Bir neçə gün əvvəl Ədliyyə Nazirliyi Pentensiar Xidmətin rəis müavini ədliyyə general-mayoru Hüseyn Əlixanov həbsdə olan keçmiş Hərbi Dəniz Qüvvələri komandanı vitse-admiral Şahin Sultanovla teleaparıcı İlham Mirzəyevin eyni kamerada qalması xəbərini Xeberdar.az saytına ekskuliziv açıqlaması ilə təsdiqləmiş, eyni zamanda məsələ ilə bağlı bir neçə nüanslara da aydınlıq gətirmişdi.
Ancaq sonradan cənab Hüseyn müəllimin açıqlamasında təhriflərə yol verildiyi məlum olub. Bununla bağlı Xeberdar.az saytı məlumat da yayıb. Məlumatda bildirilir: «Hüseyn Əlixanovun saytımıza özəl açıqlamasını bir çox saytlar, qəzetlər, internet portalları öz səhifələrində müxtəlif başlıqlarla manşetə çıxarmış, məsələni düzgün anlaşılmayan istiqamətə yönəltmişlər. Məlumat üçün Xeberdar.az saytı adından bildirək ki, general-mayor Hüseyn Əlixanovdan saytımız üçün alınmış açıqlama telefon vasitəsi ilə baş tutmuş və orada səs yazılarkən, deyilən fikirlərin bir neçəsi müxbirimiz tərəfindən tam anlaşılmamışdır. Məlumatın oxucularımıza ədalətli çatdırılma prinsiplərini və KİV haqqında qanunları nəzərə alaraq bildirək ki, Hüseyn Əlixanovun saxlanmış şəxslərlə bağlı psixoloji imkanlarını izah etməsini, müxbir yanlış anlamış və imkan sözünü pul imkanları kimi başa düşmüşdür.(Nəzərə alaq ki, dünyada ödənişlə tək və daha komfortlu kameralarda məhbuslar saxlanılır). Əslində isə general-mayor Hüseyn Əlixanov açıqlamasında saxlanmış şəxslərin sadəcə psixoloji imkanları daxilində tək qalmasını nəzərdə tutub.(Qeyd edək ki, ilk dəfə məhkum olunmuş şəxs, kifayət qədər psixi vəziyyətdən əziyyət çəkir və saxlanılan şəxs tək qaldığı zaman özünə müxtəlif xəsarətlər yetirə bilər.)
Bir daha Ədliyyə Nazirliyi Pentensiar Xidmətin rəis müavini, ədliyyə general-mayoru cənab Hüseyn Əlixanova, saytımıza diqqət ayıraraq verdiyi açıqlamaya görə təşəkkür edir və alınmış açıqlama zamanı KİV tərəfindən düzgün anlaşımamış ifadələrə görə Ədliyyə Nazirliyindən və şəxsən Hüseyn Əlixanovdan üzr istəyirik. Eyni zamanda alınmış açıqlamanı öz portallarında yerləşdirmiş saytların rəhbərlərindən də KİV haqqında qanunları nəzərə alaraq, bu məlumatı yerləşdirmələrini arzu edirik.
Sayt bu açıqlama ilə cənab Hüseyn müəllimlə bağlı yol verdikləri yanlışlıqları düzəltməyə çalışmaqla yanaşı daha bir yanlışlığa yol verir. Sayt bir tərəfdən cənab Hüseyn müəllimin fikirlərinin özləri tərəfindən kontekstdən çıxarıldığını etiraf edir, digər tərəfdən açıqlamanı yayan digər sayt, qəzet və internetportallarının məsələnidüzgünanlaşılmayanistiqamətə yönəltdiyini iddia edirlər. Həmkarlarımız burada yayılmış informasiyaya görə, məhz ilkin mənbənin məsuliyyət daşıdığını unudurlar.
