Enerji, yanacaq, yem və ərzaq qiymətlərindəki bahalaşmadan sonra bir çox Avropa ölkəsində insanlar küçələrə çıxıb.
Ukrayna-Rusiya müharibəsindən sonra kəsilən Rusiya qazı birbaşa Avropada həyatı təhlükə altına atır. Qiymətlər 500 faizdən çox artdıqdan sonra milyonlarla avropalı aclıq və ağır dolanışıq problemləri ilə üzləşib.
Bahalaşmadan sonra yüz minlərlə etirazçı hökumətlərin istefası tələbi ilə küçələrə axışıb. Fransa, İtaliya, İspaniya, Almaniya, Hollandiya, Belçika və Çexiyada yüz minlərlə insanın iştiak etdiyi etiraz aksiyaları keçirilib.
Bütün bu hadisələr fonunda, Avropa mətbuatının etirazlara yer ayırmaması, ya da çox səthi yanaşması diqqətlərdən yayınmayıb. Milyonlara çatan nümayişlər mediada çox az işıqlandırılıb.
Serbiya - “Uşaqlarımızdan əl çəkin”
Təkcə bahalaşan qiymətlər və iqtisadi siyasətlər deyil, Avropa hökumətlərinin LGBT kimi zehniyyətlərə verdiyi dəstək də böyük etirazlara səbəb olub. Keçən həftələrdə Serbiya xalqı Belqradda küçələrə çıxaraq “Uşaqlarımızdan əl çəkin” deyərək LGBT çirkinliyinə sərt reaksiya verib.
Fransa - “Makron istefa”
Iki gün əvvəl Fransanın paytaxtı Parisdə on minlərlə insan prezident Emmanuel Makronun istefası tələbi ilə etiraz aksiyası keçirib. “Makron istefa” şüarları səsləndirən nümayişçilər qiymət artımı qərarının ləğv edilməsini istəyiblər.
Almaniya - “Tolerantlıq həddi aşıldı, yetər”
Almaniyanın Brettorf şəhərinə toplaşan fermerlər, yük maşını sürücüləri, motosikletçilər və vətəndaşlar elektrik enerjisi və qazın bahalaşmasına etiraz ediblər. Traktor, yük maşınları və motosikletlərlə konvoylar təşkil edən alman etirazçılar “Tolerantlıq həddi aşıldı, yetər” şüarları səsləndiriblər.
Ştutqart, Hamburq, Hannover, Drezden, Vürzburq, Mayns və ölkənin bir çox başqa şəhərlərində keçirilən etiraz aksiyalarına on minlərlə fermer qoşulub.
Nümayişçilər Ştutqartda Almaniyanın Kənd Təsərrüfatı Nazirliyinin binasını traktorlarla mühasirəyə alıblar.
İtaliya - “Xidmət haqlarını ödəmirik, xaos zamanıdır”
İtaliyanın Neapol şəhərində bələdiyyə binası qarşısına gələn minlərlə nümayişçi isə elektrik enerjisi çeklərini yandıraraq hökumətə və bələdiyyəyə etiraz ediblər. Nümayişçilər “Xidmət haqlarını ödəmirik, xaos zamanıdır” şüarları səsləndiriblər.
Belçika
Belçikanın Huqstaten şəhərində isə yüzlərlə fermer bələdiyyə binasına daxil olaraq etiraz aksiyası keçirib. Fermerlər yem qiymətlərinin artırılmasına qarşı "Fermerlər! Fermerlər" şüarı səsləndiriblər.
Şotlandiya – “İşıq pullarını ödəmirik”
İtaliyada olduğu kimi Şotlandiyada da elektrik enerjisinin bahalaşmasına etiraz edilib. Qlazqo şəhərində meydana toplaşan yüzlərlə insan “Ödəmirik” deyərək çekləri yandırıblar.
Çexiya - Tənbəl Avropa
Çexiyanın paytaxtı Praqada yüz minə yaxın insan ölkədə ərzaq və enerji qiymətlərinin artırılmasına etiraz etmək üçün bir araya gəlib. İqtisadi fəlakətdə və enerji xərclərinin artmasında Aİ-ni günahlandıran etirazçılar Avropanı tənbəllikdə ittiham ediblər.
Hollandiya - “Sağlamlıq diktatoru”
Baş nazir Mart Rutte Hollandiyanın paytaxtı Amsterdamda mitinq keçirib. Mitinqdə bir çox nümayişçi Rutte əleyhinə şüarlar səsləndirib. Səhiyyə sektoru ilə bağlı siyasətlərinə görə tənqid edilən Rutteyə qarşı “Sağlamlıq diktatoru” şüarları səsləndirilib.
Tahir TAĞIYEV
