Rusiya ordusu təlimlərdə nüvə sınağı məşqi keçirmək istəsə də, bunu reallaşdırmaları ehtimalı azdır. Baki-xeber.com “ERR News”-a istinadən bildirir ki, bunu Estoniya Müdafiə Qüvvələrinin kəşfiyyat rəhbəri Marqo Qrosberq söyləyib. Polkovnik əlavə edib ki, taktiki və ya digər nüvə silahından istifadə ağlabatan deyil. Qondarma referendumun keçirildiyi Xersonda isə daha qanlı döyüşlərin getməsi ehtimal olunur. M.Qrosberq Ukrayna ordusunun Xersona tam çatacağı tarixi müəyyənləşdirməyin çətin olduğunu bildirib. Xersonun əsasən bahalı hərbi texnika nəticəsində azad oluna biləcəyi qeyd edilib. Eston polkovnik Ukrayna ordusunun Rusiya müdafiə xətlərini yararaq Dnepr çayı boyunca irəliləyib Xersonun 20 kilometrliyinə çatdığını söyləyib. Regionda əsas irəliləyiş isə Ukrayna qüvvələrinin Xersona çatmasından asılıdı. M.Qrosberq fikirlərini belə tamamlayıb.
Ceyhun MİRZƏLİ
