İlham Əliyevin AŞPA-da Ermənistanı şoka salan çağırış etməsi gözlənir

Tarix: 24.06.2014 / 09:57
Bölmə: Gündəm

Məlum olduğu kimi, dünən Strasburqda Avropa Şurası Parlament Assambleyasının yay sessiyası başlayıb. İyunun 27-nə qədər davam edəcək sessiyada bir sıra məsələlər müzakirə ediləcək. Avropa Şurasının Nazirlər Komitəsinə sədrlik rotasiya qaydasında mayın ortalarından başlayaraq 6 aylıq Azərbaycandadır.
Azərbaycanın quruma rəhbərliyi dönəmində iki sessiya - yay və payız sessiyaları keçiriləcək.
Onu da qeyd edək ki, sessiyaya Azərbaycan Prezidenti İlham Əliyev də dəvət olunub. Belə ki, iyunun 25-də prezident İlham Əliyevin çıxışı gözlənir. Heç şübhəsiz sözügedən tədbir Ermənistanın işğalçılıq siyasətinin dünya ictimaiyyətinin gözü qarşısında ifşa edilməsi baxımından əlverişli tribunadır. Zatən İlham Əliyev zaman-zaman mötəbər beynəlxalq qurumların tədbirlərində Ermənistanın işğalçılıq siyasətini gündəmə gətirir və ortaya tutarlı faktlar qoyur.
Məsələn, iki ay əvvəl-aprelin 25-də Praqada dövlət və hökumət başçılarının iştirakı ilə "Şərq tərəfdaşlığı" Proqramının 5 illiyinə həsr olunmuş sammitdə Ermənistan prezidenti Sarkisyanın sərsəmləmələrinə İlham Əliyev tutarlı cavab vermişdi: "Bu gün, təəssüf ki, Ermənistan prezidenti burada fürsətdən istifadə edərək Türkiyəyə yenidən hücum edir. Bunu etmək asandır, çünki bu masa arxasında Türkiyə nümayəndələri yoxdur. Ancaq mən buradayam və Türkiyə-Ermənistan sərhədinin niyə bağlı olduğunu deyə bilərəm. 1993-cü ilin aprelində Ermənistan silahlı qüvvələri tərəfindən Kəlbəcər rayonu işğal olunduğuna görə sərhədlər bağlıdır". Bununla yanaşı, sözügedən tədbirdə Prezident İlham Əliyev Dağlıq Qarabağdaki separatçı qurumun nümayəndələrinə Avropa ölkələrinin viza vermələrini tənqid etmişdi. Onu da qeyd edək ki, İlham Əliyevin Praqadaki məlum çıxışı Türkiyə mətbuatında böyük rezonansa səbəb olmuşdu.
Digər tərəfdən, iyunun 16-18-də Bakıda Milli Məclisin və NATO Parlament Assambleyasının təşkilatçılığı ilə "Cənubi Qafqaz: Çağırışlar və imkanlar" mövzusunda 86-cı Rose-Roth seminarı keçirildi. Həmin seminar da Ermənistanın işğalçılıq siyasətinin ifşa olunması baxımından çox səmərəli keçdi. Tədbirdə bununla bağlı ortaya qoyulan əsaslı arqumentlər, qəbul olunan bəyanatlar bunu deməyə əsas verir. Hətta Ermənistanın NATO Parlament Assambleyasından çıxarılması təklif olundu.
AŞPA sammitində çıxışı zamanı Prezident İlham Əliyevin Ermənistanın işğalçılıq siyasətinə toxunacağı istisna olunmur. Bununla yanaşı, güman olunur ki, İlham Əliyev Ermənistanın AŞPA-dan xaric olunması və yaxud da fəaliyyətinin dondurulması ilə bağlı deputatlara çağırış edəcək. Prezidentin bu müraciətinin Avropa Şurasının müvafiq qərarlar qəbul etməsində təsirli rol oynaması üçün siyasi partiyalar, QHT-lər, xaricdəki diplomatik korpuslar, diaspor təşkilatları nə etməlidir və ümumiyyətlə sadalanan bu subyektlərin məsələyə müdaxiləsinə nə dərəcədə ehtiyac var? İki-üç gün ərzində bununla bağlı nə kimi işlər görmək olar?
Sözügedən məsələni dəyərləndirən AMİP Mərkəzi Şurasının üzvü Əli Orucov bir neçə məqama toxundu. Onun fikrincə, praktiki olaraq daha effektli nəticə əldə etmək üçün sözügedən təsisatlar bu məsələdə birgə fəaliyyət göstərməlidir: "Yəni "hamı bir nəfər üçün, bir nəfər hamı üçün" prinsipi əsasında işləmək lazımdır. Belə ki, xarici ölkələrdəki səfirliklərimiz Avropa dövlətlərinin diplomatik korpusları ilə maksimum intensiv işləməli və kifayət qədər əsaslandırılmış arqumentlərlə Qarabağ məsələsi ilə bağlı ortaya faktlar qoymalıdır. Düzdür, ümumən bu istiqamətdə ötən illərdən başlayaraq iş gedir. Ancaq indiki dövrdə bunun keyfiyyətcə yeni müstəvidə həyata keçirilməsinə ehtiyac var. Bununla paralel, QHT-lər, diaspor təşkilatları, qurumda təmsil olunan azərbaycanlı deputatlar koordinasiya olunmuş qaydada lobbiçilik fəaliyyətini birə-on artırmalıdır. Avropanın nüfuzlu siyasətçiləri və işgüzar dairələri ilə sıx görüşlər, təmaslar keçirilməli, vəziyyətin ciddiliyi barədə onlara məlumat verilməlidir. Hesab edirəm ki, bu istiqamətdə sistemli və düşünülmüş təbliğat-təşviqat kampaniyası aparılarsa, daha çox effekt əldə etmək olar. Bəlkə gözləniləndən də artıq nəticə əldə etmək olar. Qarabağ məsələsində bütün məsuliyyəti Prezidentin üzərinə qoymaq doğru yanaşma deyil. Bununla bağlı hər kəs üzərinə düşən missiyanı yerinə yetirməlidir".

DİGƏR XƏBƏRLƏR

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...