Azərbaycan ordusunda müasir hərbi texnikanın yeni partiyası...

Tarix: 27.05.2014 / 08:36
Bölmə: Gündəm

Aparılan son araşdırmalar Azərbaycanın, əvvəlki kimi, ordusuna ən müasir hərbi texnika alışını davam etdirdiyini göstərir. Artıq məlumat verildiyi kimi, Rusiya Azərbaycana 100 ədəd T-90S tankının göndərilməsini başa çatdırıb, Bakıya tankların bu həcmdə ikinci partiyasının çatdırılması da mümkündür. Rusiya Federal Hərbi-Texniki Əməkdaşlıq Xidməti direktorunun müavini Konstantin Biryulin bununla bağlı bildirib:
"Bütün partiyanın, yəni 100 tankın göndərilməsi bir ay əvvəl başa çatıb". K.Biryulin əlavə edib ki, başa çatmış müqavilədə təxminən eyni sayda T-90S tankının Azərbaycana göndərilməsi barədə opsion mövcuddur. Bundan başqa məlumdur ki, Azərbaycan Rusiyaya T-90S döyüş tankları üçün simulyatorlar sifariş verib. T-90S tanklarını idarə edən heyət təlimlərin bir qismini bu simulyatorda keçdikdən sonra praktik olaraq döyüş maşınlarının idarəetməsinə cəlb olunacaq. Qeyd edək ki, T-90 və onun modelləri əsas Rusiya döyüş tankıdır. T-72B tanklarının modernləşdirilmiş variantı kimi 1980-ci illərin sonlarında yaradılıb. Sonradan dünyada ən güclü döyüş tankı statusunu alıb və zirehli texnika bazarında ən çox satılan tank olub. Azərbaycanın aldığı T-90S tanklarının ixrac üçün nəzərdə tutulmuş ən son variantlarından biridir. Tankın atəşi idarəetmə sistemi avtomatlaşdırılıb, hərəkət edən hədəflərə dəqiq zərbə endirmək üçün elektron tank ballistik ayırdedicisi ilə təchiz olunub. Tank komandiri həm zenit-pulemyot qurğusundan, həm də tankın əsas silahından atəşi izləmək üçün elektron qurğuya malikdir. T-90S tankları istənilən hava şəraitində və sutkanın istənilən vaxtında hədəfi dəqiq vurmağa imkan verən elektron sistemlərlə təchiz olunub. Tankın əsas silahı 125 millimetrlik topdur, onun qülləsində 48 millimetrlik zenit pulemyotu və yüngül pulemyot quraşdırılıb. Tank dörd tip mərmidən atəş aça bilir, bura "asılı vəziyyətdə" dayanan vertolyota atəş açmaq imkanı verən mərmi də daxildir. T-90S tankları eyni zamanda tank əleyhinə idarəolunan raketlərlə də atəş açmaq qabiliyyətindədir. Tankın göstəricilərinə saatda 70 kilometrlə hərəkət edən hədəfi 5 kilometrdən dayanmış, yaxud saatda 30 kilometr sürətlə hərəkət edərkən vurmaq da daxildir. Zirehinin qoruma qabiliyyətinə görə bu tanklar dünyada ən öndə gedir. Düşmən tankın yerini lazer şüalanması ilə aşkar edərsə erkən xəbərdarlıq sistemi işə düşür və ekipaja bu barədə siqnal verir. Eyni zamanda, avtomatik olaraq qoruyucu sistem işə düşür, tankın ətrafında tüstü buludu yaratmaq üçün aerozol qumbaraları atılır.
Lakin son dövlər üçün Azərbaycanın Rusiyadan aldığı və almaq niyyətində olduğu silahların siyahısı təkcə bununla məhdudlaşmır. Artıq belə məlumatlar da yayılıb ki, Azərbaycanın Müdafiə Nazirliyi Rusiya istehsalı olan "Bal-E" sahil raket kompleksinin alınması imkanları ilə maraqlanır. "Kommersant" qəzetinin yazdığına görə, "Taktiki raket silahı" korporasiyasının baş direktoru Boris Obnosov da faktı təsdiq edib. Qəzetin məlumatına görə, Azərbaycan Mudafiə Nazirliyi artıq Rusiyanın hərbi-texniki əməkdaşlığı üzrə Federal xidmətə sahil raket kompleksləri üçün sifariş verib. Söhbət indiki halda yalnız "Bal-E"nin bir divizionundan gedir: "Rusiya istehsalı olan raket komplekslərinin köməyi ilə Azərbaycan Xəzərin sahilboyu müdafiəsini möhkəmləndirmək niyyətindədir". "Kommersant"ın Kremlə yaxın mənbəyinin sözlərinə görə, "Bal-E" sahil raket kompleksinin Azərbaycana satılması barədə ilkin danışıqlar artıq baş tutub. Hərbi-texniki əməkdaşlıq üzrə prezident komissiyası Azərbaycana "Bal-E" kompleksinin satışı barədə müsbət qərar verib. Mənbə bildirib ki, Moskva potensial sazişə Ermənistanın mənfi reaksiyasını gözləmir. Məsələ ondadır ki, "Bal-E"dən Xəzər dənizində istifadə olunacaq və Ermənistanın Xəzər dənizinə çıxışı yoxdur.
Bildirilir ki, "Bal-E" sahil raket kompleksini aldıqdan sonra Azərbaycan dünyada bu silahı silahlanmaya daxil edən üçüncü ölkə olacaq. İndilikdə isə "Bal-E" kompleksləri Rusiyanın Hərbi Dəniz Qüvvələrinin Xəzər donanması və Vyetnam donanmasına daxildir. Qeyd edək ki, kompleks hər cür hava şəraitində 120 km-ə qədər məsafədəki hədəfləri vurmağa qadirdir. Rusiyanın ən son model "quru-səth" raket komplekslərindən olan "Bal-E" 2008-ci ildə silahlanmaya qəbul edilib. X-35 tipli gəmi əleyhinə raketləri ilə silahlandırılmış kompleks ərazi sularının, hərbi dəniz bazalarının, digər sahil obyektlərinin və sahil infrastrukturunun müdafiəsi üçün nəzərdə tutulur. "Kommersant" yazır ki, Azərbaycan Rusiyadan "S-300PMU-2" və "Top-M2E" zenit raket kompleksləri, 70 ədəd vertolyot, yüzdən çox "T-90S" tankı, həmçinin "Smerç" reaktiv yaylım atəşi də alıb və bu prosesi davam etdirir.

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...