu hüquqların təminatı sahəsində müasir iş üsullarının tətbiqi ilə bağlı aparılan islahatlar barədə KİV vasitəsilə cəmiyyətin daha geniş məlumatlandırılmasıdır. Eyni zamanda, bu müsabiqə nazirliyin fəaliyyət sahələri üzrə aktual mövzuların medianın gündəminə çıxarılmasına, digər tərəfdən KİV nümayəndələrinin həmin mövzularda biliklərinin, səriştələrinin artırılmasına xidmət edir". Nazir müsabiqədə uğur qazanmış jurnalistləri bu münasibətlə təbrik edib, onlara, eləcə də müsabiqəyə qatılmış bütün jurnalistlərə yaradıcılıq uğurları arzulayıb.
KİV DF-in icraçı direktoru Vüqar Səfərli milli mətbuatın inkişaf tarixindən söz açaraq, Prezident cənab İlham Əliyevin diqqət və qayğısı sayəsində KİV-lərin maddi-texniki problemlərinin aradan qaldırılması, jurnalistlərin sosial müdafiəsinin gücləndirilməsi, onların yeni mənzillərlə təmin edilməsi istiqamətində görülən işləri diqqətə çatdırıb. V.Səfərli bildirib ki, cənab Prezidentin fərmanı ilə yaradılan Kütləvi İnformasiya Vasitələrinin İnkişafına Dövlət Dəstəyi Fondu il ərzində KİV layihələrinin maliyyələşdirilməsi ilə bağlı müsabiqələr elan edir. Həmçinin ayrı-ayrı icra orqanları ilə birlikdə jurnalistlər arasında fərdi yazı müsabiqələri təşkil olunur.
Konfransda ƏƏSMN və KİV arasında qarşılıqlı əməkdaşlığa dair fikir mübadilələri aparılıb.
Daha sonra V.Səfərli ƏƏSMN-nin və KİVDF-in birgə fərdi jurnalist yazıları müsabiqəsinin nəticələri barədə məlumat verib. O bildirib ki, müsabiqədə hər istiqamətə dair 3 mövzu olmaqla, 5 istiqamət üzrə ümumilikdə 15 mövzu təqdim olunub. Müsabiqəyə təqdim edilən 62 yazı ƏƏSMN-nin aidiyyəti mütəxəssisləri tərəfindən obyektiv tərzdə qiymətləndirilib. Beləliklə, müsabiqənin nəticələrinə uyğun olaraq, 5 istiqamətin hər biri üzrə I-II-III yerləri tutmuş ümumilikdə 15 nəfər qalibə pul mükafatları (I yer - 1000 manat, II yer - 700 manat, III yer - 500 manat) və xüsusi diplomlar, habelə 10 nəfərə həvəsləndirici mükafatlar (200 manat) və təşəkkürnamələr verilməsi qərara alınıb.
Tədbir müsabiqə qaliblərinin mükafatlandırılması, habelə həvəsləndirici mükafatların təqdim olunması ilə yekunlaşıb.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...