İnternet mediada milli dəyərlərin qorunması daha bir Dəyirmi Masaya çıxarıldı

Tarix: 20.06.2014 / 11:47
Bölmə: Gündəm

Dünən "RUH" Azərbaycan Жurnalistləri Müdafiə Komitəsinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə reallaşdırdığı "İnternet media resurslarında milli-mənəvi dəyərlərin qorunması jurnalist peşəkarlığının əsas göstəricilərindən biri kimi" layihəsi çərçivəsində "İnternet media saytlarının fəaliyyəti və milli-mənəvi dəyərlər" mövzusunda sonuncu - üçüncü Dəyirmi Masa keçirilib.
Mətbuat Şurasında baş tutmuş Dəyirmi Masanı giriş sözü ilə "RUH"AЖMK-nın icraçı direktoru Əvəz Rüstəmov açaraq, "İnternet media resurslarında milli-mənəvi dəyərlərin qorunması jurnalist peşəkarlığının əsas göstəricilərindən biri kimi" layihəsi barədə ətraflı məlumat verib. O bildirib ki, mart-iyun ayları ərzində gerçəkləşdiriləcək layihədə məqsəd onlayn media resurslarında milli-mənəvi dəyərlərin qorunması sahəsində nəzərə çarpan təmayülləri ictimaiyyətin müzakirəsinə çıxararaq mövcud istiqamətdəki problemlərin aradan qaldırılmasına dəstək göstərməkdir. Həmçinin, layihədə jurnalist məsuliyyəti və peşəkarlığının müxtəlif aspektlərini diqqətə çatdırmaqla internet medianın milli-mənəvi dəyərlərin qorunmasındakı rolunu artırmaq, cəmiyyət üzvlərinin internet media ilə bağlı gözləntilərini qruplaşdıraraq müvafiq qurumlara təqdim etmək nəzərdə tutulur. Ə.Rüstəmov bildirib ki, son dövrlər internet media resurslarının sayındakı artım söz və ifadə azadlıqlarının dərinləşdirilməsi baxımından nə qədər pozitiv amil olsa da, proses çoxsaylı neqativ cəhətlərlə də yadda qalır. Belə tendensiyalarla mübarizə aparılmalıdır. Media ictimaiyyəti isə məsələyə xüsusi diqqət göstərməlidir.
Azərbaycan Mətbuat Şurası İdarə Heyətinin üzvü, "İki sahil" qəzetinin baş redaktoru Vüqar Rəhimzadə çıxışına Şuranın son dövrlər internet media sahəsindəki fəaliyyətindən söz açmaqla başlayıb. O bildirib ki, mövcud istiqamətdəki işlərin gücləndirilməsi məqsədilə qurumun tərkibində İnternet media resursları üzrə Komissiya yaradılıb. "Hesab edirəm ki, komissiya kifayət qədər intensiv fəaliyyət göstərir. Amma internet media məkanındakı neqativ təmayüllərə qarşı qınağın artırılması üçün ümumilikdə jurnalist ictimaiyyətinin səfərbərliyinə ehtiyac var. "RUH" AЖMK-nın layihəsi, eləcə də layihə çərçivəsində gerçəkləşdirilmiş tədbirlər bu baxımdan mühüm əhəmiyyət daşımaqdadır" - deyə o əlavə edib. V.Rəhimzadə, eyni zamanda, onlayn media orqanlarındakı xoşagəlməz halların tənzimlənməsi məqsədilə müvafiq sərt ölçü tədbirlərinin görülməsinin, bunun qanuni mexanizminin işlənilməsinin zəruriliyini də əsaslandırıb.
MŞ-nin sədr müavini, Жurnalistlərin Həmkarlar İttifaqının sədri Müşfiq Ələsgərli müasir dövrdə internetin insan hüquqlarının tərkib hissəsi kimi dəyərləndirildiyini vurğulayıb. "Bununla yanaşı, internetin neqativ tərəfləri də var. Həmin tərəflərə nəzər salarkən əsasən iki məqam üzərində dayanılır. Birincisi ifadə azadlığı, ikincisi internet təhlükəsizliyi. Azərbaycanda hər iki istiqamət üzrə məqsədyönlü iş aparılmaqdadır. Məlum olduğu kimi, Azərbaycan Respublikasının Rabitə və Yüksək Texnologiyalar Nazirliyinin tərkibində Elektron Təhlükəsizlik Mərkəzi yaradılıb. Hesab edirəm ki, qurumun fəaliyyəti mövcud istiqamətdə konkret nəticələr əldə etməyə imkan verir" - deyən M.Ələsgərli internet media resurslarında yayılmış informasiyanın cəmiyyətdə törətdiyi təhlükə üzərində də dayanıb. Son illər bunun nəzərə alındığını və bir sıra hüquqi sənədlərə müvafiq düzəlişlərin edildiyini xatırladıb.
"İnternet media resurslarında milli-mənəvi dəyərlərin qorunması jurnalist peşəkarlığının əsas göstəricilərindən biri kimi" layihəsinin eksperti, "Жurnalist Araşdırmaları Mərkəzi" İctimai Birliyinin sədri Seymur Verdizadə bəhs edilən mövzuda Gəncə və Yevlax şəhərində də dəyirmi masaların təşkil olunduğunu vurğulayıb. Diqqəti internet media resurslarında milli-mənəvi dəyərlərə etinasız yanaşma hallarının müxtəlif təzahür formalarına yönəldən S.Verdizadə həmçinin bildirib ki, bir çox hallarda medianın daşıdığı ictimai missiya unudulur. İnternetin qazandığı texniki imkanların gətirdiyi yeniliklər müstəvisində milli-mənəvi dəyərlərə etinasız münasibət özünü göstərir. Belə təmayüllərlə mübarizədə ictimai fəallığın artırılması üçün geniş maarifləndirmə işlərinə ehtiyac var.
"Yeni Media Жurnalistləri" İctimai Birliyinin sədri Xaqani Səfəroğlu çıxışında əsasən Azərbaycanın qanunvericiliyində internetlə bağlı boşluqların olmasından söz açıb. Bununla əlaqədar bir sıra xarici ölkələrdə tətbiq edilən təcrübə barədə geniş məlamat verən X.Səfəroğlu vurğulayıb ki, internet medianın hüquqi statusunun müəyyənləşdirilməsi mövcud sahədə məsuliyyət mühitinin formalaşması baxımından zəruridir.
Dəyirmi Masada çıxış edənlərdən "İki sahil" qəzetinin redaktoru Elçin Zamanov, "Addım" qəzetinin baş redaktoru Anar Vəziroğlu, "Həftə içi" qəzetinin əməkdaşı Qələndər Xaçınçaylı və başqaları jurnalist peşəkarlığının dəyişməz prinsip olduğunu önə çəkərək, bunun milli-mənəvi dəyərlərin qorunmasında da həllediciliyini vurğulayıblar.
Xəbər xidməti

DİGƏR XƏBƏRLƏR

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...