Rusiya Prezidenti Vladimir Putin qondarma "Donetsk Xalq Respublikası" (DXR) və "Luqansk Xalq Respublikası"nın (LXR) müstəqilliklərini tanıyıb.
Baki-xeber.com xəbər verir ki, Putin bunu xalqa müraciətində deyib.
“Rusiya Ukraynanın ərazi bütövlüyünü tanımaq üçün hər şeyi edib. BMT-nin 2202-ci maddəsini həyata keçirmək üçün hər şeyi etdi. Kiyev rejimi aqressivdir və 2014-cü ildə dövlət çevrilişlə qurulub. Donbass böhranını hərbi əməliyyatdan kənar həll etmək cəhdi olmayıb. Ona görə də mən Donetsk Xalq Respublikası və Luqansk Xalq Respublikalarının tanınması ilə bağlı qərarı təsdiq edirəm” - Putin deyib.
Putinin çıxışında diqqət çəkən məqamlar:
“Ukrayna tariximizin mühüm hissəsidir. Ukrayna əslində Şərqi Rusiyanın ərazisidir...
...Ukrayna dövlətini Rusiya qurub...
...Stalin dövründə Polşa, Macarıstan və Rumıniyadan alınan bəzi bölgələr Ukraynaya birləşdirilib. Xruşşov da Krımı Rusiyadan ayıraraq Ukraynaya bağışladı…
...Rusiya üçün Ukrayna təkcə qonşu ölkə deyil, həm də tarixin bir parçasıdır. Ukraynalılar bizim yoldaşlarımız və qohumlarımızdır. Müasir Ukrayna bəzi tarixi yerləri rədd edilməsi səbəbi ilə Rusiya tərəfindən yaradılıb. Oradakı sakinlərdən heç kim soruşmayıb. Lenin dövlət quruculuğu prinsiplərində yanıldı...
...Ukrayna ABŞ-ın müstəmləkəsidir. Onun hökumətinə marionetlər rəhbərlik edir...
...ABŞ və NATO utanmadan Ukraynanı döyüş meydanına çeviriblər. Qərbin silahları Ukraynada yığılır...
...18-19-cu əsrlərdə Osmanlı İmperiyasından alınan ərazi (indiki Krım və Ukraynanın Qara dəniz sahili) “Novorossiya” (Yeni Rusiya) adlanırdı. Biz bu sahilləri türklərdən qorumuşuq”.
Ukrayna prezidenti Vladimir Zelenski isə Birləşmiş Millətlər Təşkilatının Təhlükəsizlik Şurasının (BMT TŞ) ərazi bütövlüyünü təmin etmək üçün təcili iclas keçirməyə çağırıb.
TAHİR
