Ermənistanın İstintaq Xidməti daha öncə konstitusiya quruluşunun devrilməsinə görə həbsdə olan sabiq prezident Robert Köçəryana qarşı yeni ittiham irəli sürüb. Baki-xeber.com “Amerikanın səsi”nə istinadən xəbər veri ki, bunu sabiq prezidentin hüquqşünaslardan ibarət komandası məlumat verib.
Onların sözlərinə görə, Köçəryan Cinayət Məcəlləsinin külli miqdarda rüşvət amaq maddəsinə əsasən ittiham olunur.
1998-2008-ci illərdə Ermənistanın prezidenti olmuş Robert Koçaryan iyulun 26-sı konstitusiya quruluşunun devrilməsində ittiham olunub. Ona qarşı ittihamlar 2008-ci ilin 1 mart hadisələri ilə bağlı cinayət işi çərçivəsində irəli sürülüb.
Bu arada Serj Sarkisyanı Ermənistan mətbubatı keçmiş prezident Serj Sarkisyanın həbs oluna biləcəyini yazıb. “Sputnik” "Qraparak" nəşrinə istinadən yazır ki, Ermənistanın sabiq Baş Qərargah rəisi Seyran Ohanyan istintaqa ifadəsində keçmiş prezident Sarksyanı satmayıb. Lakin bununla belə, sabiq prezident həbs oluna bilər.
Qəzetin məlumatına görə, Sarkisyanın dindirilməsi zamanı onun Seyran Ohanyanla üzləşdirilməsi həyata keçirilib. "Ohanyanın Sarkisyana qarşı ifadə verməsi həqiqəti əks etdirmir, bundan əlavə, biz Ohanyanın nə dediyini bilirik: "Sarkisyan mənim ali baş komandanım olub". Bir sözlə, Ohanyan özünü düzgün aparıb" - deyə Sarkisyana yaxın mənbə qəzetə bildirib.
Həmin mənbə qeyd edib ki, son nəticədə Sarkisyanhəbs oluna bilər: "Çünki işlər buna doğru gedir. Həbs üçün heç bir əsas yoxdur. Sadəcə, hökumət artıq reytinqinin düşdüyünü görür, yeni şou lazımdır. Onu isə yalnız belə təmin etmək olar".
Qeyd edək ki, 2008-ci ildə Serj Sarkisyan Ermənistan prezidenti seçilib. Levon Ter-Petrosyanın rəhbəri olduğu müxalifət seçkilərin nəticələrini qəbul etməyib. Uzun müddət davam edən aksiyalar 1-2 mart tarixlərində hüquq-mühafizə orqanları ilə nümayişçilər arasında toqquşmaların baş verməsi nəticələnib. Nəticədə 10 nəfər ölüb.
Xatırladaq ki, Ermənistanın ikinci prezidenti, 2008-ci il martın 1-də ölkədə keçirilən etiraz aksiyalarının dağıdılması zamanı 10 nəfərin ölümü və Ermənistanın konstitusiya quruluşunu devirmək cəhdi ilə əlaqədar açılan cinayət işi çərçivəsində ittiham olunan Robert Köçəryan ötən ilin dekabrın 7-də yenidən həbs olunub.
Xüsusi İstintaq Xidməti rəhbəri Sasun Xaçatryan 11 Sentyabr 2018-ci ildə etirazçılara ordunun güllə açdığını deyib. "Təhqiqatın gedişində ordunun təkcə 1 mart hadisələrində iştirak etmək deyil, həm də insanlara və evlərin istiqamətində atəş açdığı müəyyən olunub. Yəni ordu bu hadisələrdə tam olaraq iştirak edib. Hazırda ölkəmizin sabiq liderlərinin əsgərləri muzdlulara çevirmələrini necə izah edəcəklərini bilmirəm" - deyə, o bildirib.
