Rusiya vətəndaşlığı alan əcnəbilərin sırasında azərbaycanlıların payı diqqət çəkdi...

Tarix: 12.06.2014 / 02:21
Bölmə: Gündəm

Aparılan araşdırmalar göstərir ki, hələ də xeyli sayda soydaşımızın əmək fəaliyyəti Rusiyada reallaşır. Moskva isə miqrantlara qarşı son aylarda kifayət qədər ziddiyyətli siyasət həyata keçirir. Söhbət əsas etibarı ilə postsovet ölkələrindən olan miqrantlardan gedir. Bu barədə danışmazdan öncə bildirək ki, hesablamalar son 10 ildə Rusiyada miqrantların sayının 4 dəfə artdığını göstərir.
Rusiyanın əmək və əhalinin sosial müdafiəsi nazirinin müavini Lyubov Yeltsova məsələ ilə bağlı qeyd edir: "Müasir şəraitdə miqrasiya siyasəti məsələləri bir neçə səbəbə görə aktual olaraq qalır. Birincisi, demoqrafik durum, əhalinin qocalması və əmək qabiliyyətli əhalinin azalmasıdır. İkinci səbəb isə iqtisadi artım və iqtisadiyyatın modernləşdirilməsidir. Son 10 ildə iqtisadiyyatın inkişafı ona gətirib çıxarıb ki, Rusiyaya gələn miqrantların sayı 4 dəfə artıb".
Rusiya rəsmisinin bildirdiyinə görə, ölkəyə gələn miqrantlar əsasən yerli əhalinin çalışmaq istəmədiyi sahələrdə işləyir, postsovet respublikalarından Rusiyaya axışan miqrantlar isə ölkədə müxtəlif qeyri-leqal şərtlərlə çalışır. Yeltsovanın verdiyi məlumata görə, əsas problem miqrasiya xidmətinin statistikasına əsasən ölkədə hər il 3-5 milyon əcnəbi vətəndaşın heç bir rəsmi icazəsi olmadan işləməsidir ki, bu da əmək bazarında yerli işçi qüvvəsi ilə münaqişələrin yaranmasına səbəb olur. Nazir müavini onu da xatırladıb ki, Rusiya hökuməti bu sahədə vəziyyətin qanunvericiliyə uyğun tənzimlənməsinə çalışır ki, bu məqsədlə 2025-ci ilə qədər Rusiya miqrasiya siyasətinin konsepsiyası hələ 2012-ci ildə qəbul olunub. Rusiya Federal Miqrasiya Xidmətinin rəisi Konstantin Romadanovski isə bildirir ki, hazırda Rusiya ərazisində 3,7 milyon nəfər xarici vətəndaş var. Bu insanlar Rusiyada qanunla nəzərdə tutulan 90 gündən artıq müddətdə qalanlardır. Onun sözlərinə görə, hazırda 3,7 milyon nəfər miqrant qanunsuz olaraq Rusiya ərazisində əmək fəaliyyəti göstərir: "Həmin miqrantların çoxu MDB ölkələrindən gələnlərdir. Onlar qanuni olaraq bizim ölkəmizə gəlir, lakin qanunda nəzərdə tutulmuş müddətdən artıq Rusiya ərazisində qalırlar. Onların çoxu bilərəkdən bu qanun pozuntusuna yol verir. Çünki ölkəyə qayıtmağın maddi cəhətdən perspektivli olmadığını başa düşürlər. 3,7 milyon nəfər miqrantın 40 faizi 17-29 yaş arasında olanlardır ki, onların da əksəriyyəti rus dilini bilmir".
Lakin məsələnin maraq doğuran tərəfi Rusiyada postsovet ölkələrindən olan miqrantlara vətəndaşlıq verilməsi hallarının çoxalmasıdır. İstisna deyil ki, onlar sırasında azərbaycanlılar da var. Hələlik isə daha çox Ukrayna, Ermənistan və Mərkəzi Asiyadan olanların Rusiya vətəndaşlığını daha çox alması müşahidə olunur. Moskva bununla, Lyubov Yeltsovanın dediyi kimi, həm də özünün demoqrafik problemlərini həll edir. Xatırladaq ki, bir müddət əvvəl prezident Vladimir Putin keçmiş SSRİ ərazisində yaşayan rusdilli əhaliyə Rusiya vətəndaşlığı verilməsini asanlaşdıran qanun imzalayıb. Qanuna əsasən, Rusiya Federasiyası ərazisində yaşayan və "rus dilinin daşıyıcısı" kimi tanınan xarici vətəndaşlar və vətəndaşlığı olmayan şəxslərin Rusiya vətəndaşlığına qəbulu sadələşdirilmiş qaydada aparılır.
Müxtəlif qiymətləndirmələrə görə, Rusiyanın demoqrafik probleminin həlli üçün ildə 300 min miqrant lazımdır. Bu müstəvidə isə postsovet respublikaları Rusiya üçün böyük ümiddir. Vətəndaşlığın verilməsində sadələşdirilmiş şərtlərdən istifadə etməklə Rusiya yaranmış vəziyyətdən mksimum istifadə etməyə çalışır. Rusiya vətəndaşlığı almayan miqarntlara qarşı isə qanunvericilik səviyyəsində sərt cəzalar tətbiq olunur. Bunun üçün xeyli sayda qanun da qəbul olunub.
Beləliklə, bütün bunlar miqrantlar hesabına Rusiyanın vətəndaşlarının sayının artmasına gətirib çıxaracaq və belə görünür ki, həmin miqrantlar sırasında soydaşlarımız da olacaq. Rusiya Strateji Araşdırmalar Mərkəzinin direktoru İqor Beloborodov isə bildirir ki, 2050-ci ildə Rusiyanın yarısı miqrantlardan ibarət olacaq. O, Rusiya ərazisinə miqrasiya axınının 30 milyon nəfərə yaxınlaşdığını deyib. Burada əsas yeri məhz postsovet ölkələrindən olan miqrantlar tutur.

DİGƏR XƏBƏRLƏR

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...