Azərbaycanda əlahiddə internet qanununa ehtiyac yaranıb

Tarix: 30.05.2014 / 09:26
Bölmə: Gündəm

Bakıda Mətbuat Şurasının və Multimedia Mərkəzinin təşkilatçılığı ilə "Yeni media və yeni çağırışlar" mövzusunda keçirilən konfransda müzakirələr iki paneldə aparılıb. Birinci paneldə "İnternet mediasının inkişaf tendensiyası və perspektivləri", ikinci paneldə isə "Sosial mediadan informasiya əldə edilməsi və informasiyaların yayılmasında effektiv istifadə imkanları" mövzuları müzakirə olunub.
Prezident Administrasiyasının İctimai-siyasi məsələlər şöbəsinin sektor müdiri Vüqar Əliyev konfransda çıxışı zamanı deyib ki, virtual informasiya məkanının genişlənməsi bir tərəfdən hər bir ölkə və xalq üçün öz həqiqətlərinin dünya ictimaiyyətinə çatdırılması, vətəndaşın öz fikirlərini sərbəst şəkildə ifadə etmək hüququnun reallaşması üçün əlverişli şərait yaradırsa, digər tərəfdən də milli informasiya mühitinin pozulmasına və nəticə etibarilə milli dəyərlər sisteminin mənfi təsirlərə məruz qalmasına, xarici dairələr tərəfindən yerli ictimai rəyin və siyasi proseslərin məqsədli şəkildə yönəldilməsinə və cəmiyyətin həyatına kənar müdaxilələrə yol açır.
V.Əliyev bildirib ki, qlobal informasiya mühitinin mənfi və müsbət təzahürləri həm də dövlətin informasiya siyasəti, cəmiyyətin informasiya təhlükəsizliyi məsələlərini aktuallaşdırır.
PA rəsmisi əlavə edib ki, Azərbaycan informasiya və kommunikasiya texnologiyalarının sürətlə inkişaf etdiyi, bu sahədə innovasiyaların tətbiqinin hərtərəfli stimullaşdırıldığı, azad və keyfiyyətli internetin mövcud olduğu bir ölkədir: "Bu gün ölkədə əhalinin artıq 70 faizinin internetə çıxışı mövcuddur, ölkədə yüzlərlə sayt və portal fəaliyyət göstərir. Sosial şəbəkələrdən istifadə edənlərin sayı artıq 2 milyona çatıb və "facebook" istifadəçiləri artıq 1,2 milyon nəfəri keçib. İnformasiya və kommunikasiya texnologiyaları sahəsində müasir standartların tətbiqi, milli peykin orbitə çıxarılması, internetin infrastrukturunun təkmilləşdirilməsi, ayrı-ayrı dövlət proqramlarının və milli fəaliyyət planlarının hazırlanması və həyata keçirilməsi nəticəsində dövlət orqanlarının fəaliyyətinin şəffaflaşdırılması və digər tədbirlər həm də yeni medianın imkanlarını genişləndirib və onun hərtərəfli inkişafına xidmət edib".
Vüqar Əliyev internet mediasının qanunvericiliyimizlə uzlaşmayan problemlərinə də toxunub:
"Bununla biz hamımız razılaşmalıyıq, çünki "facebook"da biz gündəlik həyatımızda peşəkar mediaya xas olmayan neqativ təzahürləri görürük. Bu mühitdə insanların təhqir olunması, yalan, böhtan adi hala çevrilib. Problem də məhz ondan ibarətdir ki, vətəndaşlar barələrində gedən qeyri-obyektiv və ya alçaldıcı məlumatlara təsir göstərə bilmir. Bu fəaliyyət müxtəlif akkauntların, dublikatların yaradılması və orada təxribat xarakterli məlumatların yerləşdirilməsi kimi ən neqativ halları da əhatə edir. "Facebook", "Twitter", "YouTube" və digər sosial şəbəkələr konkret ölkələrdə qeydiyyatdan keçmiş şirkətlərdir və həmin ölkələrin qanunvericiliyi qarşısında məsuliyyət daşıyırlar. Bu hal bir daha təsdiq edir ki, virtual məkanda sosial şəbəkələrin fəaliyyəti nəticəsində ayrı-ayrı ölkələrin qanunvericiliyi beynəlxalq qanunvericilikdən və milli qanunvericilikdən daha üstün mövqeyə sahib olub".
Azərbaycanda internet medianın fəaliyyətini tənzimləmək üçün ayrıca qanunun qəbuluna ehtiyac varmı?
Media eksperti Yadigar Məmmədli "Bakı-Xəbrə"ə bildirdi ki, yaxın illərə qədər sosial media klassik mətbuat tərəfindən ciddi qəbul edilmirdi. Müsahibimiz hesab edir ki, bir neçə ildən sonra isə sosial media öz kreativliyinə görə həyatımızın bir hissəsinə çevrildi: "Hazırda ənənəvi media ondan istifadə etmək zorundadır. Biz hazırda sosial mediadan istifadə etməsək, axından geri qalırıq. Bu, məsələnin müsbət tərəfidir. Mənfi tərəfi isə əksər hallarda sosial mediada jurnalistikanın tələb etdiyi etik peşə kodeksinə riayət edilməməsidir. Əksər hallarda dəqiqləşdirilməmiş xəbərlər yayılır və ya ilkin mənbəyə istinad olunmur və s. Bu problem tək bizdə deyil. Bütün dünya bu problem ətrafında müzakirələr aparır. Belə fəaliyyətlərin qarşısını inzibati qaydada almaq olmaz. Bu, bumeranq effekti verə bilər. Türkiyədə baş verənləri buna misal çəkə bilərəm. "Twitter" portalının bağlanmasından bir neçə gün sonra məhkəmə həmin qərarı ləğv etdi. Azərbaycanda 300-ə yaxın xəbər portalı var. Hansısa nəzarət mexanizmi olmalıdır ki, biz ənənəvi medianın prinsiplərinə riayət etməyən sosial medianı da müəyyən edə bilək. Qeyri-ciddilər isə zaman-zaman əriyib sıradan çıxacaq".

DİGƏR XƏBƏRLƏR

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

Tarix: 26.06.2026 / 11:00

" Kılıçdaroğlu, Ünal Erzenin verdiyi 270 milyon lirəni neynədin? Televiziya filan da qurmadın"- Dəniz Zeyrək pis yerdən vurdu...

Tarix: 25.06.2026 / 22:33

"Bu məsələ Kamal bəylə mənim yox, əməkçi teyzə ilə Ərdoğanın məsələsidir"...

Tarix: 23.06.2026 / 21:12

Kılıçdaroğlu “Dəmirtaşı ziyarət edəcəyəm" dedi - “Hansı üzlə?..” cavabını aldı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...