İlham Əliyev Heydər Əliyev Mərkəzinin vizual məzmunu ilə bağlı mübahisələrə son qoydu

Tarix: 30.06.2014 / 06:23
Bölmə: Gündəm

"Müstəqillik xalqımız üçün ən böyük dəyərdir". APA-nın məlumatına görə, bunu srağagün Heydər Əliyev Mərkəzində ATƏT Parlament Assambleyasının "Helsinki+40: Hər kəs üçün təhlükəsizliyə doğru" devizi altında keçirilən 23-cü illik sessiyasının iştirakçılarının şərəfinə verilən şam yeməyi zamanı çıxışında Azərbaycan Prezidenti İlham Əliyev deyib.
Prezident İlham Əliyev mərasimdə çıxış edərək qonaqları salamlayıb və ölkəyə səfərlərini uzun illər xatırlayacaqlarına əmin olduğunu bildirib: "Bu gün və sabah, eləcə də gələn bir neçə gün ərzində biz beynəlxalq münasibətlərə aid mühüm məsələləri, münaqişələri və ümumiyyətlə, beynəlxalq siyasətə aid məqamları müzakirə edəcəyik".
Dövlət başçısı Azərbaycanın mədəniyyəti, irsi və adət-ənənələri haqqında söz açaraq qonaqların ölkənin mədəniyyəti, ənənələri, xalqın yaşayış tərzi ilə tanış olmaq, tarixi abidələrini ziyarət edəcəklərinə ümidvar olduğunu bildirib: "Fərəh hissi ilə qeyd edirik ki, Qız qalası, Şirvanşahlar Sarayı və İçərişəhər kimi Bakının rəmzləri UNESCO tərəfindən qorunur və Dünya Mədəni İrsinin hissəsi hesab edilir. Bununla belə, müasir Azərbaycanın da abidələri var. Azərbaycanın müasir rəmzləri də mövcuddur. Məsələn, dövlətçiliyimizi təcəssüm etdirən Dövlət Bayrağı Meydanı var. O, bir neçə il əvvəl yaradılıb. Ondan öncə orada hərbi donanmanın bazası yerləşirdi".
Qonaqları müasirliyin rəmzi olan "Alov qüllələri" haqqında məlumatlandıran Prezident İlham Əliyev alovun həyat mənbəyi, Azərbaycanın isə Odlar Yurdu hesab edildiyini bildirib: "Bakının rəmzi də üç alovdan ibarətdir. Bunu siz orta əsr nümunələrində də görə bilərsiniz".
Dövlət başçısı bildirib ki, müasir memarlıq nümunəsi olan Heydər Əliyev Mərkəzinin yerində əvvəllər yüz ildən artıq fəaliyyət göstərmiş zavod yerləşib: "Buradakı ətraf mühit də çirklənmişdi və tam məhv olmaq üzrə idi. Bəzi insanlar hesab edirlər ki, bu binanın memarlıq üslubu Bakının küləyini əks etdirir, çünki Bakı çox küləkli şəhərdir. Bəziləri bu binanı Xəzərin dalğalarına bənzədir. Digərlərinin başqa təəssüratları vardır. Lakin mən hesab edirəm ki, Mərkəz ölkəmizin müasirləşdirilməsini təcəssüm etdirir. Bu isə inkişafımızın əsas məqsədləridir: müasirləşmək, yaratmaq, inkişaf etmiş ölkə olmaq və müstəqilliyimizi gücləndirmək".
"Müstəqillik xalqımız üçün ən böyük dəyərdir. Azərbaycanın tarixində, həyatımızın bütün mərhələlərində ölkəmiz heç vaxt bu qədər inkişaf etməyib", deyə Prezident İlham Əliyev qeyd edib.
Dövlət başçısı qonaqların yenidən Azərbaycana səfər edəcəklərinə ümidvar olduğunu bildirərək, onları gələn ilin yayında Bakıda keçiriləcək ilk Avropa Oyunlarını izləməyə dəvət edib.
"Tariximizdə ilk dəfə idi ki, cənab Prezident bütün günü bizimlə oldu". Bunu isə srağagün Heydər Əliyev Mərkəzində ATƏT Parlament Assambleyasının "Helsinki+40: Hər kəs üçün təhlükəsizliyə doğru" devizi altında keçirilən 23-cü illik sessiyasının iştirakçılarının şərəfinə verilən şam yeməyindən sonra çıxışında ATƏT Parlament Assambleyasının sədri Ranko Krivokapiç deyib. R.Krivokapiçin sözlərinə görə, bu onu heç də təəccübləndirmir: "O özü parlament üzvü olub, üç il Avropa Şurası Parlament Assambleyasında fəaliyyət göstərib. Parlamentarilər bir-birini çox asan başa düşür və zəruri məsələləri müzakirə edirlər. Bu bizim ilk günümüz oldu. Adətən birinci gün ikinci və üçüncü günlərlə müqayisədə daha ağır olur. Biz öz aramızda söhbət apardıq, daha yaxşı anlaşma qurduq".
"Biz vahid bir ailəyə - ATƏT-in Parlament Assambleyası ailəsinə çevrilmişik. Mənim üçün ildə üç dəfə bu çərçivədə toplaşmaq şərəfdir. Biz bu gün bir yerdəyik. Öz bəyanatlarımızı, vacib hesab etdiyimiz məsələləri, məlumatlarımızı nəzərdən keçiririk. Digərləri ilə fikir mübadiləsi aparırıq və bu yolla bir-birimizi daha da zənginləşdiririk. Yeni fikirlərlə daha da zənginləşirik. Tam əminəm ki, biz bununla dostluğumuzu daha da gücləndirəcəyik. Nəhayət, bizim bütün məsələlərə diqqət və qayğı ilə yanaşmağımız çox vacibdir. Yəni biz sırf praqmatik qərarları qəbul edən şəxslər deyilik, biz canlı insanlarıq. Bizim öz hisslərimiz, inamımız var, çalışırıq öz ölkələrimizə mümkün qədər xidmət edək. Hər zaman ölkələrimiz üçün müsbət məqamlara inanırıq. Bu xoş məram gec-tez hamımız üçün yaxşı nəticələr verir", deyə ATƏT Parlament Assambleyasının sədri Ranko Krivokapiç bildirib.
Ranko Krivokapiç ATƏT Parlament Assambleyasının daha da gücləndiyindən, daha çevik olduğundan, daha böyük imkanlarının yarandığından böyük fərəh hissi keçirdiyini deyib: "Birgə çalışmağımız xüsusi əhəmiyyət kəsb edir. Biz ümumi dəyərlərə malikik". ATƏT PA-nın sədri Azərbaycan Respublikasına xüsusi minnətdarlığımı bildirərək, qonaqlara qeyri-adi qonaqpərvərliyin nümayiş etdirildiyini qeyd edib: "Mən bu sözləri xoşa gəlmək üçün söyləmirəm. Bu həqiqətdir. Azərbaycan Prezidenti ilə bütün günü bir yerdə olmaq bizim hamımız üçün xüsusi bir gün oldu. Gərgin əməyinizə, ümumi məqsədlərimizə sadiq olduğunuza görə bir daha təşəkkürümü bildirmək istəyirəm. Çox sağ olun".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...