Böyük Britaniyanın baş naziri Boris Conson ölkədə yeni növ koronavirusun Omicron variantından ilk ölümün qeydə alındığını açıqlayıb.
"Təəssüf ki, bəli, Omicrona yoluxanlar xəstəxanaya yerləşdirilir və təəssüf ki, ən azı 1 xəstənin öldüyünü təsdiqləyə bilərəm" - Conson deyib.
Baki-xeber.com xəbər verir ki, Omicron variantına qarşı mübarizədə gücləndirici vaksinlərin əhəmiyyətinə diqqət çəkən Conson sözlərini belə davam etdirib: "Düşünürəm ki, bunun virusun daha yumşaq bir versiyası olduğu fikrini bir kənara qoymalıyıq və sadəcə bunun əhali arasında sürətlə yayıldığını dərk etməliyik. Edə biləcəyimiz ən yaxşı şey hamımıza gücləndirici vaksin vurmaqdır".
Onun özlərinə görə, Omicron yoluxmaları hazırda Londonda və ölkənin bəzi digər yerlərində sürətlə artmaqdadır. "Paytaxtda yoluxmaların təxminən 40 faizini təşkil edir" Conson deyib.
Ölkədə ilk dəfə noyabrın 27-də görülən koronavirusun Omicron variantına yoluxmalar sürətlə artaraq 3 mini ötməsindən sonra həyəcan səviyyəsi 3-dən 4-ə qaldırılıb.
Səhiyyə naziri İngiltərədə bu ayın sonuna qədər təxminən Omicrona 1 milyon yoluxmanın qeydə alına biləcəyini deyib.
Mütəxəssislər də xəbərdarlıq ediblər ki, Omicron variantına qarşı kəskin tədbirlər görülməsə, ölkədə 25-75 min insan ölə bilər.
Artıq ölkədə bəzi məhdudiyyətlər tətbiq edilməyə başlanıb.
TAHİR
