Hafiz Cabbarlı: "Onlar necə ad qoya bilərlər ki, heç "armeniya" sözünün özü belə ermənilərə məxsus deyil"
Özünün heç bir tarixi olmayan haylar son 100-150 ildə özlərinə qondarma tarix quraşdırmaqla məşğuldur. Qafqazın "qara yarasına" çevrilən hay sürüsü gücünü miflər və illüziyalar əsasında saxta tarix yaratmağa qoyub. Bu saxtakarlıq o həddə çatıb ki, artıq özləri öz yalanlarının içində çaş-baş qalıblar.
Erməni mediası yazır ki, Ermənistanda tarix dərsliyinə ad qoya bilmirlər və bu səbəbdən də dərsliyin adını müzakirəyə çıxarıblar. Tarixçi Smbat Hovhannisyan Təhsil, Elm, Mədəniyyət və İdman Nazirliyinin "Erməni xalqının tarixi" fənninin adının "Ermənistan tarixi" olaraq dəyişdirilməsini təklif edən layihəsinə toxunub. "Dərhal qeyd edək ki, "Erməni xalqının tarixi" və "Ermənistanın tarixi" terminləri məzmunca fərqli baxışları nəzərdə tutur.
"Ermənistan tarixi" termini əsasən Ermənistanın bir dövlət kimi formalaşması, idarə olunması, münaqişələri və qonşu regionlarla münasibətləri kimi siyasi, iqtisadi və sosial aspektlərini vurğulayır. Buna görə də erməni xalqının daha geniş tarixi ilə müqayisədə daha dar perspektiv nəzərdə tutur"-deyə bildirib.
Əlbəttə, o, açıqlamasında erməni xislətinə sadiq qalaraq yenə də ərşdən-kürşdən, "qədim erməni xalqından", diaspordan, "tarixi ərazilər"dən də danışıb. Nə danışmasından asılı olmayaraq aydın olur ki, Ermənistanda tarix dərsliyinə ad verə bilmirlər. Çünki saxtakarlıqla dolu bir tarixə ad vermək çox çətindir.
"Gəlib artıq o nöqtəyə çatıblar ki, "adqoyma mərasimində" "tarixlərinə" ad tapa bilmirlər"
Tarixçi, tədqiqatçı Hafiz Cabbarlı "Bakı-Xəbər"ə şərhində bildirdi, hayların bu gün tarix dərsliyinə ad qoya bilməməsi təbiidir, çünki onların heç tarixi yoxdur.
"Bu başadüşüləndir, ermənilər olmayan bir şeyin adını necə qoya bilərlər ki? Yəqin ona görə ad tapa bilmirlər. Çünki olan bir şeyin adı olur. Erməni xalqının tarixi heç olmayıb ki. Bəzən özlərinin bəzi obyektiv tarixçiləri də etiraf ediblər ki, onların tarixi olmayıb. O ki qaldı orada Moisey Xorenetsidən danışırlar, bu da gülünc bir şeydir. Ümumiyyətlə, "erməni tarixinin atası" Moisey Xorenetsinin adı XVIII əsrə qədər heç bir mənbədə verilmir. Bu da sonradan uydurulmuşdur. V əsrdə "erməni xalqı" ifadəsi, elə bil ki, eramızdan əvvəl kompüterdən istifadə edilməsini iddia etmək qədər gülünc və cəfəngdir"-deyə H.Cabbarlı bildirdi.
Tarixçi vurğuladı ki, dünyada məşhur olan ermənişünas Nino Qarsoyan elə milliyyətcə də ermənidir və o, Amerikada populyar universitetlərdən birinin professorudur. "Onun bir sözü var ki, Xorenetsinin erməni xalqının tarixini yazması tamamilə cəfəngdir, elmdən uzaqdır. Elmdə əsası olmamaqla yanaşı, gülünc bir şeydir. Çünki V əsrdə nəinki erməni xalqı, nə ingilis, nə fransız, nə rus, ümumiyyətlə heç bir xalq yox idi. Xalqlar orta əsrlər dövründə meydana gələn bir insan topluluğudur. "Erməni xalqının tarixi" "əsəri" də tamamilə boş əfsanələrdən ibarətdir. XIX əsrdə başqa bir erməni tarixçisi Bakkanov yazır ki, Moisey Xorenetsinin "əsəri", demək olar, Strabonun əsəridir, yalnız XVIII-XIX yüzillikdə ora bir sıra ermənilər tərəfindən saxta məlumatlar artılırıb. Qalanı başqa xalqların tarixinin və əfsanələrinin köçürülməsidir. Burada da gəlib artıq o nöqtəyə çatıblar ki, "adqoyma mərasimində" "tarixlərinə" ad tapa bilmirlər. Eybi yox, azərbaycanlı olsam da təklif edirəm ki, o kitabın adı yalanın tarixi olsun. Ən yaxşısı budur, çünki onların tarixi yalanlardan ibarətdir. Onlar necə ad qoya bilərlər ki, heç "armeniya" sözünün özü belə ermənilərə məxsus deyil. Həm də etnik anlamda deyil, coğrafi məkan bildirir, "yüksək yer" deməkdir. Bu güm ermənilər özlərini hay, ölkələrini isə Hayastan adlandırırlar. Haylar isə Armeniyaya çox sonralar gəliblər. Bir yandan da bu problem çıxır ki, olmayan "erməni xalqının tarixi", yoxsa "hay xalqının tarixi? "Hay xalqının tarixi" deyəndə tamamilə ifşa olunurlar. Çünki bütün dünyada bilinir ki, haylar Kiçik Asiyaya sonradan gəlmiş tayfalardır"-deyə H.Cabbarlı bildirdi.
İradə SARIYEVA
