Qərb və Rusiya Ukrayna müharibəsinə görə tarixlərinin ən gərgin dövrünü yaşayırlar. Ukraynada müharibə can almaqda davam edərkən, dünya nüvə başlıqlarının aktivləşməsindən narahatdır. Ukraynaya təcavüz etməklə Qərblə bütün körpüləri yandıran Rusiya bütün dünyanı dəhşətə gətirən təhlükəni, “nüvə hücumunu” kozır kimi masada saxlayır.
Rusiya lideri Putinin yaxın dostu, Kremlin “Roskosmos” kosmik agentliyinin rəhbəri Dmitri Roqozindən dünyanı təhdid edib.
Moskva rəhbərliyinin məqsədinin Qərbi məğlub etmək və Ukraynanı xəritədən silmək olduğunu bildirən 58 yaşlı Roqozin Rusiyanın yarım saat ərzində nüvə müharibəsində bütün NATO ölkələrini məhv edə biləcəyini iddia edib.
Nüvə müharibəsi istəmədiklərini vurğulayan 58 yaşlı Roqozin, qarşılıqlı nüvə müharibəsinin nəticələrinin dünya üçün böyük fəlakət ola biləcəyini ifadə edib: “Hərbi və iqtisadi cəhətdən daha güclü düşməni adi silahlarla məğlub etməli olacağıq".
Qeyd edək ki, Putinin bir neçə gün əvvəl atdığı son addımı isə gərginliyi daha da artırıb. Belə ki, Kalininqradda nüvə başlıqları daşıya bilən “İsgəndər M” tipli ballistik raketlərin buraxılış simulyasiyası həyata keçirilib.
Rusiyanın ABŞ-dakı səfiri Anatoli Antonov da nüvə başlıqlarının işə salınması ilə bağlı dünyanı narahat edəcək açıqlamalar verib.
Səfir NATO-nun nüvə müharibəsi təhlükəsini kifayət qədər ciddiyə almadığını və bu baş verərsə, “qaliblərin” olmayacağını deyib: "NATO-dakı siyasətçilər açıq şəkildə nüvə təhlükəsini ciddi qəbul etmirlər".
Antonov Moskvanın “Kütləvi Qırğın Silahlarından” (KQS) hansı şərtlər altında istifadə edəcəyini də açıqlayıb. Rusiyalı diplomat bəyan edib ki, Moskvanın Rusiyaya və müttəfiqlərinə qarşı kütləvi qırğın silahlarından istifadə edilməsinə cavab olaraq, Rusiyaya qarşı təcavüz zamanı və ya dövlətin mövcudluğu təhlükə altında olduqda bu silahlardan istifadə edə bilər.
Digər tərəfdən, son vaxtlar Rusiya mətbuatında Rusiyanın inventarında olan nüvə silahları ilə bağlı şərhlər verilir. Moskvanın nüvə hücumu xəritəsini canlı yayımda yayımlayan dövlət televziyası belə bir vəziyyətdə London, Paris və Berlinin 202 saniyəyə xəritədən silinəcəyini bildirirlər. Rusiyalı ekspertlər də vurğulayırlar ki, belə bir hücum baş verərsə, hədəf alınan şəhərlərdə sağ qalan olmayacaq.
Qeyd edək ki, Rusiya prezidenti Vladimir Putin tərəfindən qorunan 'Şeytan 2' raketləri Rusiyanın paytaxtı Moskvadan atıldıqda İngiltərənin paytaxtı Londona çata biləcək mənzilə malikdir. Yəni Rusiya sözügedən raketlə bütün Avropa paytaxtlarını vurmaq gücünə sahibdir. ABŞ mətbuatının yazdığına görə, ABŞ-da sözügedən raketin uçuş məsafəsi daxilindədir. Putin “Sarmat” qitələrarası ballistika sisteminin tamamlanmaq üzrə olduğunu təsdiqləyib və TASS xəbər agentliyinə “Sarmat” üzərində işlərin hazırda son mərhələdə olduğunu deyib.
Rusiya bu yaxınlarda adi və ya nüvə başlığı daşıya bilən hipersəsli “Zirkon” raketinin yeni fotolarını paylaşıb. ABŞ dairələri tərəfindən də Rusiyanın bu raketdən istifadə etdiyi təsdiqlənib. İngiltərə mətbuatı isə Rusiyanın Londonu 5 dəqiqəyə vura bilən hipersəs nüvə raketinin görüntülərini yaydığını bildirib.
Sözügedən raket Rusiya prezidenti Vladimir Putinin təriflədiyi yeni nəsil rus silah texnologiyasının bir hissəsidir. Putin 2018-ci ildəki çıxışında hipersəs raketlərinin dənizdə və quruda 1000 kilometr məsafədəki havada və quruda hədəfləri vura biləcəyini açıqlamışdı. Raketi “dayandırılmaz” və “məğlubedilməz” kimi xarakterizə edən Putin, onların yeni silahlarıa dünyanın demək olar ki, istənilən nöqtəsini vura biləcəklərini və ABŞ istehsalı olan raket qalxanından yayına biləcəklərini deyib.
Tahir TAĞIYEV
