Baki-xeber.com ABŞ-ın qurucusu Corc Vaşinqton haqqında az bilinən faktları təqdim edir:
Corc Vaşinqton atasını itirdiyinə görə məktəbi 11 yaşında buraxıb. Bu hadisə gənc Corcun həyatına mənfi təsir edib. Belə ki, o, İngiltərənin xaricində təhsil almaq imkanından məhrum oldu ki, onun böyük qardaşları bu imkandan istifadə etmişdilər. Onun anası heç vaxt təzədən ailə qurmadı, gənc qadın çiyninə ağır yükləri aldı. C.Vaşinqtonun anası tütün fabrikində işlədi. Gənc Corc 16 yaşında torpaq mühəndisi idi. Gələcək prezidentin məktəb illəri fərəhsiz utancaqlıqla keçdi.
Fransa və İngiltərə Şimali Amerika kaloniyaları uğrunda mübarizə aparanda Virciana Britaniya tərəfində idi. 22 yaşlı C.Vaşinqton fransız qüvvələrini dəf etmək üçün 150 nəfərlik qoşunla indiki Pensilvaniyaya hücum etdi. O, fransızların yerini dəyişməsi üçün 40 nəfərlə birgə hücum etdi. 15 dəqiqə ərzində gedən döyüşdə 10 fransız əsgəri öldürüldü. Atışma nəticəsində fransız zadəgan Cozef Kopulon həlak oldu. Buna görə fransızlar C.Vaşinqtonu qatil adlandırdılar. Bunun nəticəsində fransızlar və ingilislər arasında yeddi illik müharibə başlandı
C.Vaşinqton heç vaxt böyük general olmaq istəmədi, amma o, mükəmməl casus idi. İnqilab müharibəsində az təlim görmüş, az təchiz olunmuş ordu ilə mübarizə aparıb qalib gəldi. C.Vaşinqtonun dünyanın ən güclü ordusu üzərindəki qələbəsini güvəndiyi görünməz silahlar və kəşfiyyat şəbəkəsinin vasitəsilə əldə etdi. C.Vaşinqtonun casusları müharibənin taleyini dəyişdirəcək qərarların qəbul olunmasında ona kömək etdi. ABŞ-ın istiqlal mübarizəsində C.Vaşinqtonun yeraltı casus şəbəkəsi mühüm rol oynamışdı. Mərkəzi Kəşfiyyat İdarəsinin hesablamasına görə, C.Vaşinqton D. Eyzanhauerə qədər istənilən amerikalı generaldan daha çox kəşfiyyatda iştirak etmişdi.
Zəngin dul qadın Marta Kustislə evlənən C.Vaşinqtonun heç vaxt öz övladı olmamışdı O, M.Kustisinin dörd və iki yaşlı uşaqlarının qanuni qəyyumu idi.
Corc Vaşinqton təkcə ABŞ-ın ilk prezidenti yox, həm də ilk qatır yetişdirən şəxsi olmuşdu. O inanırdı ki,qatır yetişdirmək Amerika kənd təsərrüfatını inkişaf etdirə bilər.
C.Vaşinqtonun inancı barədə elə də geniş məlumat yoxdu. Tarixçilər bu barədə çox söz danışa bilmirlər. Lakin onun uzun illər kilsə nəzarətçisi işləməsi, həmvətənlərini ibadətə çağırması bugünə qədər məlumdu.
ABŞ qurucusunun köləliyə münasibəti bir qədər mürəkkəbdir. Ümumən kölələlərə münasibət Corc Vaşinqtonun həyatının sirli səhifəsidi. 11 yaşında olarkən ona 10 kölə həvalə edilməsi bildirilir. Onun da Virciniyada torpaq sahibləri kimi kölələri var idi. İllər keçdikcə onun köləliklə bağlı fikirləri inkişaf etdi. Xüsusən İnqilab müharibəsi zamanı o, insanların satın alınıb işlədilməsinə görə narahat oldu. C.Vaşinqtonun qulları azad etməsilə bağlı vəsiyyəti də var idi. Lakin o şərtlə ki, onlar həyat yoldaşı Martanın yanında sona qədər qalsınlar.
Ceyhun MİRZƏLİ
