İranda yaşayan müxtəlif xalqların təşkilatları bu ölkədəki etniklərin azadlıq mübarizəsi, davam edən etirazlar fonunda qarşıda duran hədəflərlə bağlı bəyanat yayıb.
Bəyanatın mətnində deyilir ki, İranın işğalçı rejimləri tərəfindən qeyri-fars millətlərin torpaqlarının yüz ilə yaxın işğalı dövründə bu xalqları məhv etmək üçün sistemli qırğınlarla yanaşı, müxtəlif assimilyasiya, repressiya, məcburi köç, coğrafi dəyişikliklər, demoqrafik dəyişikliklər və s. tətbiq edilib. Bu gedişlər xalqların müqavimətini darmadağın etməyə hesablanıb:
“Etnik qrupların işğalçılara qarşı birliyini pozmaq üçün fars işğalçıların əsas siyasətlərindən biri də işğal olunmuş ərazilərdə coğrafi və etnik dəyişikliklərin aparılması olub. Bütün amansız repressiyalara baxmayaraq, yüz ildən sonra bu xalqların qeyrətli övladlarının müstəqillik fəryadları regionda və dünyada böyük rezonans doğurdu.
Bu məqsədlə İranın işğalı altında olan xalqların işğaldan müstəqilliyə keçid platforması yaradılıb.
Belə bir ittifaqın yaradılması fars molla rejiminə nə vəd edir?
Böyük Dayaq Partiyasının sədri Mirkazım Seyidov “Bakı-Xəbər”ə açıqlamasında bildirdi ki, müharibədən sonrakı dövrdə bizə qarşı olan təhdidlər, sərhədlərimizdə keçirilən təlimlər, televiziya kanallarında şər-böhtan kampaniyaları yadımızdadır: “İrandakı molla-fars rejimi dağılmalıdır ki, İran xalqları azadlıq tapsınlar. Bu tərpəniş də başlayıb və inşallah, daha da güclü olacaq, sona qədər davam edəcək.
İranda yaşayan bütün xalqlarla Azərbaycan xalqının heç bir problemi yoxdur və biz həmişə İran xalqına çox böyük hörmətlə, ehtiramla yanaşmışıq. Mənə elə gəlir ki, bu axıra qədər də belə olacaq. Söhbət və problemin mənbəyi İran xalqını 150-200 il bundan qabaqkı qanunlarla idarə edən fars-molla rejimindən gedir. Yəni nə qədər ki bu fars-molla rejimi mövcuddur, İran heç vaxt azadlıq tapmayacaq, eləcə də İrandakı xalqlar öz azadlıqlarına qovuşmayacaqlar. Buna görə də İranda yaşayan xalqlar öz azadlıqlarına çatmaq üçün bu gün mövcud olan molla-fars rejimini devirməlidirlər. Bundan sonra onlar daha müasir və daha mütərəqqi üsullarla idarə edən bir quruluşu yaradacaqlar”.
Partiya sədrinin sözlərinə görə, biz ərazilərimizi azad edib, sərhədlərimizi bərpa edərək bu gün yüz milyardlarla dollardan söhbət gedən İranın narkotrafikinin qarşısını kəsmişik: “Bütün İslam dəyərlərini, müqəddəsliklərini murdarlayan, adını İran İslam Respublikası qoyan, ancaq İslam dəyərlərini qorumayan bir ölkə məhvə məhkimdur. Artıq bu proses başlayıb. İran daxildən çarxalanır. Daxikindəki millətlər azadlıq və bərabətlik istəyir. İran nə qədər zorakı metodlara əl atsa da, prosesin qarşısını ala bilməyəcək. Hesab edirəm ki, İranda fedarasiya modelli dövlət qurulacaq”.
Bəyanatı imzayan təşkilat və tərəflər bunlardır:
1. Əhvaz Xalq Demokratik Cəbhəsi
2. Güney Azərbaycan İstiqlal Partiyası
3. Güney Türkmənistan Milli Demokratik Birliyi
4. 15 Nisan Əhvazın Azadlığı Uğrunda Hərəkat.
5. Əhvaz Demokratik Cəbhəsi
6. Bəlucistan Raci Zarambaş (Bəlucistan Milli Hərəkatı)
7. Kürdüstan Azadlıq Partiyası (PAK)
8. Bəlucistan Azadlıq Hərəkatı (FBM)
9. Əhvazın Azad edilməsi üçün Ərəb Cəbhəsi
Məhəmmədəli QƏRİBLİ
