Kosovo Serb nömrəli nəqliyyat vasitələrinə müvəqqəti nömrə və tranzit sənədləri tələbi iki ölkə arasında gərginliyi artıb. Sərhədində hər iki ölkədə həyəcan siqnalı səsləri panikaya səbəb olub. Mətbuatda iki ölkə arasında qarşılıqlı xəbərdarlıq atəşlərinin açıldığı ilə bağlı videolar da yayılıb. Hər iki ölkə sərhədə qoşun yeridib. Kosovo hökumətinin rəsmi saytlarına kiberhücum edilir.
Serbiya prezidenti Vuçiç vəziyyətin çox kritik olduğunu bildirərək BMT-ni təcili iclas keçirməyə çağırıb. "Böhran böyüyür, serblər daha qəddarlıq görməyəcək. Biz müharibə istəmirik, amma belə davam edərsə, Serbiya qalib gələcək. Biz müharibə istəmirik, ancaq bundan sonra serbləri sıxışdırmaq, təqib etmək və öldürməyə cəsarət etsələr, təslim olmayacağıq”, - Vuçiç bildirib.
Kosovonun baş naziri Abin Kurti keçən həftə, Kosovoya daxil olacaq serblərə müvəqqəti şəxsiyyət vəsiqələrinin veriləcəyini, onların pasportlardan deyil, bu şəxsiyyət vəsiqələrindən istifadə etməli olacaqlarını deyib.
Prezident Vucic isə bildirib ki, Kosovodakı serblər bir daha təqiblərə dözməyəcəklər: “Kosovo serbləri bir daha zülmə dözməyəcəklər”.
Kosovo serblərindən albanlara qarşı heç bir hücum və ya təxribat olmayacağına dair söz aldığını vurğulayan Vuçiç, albanların nə etməsindən asılı olmayaraq, bu vəziyyətin dəyişməyəcəyini, serblərin də öz evlərini qoruyacaqlarını qeyd edib: "Biz sülh axtaracağıq, amma sizə deyim ki, biz təslim olmayacağıq".
Serbiya Müdafiə Nazirliyi isə yaşanan gərginliklə bağlı yaydığı açıqlamada serb əsgərlərin Kosovo ərazisinə daxil olmadığını bildirib: "Serb əsgərləri Kosovo adlanan əraziyə daxil olmayıb. Qondarma Kosovo təhlükəsizlik qüvvələri ilə heç bir münaqişə olmayıb. Sərhəd xəttində vəziyyət stabildir".
Serbiyanın heç vaxt indiki qədər mürəkkəb və çətin vəziyyətdə olmadığını vurğulayan Vuçiç Priştina rəhbərliyinin daim özünü masum qurban kimi göstərməyə çalışdığını bildirib. O, deyib ki, Kosovodakı albanlar baş nazir Albin Kurti üzündən problem yaşayır və Qərb Kosovoda baş verə biləcək hər hansı münaqişəni istəməz.
Ölkəsinin münaqişələrə səbəb olan və münaqişə istəyən tərəf olmadığını vurğulayan Vuçiç daha sonra deyib: “Serbiya (Slobodan) Miloşeviç və (Boris) Tadiç dövründə olduğu kimi asanlıqla məğlub edə biləcəyiniz bir ölkə deyil”.
Bu arada serblər silahlanmağa başlayıblar. Onlar evlərində saxladıqları silahları çıxararaq sosial media hesablarında paylaşmağa başlayıblar.
NATO-nun Kosovo Qüvvələri isə Şimali Kosovonun sabitliyinə təhlükə yaranarsa, müdaxilə etməyə hazır olduğunu açıqlayıb.
NATO-nun bəyanatında bildirilir ki, Kosovonun şimalında vəziyyət gərgindir və "NATO-nun Kosovodakı Qüvvələri (KFOR) vəziyyəti yaxından izləyir və sabitliyə təhlükə yaranarsa, müdaxilə etməyə hazırdır".
Rusiya isə Kosova, ABŞ və Avropa Birliyinə çağırış edərək təxribatları dayandırmağa çağırıb. “Biz Priştinanı, onun arxasında duran ABŞ və AB-ni təxribatları dayandırmağa və Kosovodakı serblərin hüquqlarına hörmət etməyə çağırırıq” – deyə Rusiya Xarici İşlər Nazirliyinin sözçüsü Mariya Zaxarova bildirib.
Qeyd edək ki, Kosovo ilə Serbiya arasında 2016-cı ildə imzalanmış sərbəst hərəkət sazişinin müddəti başa çatdıqdan sonra, sentyabrın 15-də Kosovo hökuməti ölkədə yalnız Kosovo nömrəli avtomobillərin hərəkət edə biləcəyini açıqladı və ölkəyə daxil olmaq istəyən Serb dövlət nömrə nişanlı avtomobillər üçün müvəqqəti nömrə tələbi tətbiq edib. Kosovonun avtomobil nömrələri ilə bağlı qarşılıqlılıq prinsipi əsasında qəbul etdiyi qərardan sonra ölkənin şimalında serblərin sıx məskunlaşdığı bölgədə gərginlik artıb. Hökumətin sözügedən qərarı həyata keçirmək üçün Kosovo ilə Serbiya arasındakı sərhəd qapılarına silahlı xüsusi təyinatlı polis dəstələri göndərməsinə etiraz edən serblər nümayiş keçirərək yük maşınları ilə sərhəd qapılarına gedən yolları bağlayıblar.
Kosovo Serbiya rəhbərliyinin Kosovo nömrəli avtomobillərin illərdir Serbiya ərazisindən keçməsinə icazə verilməməsinə qarşı çıxardığı qərar çərçivəsində Serb nömrəli avtomobillərin Kosovoya daxil olmasına icazə vermir, Serbiyadan Kosovoya daxil olmaq istəyən avtomobillərə 60 gün etibarlı müvəqqəti nömrələr verir.
Tahir TAĞIYEV
