ABŞ prezidenti Co Bayden Rusiyaya tətbiq olunacaq sanksiyalar çərçivəsində yeni addımların həyata keçirildiyini açıqlayıb. Bayden, daha əvvəl "görünməmiş" elan edilən və əvvəllər heç vaxt tətbiq olunmayan enerji idxalı qadağasının tətbiq ediləcəyini rəsmən açıqlayıb və Rusiyadan qaz və neft idxalına qadağa qoyulacağını deyib.
Avropalı tərəfdaşları və müttəfiqlərinin bu məsələdə ABŞ-la eyni mövqedə olmadığını deyən Bayden bu addıma ABŞ Konqresi və xalqından böyük dəstək olduğuna diqqət çəkən Bayden deyib ki ABŞ bütün Avropadan daha çox nefti öz ərazisində hasil edir.
Rusiyaya qarşı sanksiyaların ABŞ-da neft qiymətlərini artıracağını bildirən Bayden, "Putin Ukrayna sərhədinə qoşun yığmağa başlayandan bəri ABŞ-da neft qiymətləri orta hesabla 75 sent artıb və artmada da davam edir. Ölkə daxilində bunun aşağı düşməsi üçün hər şeyi edəcəyəm" deyib.
Ukrayna müharibəsindən istifadə edərək qiymətləri artıran neft şirkətlərini və maliyyə firmalarını hədəf alan Bayden deib ki, Putinin Ukraynaya qarşı müharibəsinin benzinin qiymətlərini artıracağını anlayırıq. Ancaq həddindən artıq qiymət artımı və ya bu vəziyyətdən sui-istifadə üçün heç bir bəhanə yoxdur.
Məlumata görə, Birləşmiş Ştatlar neft və neft məhsullarının böyük hissəsini keçən il Kanadadan idxal edib. Kanadadan sonra Meksika ikinci, Rusiya isə ABŞ-ın keçən il ən çox neft və neft məhsulları idxal etdiyi 3-cü ölkə olub.
ABŞ 2021-ci ildə Rusiyadan gündəlik 672 min barel neft və neft məhsulları idxal edib.
ABŞ-ın neft və neft məhsulları idxalının təxminən 8 faizi Rusiyadan qarşılanıb.
Baydenin açıqlamalarında sonra Böyük Britaniya da 2022-ci ilin sonuna qədər rus neft və neft məhsullarının idxalını mərhələli şəkildə dayandıracağını bəyan edib.
Avropa İttifaqı (Aİ) da Rusiyaya qarşı tətbiq etdiyi sanksiyalar çərçivəsində Rusiyadan enerji asılılığını azaltmaq üçün hərəkətə keçib. Aİ bir il ərzində Rusiyadan idxal olunan qazın həcmini 2/3 azaltmaq üçün "REPowerEU" adlı plan hazırlayıb.
Aİ keçən il ehtiyacı olan qazın 40 faizini Rusiyadan alıb. Rusiyadan alınan qazın həcmi 155 milyard kubmetr olub. Planla bu il Rusiyadan idxal olunan qazın həcmi 2/3 azalacaq. Sözügedən qazın 50 milyard kubmetri LNG idxalını artıraraq təmin ediləcək. Rusiyadan kənar boru kəmərlərindən əlavə 10 milyard kubmetr qaz alınacaq. Biometan istehsalının artırılması ilə 3,5 milyard kubmetr qaz təmin ediləcək.
AB vətəndaşlarından evlərinin temperaturunu aşağı salmaları istəniləcək. Avropada termostatların 1 dərəcə azaldılması ilə 10 milyard kubmetr təbii qaza qənaət ediləcək.
Digər enerji qənaət üsulları ilə 4 milyard kubmetrə, binaların damında quraşdırılan günəş enerjisi sistemləri ilə 2,5 milyard kubmetrə, istilik nasosu sistemləri ilə 1,5 milyard kubmetrə qənaət ediləcək.
Əlavə külək və günəş elektrik stansiyalarının enerjisi 20 milyard kubmetr qazı əvəz edəcək. Beləliklə, Aİ-nin Rusiyadan tədarük edəcəyi təbii qazın həcmi 100 milyard kubmetr azalacaq.
TAHİR
