Çavuşoğludan ABŞ-a sərt mesaj: "Heç bir təhlükə qarşısında baş əyməyən Türk dünyası var..."

img

ABŞ başda olmaqla, Avropa İttifaqının (Aİ) Türk Dövlətləri Təşkilatının (TDT) üzvlərinə təzyiq etdiyini, hətta onları təhdid etdiyini gördük. Çox ciddi təzyiqlərə məruz qaldılar, notlar verdilər, məktublar yazdılar. Amma bunu da unutmaq olmaz: Aİ və ya ABŞ olsun, heç bir təhlükə qarşısında baş əyməyən türk dünyası var. 

Bunu Türkiyənin xarici işlər naziri Mövlud Çavuşoğlu meksikalı həmkarı Marselo Ebrard Ankarada görüşdən sonra birgə mətbuat konfransı zamanı deyib. 

Türkiyənin xarici işlər naziri Türkiyənin, onun prezidenti Rəcəb Tayyib Ərdoğanın və BMT-nin vasitəçilik səyləri sayəsində razılaşdırılan taxıl dəhlizinin uzadılmasının xüsusi əhəmiyyətini vurğulayıb. 

Çavuşoğlu xatırladıb ki, Türkiyə əsirlərin mübadiləsi, Beynəlxalq Atom Enerjisi Agentliyi və "Rosatom" rəsmilərinin görüşü kimi məsələlərdə də vasitəçi rolunu oynayır. Türkiyəli nazirin sözlərinə görə, Ankara bu problemlərin həlli istiqamətində səylərini davam etdirəcək. 

XİN rəhbəri Polşa ərazisinə düşən raketləri də xatırladıb: 

“İlkin araşdırmalara görə, bədbəxt hadisə baş verib. Təbii ki, dərin araşdırmalar davam edir. Müharibəni mümkün qədər tez bitirmək və danışıqlar masasına qayıtmaq hər cəhətdən vacibdir”. 

Mövlud Çavuşoğlu Quzey Kıbrıs Türk Cümhuriyyətinin (KKTC) beynəlxalq əlaqələri mövzusuna toxunub. 

“Quzey Kıbrıs Türk Cümhuriyyətinin beynəlxalq təşkilatda müşahidəçi üzv olması üçün icazəyə ehtiyacımız yoxdur”, - Çavuşoğlu bildirib. 

“ABŞ-a mesajımız odur ki, həm Türkiyə-Yunanıstan münasibətlərində, həm də Kıbrısda tarazlığı pozdular. Balanslı olun və beynəlxalq hüquqdan danışırsınızsa, Yunanıstan və rum kəsiminin pozuntularına baxın. Türk çağı başladı, türk baharı başladı. KKTC-nin Türk Dövlətləri Təşkilatına üzv olması ilə yeni bir dövrün açıldığını söyləyə bilərik. Bu məsələdə nə ABŞ-ın, nə də başqasının icazəsinə ehtiyacımız yoxdur”, - Çavuşoğlu vurğulayıb. 

O, çıxışına bu sözlərlə davam edib: 

“ABŞ-ın, xüsusilə Aİ-nin Türk Dövlətləri Təşkilatının üzvlərinə təzyiq etdiyini, hətta onları təhdid etdiyini gördük. Çox ciddi təzyiqlərə məruz qaldılar, notlar verdilər, məktublar yazdılar. Amma bunu da unutmaq olmaz: Aİ və ya ABŞ olsun, heç bir təhlükə qarşısında baş əyməyən Türk dünyası var. Türk dünyasının birliyi bölgədə və dünyada sabitlik üçün vacibdir. Təhdidləri kənara atın, əməkdaşlıq edək, bütün tərəflərin xeyrinə hərəkət edək. Bu, sadəcə başlanğıcdır, lazımi addımlar atılacaq”.

Baki-xeber.com

Peşə etikası

Son xəbərlər