4 SU-30 tipli döyüş təyyarəsini Ukraynaya qarşı istifadə edilmək üçün erməni pilotlarla birlikdə Rusiyaya göndərən Ermənistan “Haber Global”in həqiqəti ortaya qoymasından sonra dünya ictimaiyyətini çaşdırmağa çalışdı. Ancaq həqiqət qısa zamanda üzə çıxdı.
Qeyd edək ki, bir neçə gün əvvəl Ermənistan öz inventarında olan 4 SU-30 tipli döyüş təyyarəsini erməni pilotlarla birlikdə Ukraynaya qarşı Rusiyaya göndərib.
“Haber Global”ın açıqladığı faktlardan sonra Ermənistan baş naziri Nikol Paşinyan “xəbərin doğru olmadığını” iddia edərək, “təyyarələrimiz heç vaxt torpaqlarımızı tərk etməyib” deyib.
Ancaq qısa zamanda peyk görüntüləri gerçəyi ortaya çıxardı və İrəvanın iddialarının yalan olduğu təsdiqləndi.
Martın 18-də çəkilmiş peyk görüntülərinin birincisində Ermənistandakı hərbi hava bazasında 4 SU-30 tipli döyüş təyyarəsi görünür.
Martın 25-də çəkilən ikinci görüntüdə isə eyni məkanda fərqli mənzərə müşahidə edilir. Yeni görüntülərdə Rusiyaya göndərilən Su-30 təyyarələri əvvəl olduğu məkanda yoxdur. Onların olduğu yerdə isə MİQ-29 qırıcıları var.
Sözügedən Su-30 təyyarələri martın 23-də Rusiyaya göndərilib. Onların yola çıxma məntəqəsi İrəvandakı Erebuni hava limanı olub. Erməni pilotların istifadə etdiyi 4 Su-30 qırıcı təyyarəsi yerli vaxtla saat 12:50-də yola düşüb. Göyçə mahalındakı Aşağı Qaranlıq şəhərindən keçən təyyarələr saat 13:14-də son dayanacağa – Rusiyaya çatıblar.
Peyk fotoları da bunu sübut edir. Ermənistan öz təyyarələrini və pilotlarını Rusiya ordusunun sərəncamına verməklə Ukraynaya işğalının şəriyi və Rusiyanın başladığı müharibənin iştirakçısı olub. Ermənistan da Rusiya kimi Qərbin sanksiyalarının hədəfinə çevrilmək risqi altındadır.
“Haber Global”ın açıqladığı bu faakt beynəlxalq mətbuatda böyük əks-səda doğurub və bundan sonra Moskva-İrəvan münasibətlərində gərginliyə səbəb olub. Məxfi məlumatların mətbuata sızması Ermənistanı Rusiya qarşısında çıxılmaz vəziyyətə salıb. İki ölkə arasında diplomatik gərginlik yaranıb.
Ermənistan inventarındakı təyyarə boşluğunu doldurmaq və hadisəni ört-basdır etmək üçün Suriyadan tələsik 4 Su-30 tipli döyüş təyyarəsi gətirib. Ermənistana məxsus təyyarələrin heç vaxt ölkəni tərk etmədiyi görüntüsü yaratmağa cəhd edilsə də, peykdən çəkilmiş şəkillər bu İrəvanı ifşa edir. Görüntülər həm də Ermənistanın dünya ictimaiyyətinə yalan danışdığı üzə çıxarıb.
İllərdir Cənubi Qafqazda işğal siyasəti yürüdən Ermənistan hazırda Ukraynanın işğalını dəstəkləməsi İrəvanın regional sülhə deyil, münaqişəyə xidmət etməsinə zəmin yaradıb. İndi bütün gözlər Qərbə çevrilir. Sual yaranır: Qərbə buna göz yumacaq, yoxsa Ermənistana əməllərinə görə sanksiyalar tətbiq edəcək?..
Tahir TAĞIYEV
