İrandan Türkiyənin gözlənilən yeni Suriya əməliyyatı ilə bağlı üç fərqli tarixdə üç ziddiyyətli açıqlama…

img

Türkiyə Prezidenti Rəcəb Tayyib Ərdoğan, Madriddə NATO Liderlər Zirvəsi çərçivəsində türk jurnalistlərlə görüşdə Suriyada yeni əməliyyatın qəfildən başlaya biləcəyini deyib: “Tələsməyə ehtiyac yoxdur. Biz artıq o bölgədə hazırda işləyirik. Bildiyiniz kimi, İraqın şimalında, digər tərəfdən Suriyanın şimalında, Afrində işləyirik. Həmişə deyirəm, bir gecə qəfildən gələ bilərik”.

Məlum olduğu kimi İran Xarici İşlər Nazirliyi Türkiyənin mayın 30-da Suriyaya qarşı təşkil edəcəyi mümkün əməliyyata dəstək verməyəcəklərini açıqlayıb. Bunun bölgədə qeyri-sabitliyə gətirib çıxaracağını və Suriyanın ərazi bütövlüyünə zidd olduğunu bildirib.

İyunun 27-də Türkiyəyə gələn və xarici işlər naziri Mövlud Çavuşoğlu ilə görüşən İranın xarici işlər naziri Hüseyn Əmir-Abdollahian isə Türkiyənin Suriyanın şimalına mümkün əməliyyatı ilə bağlı daha mülayim açıqlama verib. "Biz Türkiyənin təhlükəsizliklə bağlı narahatlıqlarını çox yaxşı başa düşürük. Bu vəziyyət xüsusi əməliyyat tələb edə bilər. Türkiyənin təhlükəsizlik problemləri daimi olaraq həll edilməlidir", - o deyib.

2 iyulda isə Tehran administrasiyası növbəti dəfə fərqli açıqlama ilə çıxış edib. Suriyanın paytaxtı Dəməşqə gedən və Bəşər Əsədlə görüşən Hüseyn Əmir-Abdollahian İranın İRNA xəbər agentliyinə Ankaradakı açıqlamalarının tam əksinə ifadələr işlədib:

"Suriya xalqı və hökuməti öz ərazi bütövlüyünü müdafiə etmək üçün güclü şəkildə çalışır. Mənim səfərimin məqsədi Suriya ilə Türkiyə arasında bölgədə sülh və təhlükəsizliyin bərqərar olmasıdır. Biz Türkiyənin təhlükəsizlik məsələlərinə dair narahatlığını başa düşürük, lakin eyni zamanda istənilən hərbi əməliyyatın əleyhinəyik. İran, Türkiyə və Suriya arasındakı anlaşılmazlığı dialoq yolu ilə həll etməyə çalışır."

Tahir TAĞIYEV

Peşə etikası

Son xəbərlər