Prezident Ersin Tatar, Rum-Yunan cütlüyünün Şərqi Aralıq dənizinə yönəlmiş təhdidlərinə qarşı KKTC-nin suverenliyinin önəminə diqqət çəkərək, "Türk dövlətinin Şərqi Aralıq dənizində güclənməsi və varlığını davam etdirməsi böyük əhəmiyyət kəsb edir" deyib. Prezident Tatar bu barədə Girne 101 Evlər bölgəsində təşkil edilən Şəhid Leytenant Caner Gönyeli-2022 Axtarış Qurtarma Dəvət manevrinin quru mərhələsinin ardından mətbuata açıqlamasında danışıb.
Bunun çox əhatəli bir təlim olduğunu ifadə edən Tatar TC və KKTC qurum və təşkilatlarının təlimə qatıldığına diqqət çəkərək, "Çox təsirləndim" sözlərini ifadə edib. Təlimi müvəffəqiyyətlə yerinə yetirən hər kəsi təbrik edən Tatar ən vacibinin Şərqi Aralıq dənizində KKTC-nin daha da güclənməsi olduğunu vurğulayıb. KKTC-nin imkanları və Türkiyənin hər cür təbii fəlakətlərə qarşı dəstəyi ilə bütün bu işləri yerinə yetirəcək qabiliyyət və avadanlıqlara sahib olmağın vacibliyini ifadə edən Tatar bunların illər ərzində inkişaf etdiyini bildirib. Türkiyə Respublikasının müdafiə və mülki müdafiə imkanlarını KKTC dövləti ilə paylaşdığını ifadə edən prezident Tatar, “Bu bizim üçün böyük bir sərvətdir” deyib. Mətbuat mənsublarından biri təlimdə iştirak edən xarici missiya nümayəndələrinin sayının əvvəlki illərlə müqayisədə artdığını vurğulayanda Prezident Tatar bildirib ki, Şərqi Aralıq dənizində Türkiyə dövləti ilə birgə həyata keçirilən təlimlərə və fəaliyyətlərə beynəlxalq ölçüsü və KKTC-dəki manevrdə fərqli dövlətlərin nümayəndələrinin olması KKTC-nin statusunu artırıb. Prezident Tatar Kipr məsələsi ilə bağlı suala isə Türkiyənin xarici işlər naziri Mövlud Çavuşoğlu və onun rəhbərlik etdiyi nümayəndə heyəti ilə geniş görüşlər keçirdiklərini bildirərək, ötən ilin aprelində Cenevrədə verilən təkliflərin arxasında onların olduğunu vurğulayıb. Prezident Tatar Türkiyənin hər zaman eyni mövqedə olduğunu vurğulayaraq, "Kiprdə bir razılaşma olacaqsa və ya rəsmi danışıqlar olacaqsa, suveren bərabərliyimiz və bərabər beynəlxalq statusumuz qəbul edilməlidir" deyib. Türkiyənin həm KKTC-nin ana vətəni, həm də qarant ölkəsi olduğunu dilə gətirən Tatar bunu TC Xarici işlər naziri tərəfindən təsdiqlənməsinin çox əhəmiyyətli və dəyərli olduğunu qeyd edib.
SAMİRƏ
