MTRŞ maliyyə pozuntularına görə ANS-in pulunu kəsdi

Tarix: 23.05.2014 / 04:01
Bölmə: Gündəm

"Demək olar ki, bütün televiziya kanalları sənədlərini qaydaya salıb. Hamısı sənədlərini vaxtında verib. Ona uyğun da ödəmələr həyata keçib. Yalnız ANS-də bəzi problemlər var".
Bunu APA-ya açıqlamasında Milli Televiziya və Radio Şurasının sədri Nuşirəvan Məhərrəmli srağagün Şuranın iclasında milli teleserialların çəkilişinin dəstəklənməsi üçün ayrılan məbləğin telekanallar arasında necə bölünəcəyinə münasibət bildirərkən deyib.
N.Məhərrəmli bildirib ki, ANS vəsaitin xərclənməsində bir sıra nöqsanlara yol verib: "Ona görə də onlara bir az vaxt vermişik ki, qısa müddətdə problemi aradan qaldırsınlar. Bu səbəbdən ANS-ə ödəmələri dayandırmışıq. Digər televiziya kanalları ilə bağlı isə hər hansı problem yoxdur".
Şura sədri bildirib ki, prezidentin milli telefilmlərin, o cümlədən teleserialların çəkilişini dəstəkləmək məqsədilə ötən il ayırdığı 6 milyon manat vəsaitin qalan 200 min manatı bütün televiziya kanalları arasında bərabər bölünüb: "Bu sonuncu ödəmədir. Bundan sonra o vəsaitin xərclənməsi bitir. Telekanallar serialların çəkilişi ilə bağlı sənədləri təqdim edəndən sonra vəsait ödənəcək".
Məsələyə ANS rəhbərliyinin mövqeyini öyrənmək mümkün olmayıb. ANS prezidentinin müşaviri Mais Məmmədov APA-ya xəstə olduğunu, işə çıxmadığını, bu səbəbdən də açıqlama verə bilməyəcəyini bildirib. O, ANS-in vitse-prezidenti Mirşahin Ağayevlə əlaqə saxlamağı məsləhət görsə də, Mirşahin telefon zənglərinə cavab verməyib.
Qeyd edək ki, srağagün Milli Televiziya və Radio Şurasının iclası keçirilib. İclasda Şuranın qərarına əsasən milli teleserialların çəkilişinin dəstəklənməsi məqsədilə milli ümumrespublika özəl yayımçılarının hər birinə 200 000 (iki yüz) min manat məbləğində maliyyə yardımı ayrılması barədə qərar qəbul edilib.
"ANS-in bizə qarşı qərəzi ola bilər, amma bizim onlara heç bir qərəzimiz yoxdur". Bunu Lent.az-a açıqlamasında Milli Teleradio Şurasının sədri Nuşirəvan Məhərrəmli bildirib. O qeyd edib ki, yanvar ayında ANS-də efirdə "cinçıxırma" əməliyyatı olmuşdu: "Buna görə də MTRŞ ANS-lə bağlı yanvarın 14-də qərar verdi. Qərarla əlaqədar ANS MTRŞ-ya qarşı məhkəmə iddiası qaldırıb. Bu gün məhkəmə MTRŞ-nın ANS-ə dair 14 yanvar tarixli qərarının ləğv edilməsi ilə bağlı qərar qəbul edib. Təəssüf ki, məhkəmə yalnız bir psixoloqun fikrinə əsaslanaraq, həmin verilişdə "cinçıxarılma" halının olmadığını bildirib. Yəqin cini çıxardaraq qəfəsə salıb ona göstərmək lazım imiş".
ANS-ə maliyyə yardımının dayandırılmasına gəlincə, MTRŞ sədri vurğulayıb ki, prezidentin sərəncamı ilə televiziya kanallarına serialların çəkilməsi üçün bərabər maliyyə vəsaiti ayrılıb: "Birinci dəfə olaraq biz ANS-ə 400 min manat vəsait ayırmışdıq və həmin vəsaitin də 300 minini onların hesabına köçürmüşük. 300 min manat vəsaitin xərclənməsində müəyyən nöqsanlar var. Bu nöqsanları aradan qaldırmaq üçün onlara vaxt vermişik. Buna görə də biz adıçəkilən telekanala serialların çəkilməsi ilə bağlı vəsaiti ödəməyi dayandırmışıq. Amma digər televiziya kanalları ilə bağlı belə bir problem yoxdur".
N.Məhərrəmli ANS-in vitse-prezidenti Mirşahinin ona ünvanladığı açıq məktubla tanış olduğunu da bildirib: "O məktubla tanışam. Bu mənasız bir şeydir. İşi bilən adam bilir ki, ayrılan vəsaiti 6 ay əvvəldən xərcləmək olmaz".

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...