Elşən Mustafayev: “Ermənistan müxalifətinin ritorikasından hiss edilir ki, onlar Paşinyana danışqılara getməyə mane olacaqlar”
ATƏT-in Minsk Qrupu həmsədrlərinin son bəyanatı Ermənistanı sözün əsl mənasında silkələyib. Onların ifadə etdiyi rəsmi mövqe, demək olar ki, məsuliyyətdən yayınmağa və həmsədrlərin bəyanatının əsl mahiyətini gizlətməyə yönəlib. Buna baxmayaraq, artıq erməni siyasi elitası məsələnin mahiyyətini tam dərk etdiyi üçün, son bəyanatı Paşinyanın sifətinə vurulan şillə kimi xarakterizə edir. Müxalifətdə olan Respublika Partiyasının spikeri Eduard Şarmazanov sosial şəbəkəldəki hesabında fikirlərini aşağıdakı kimi ifadə edib: “Həmsədrlərin son bəyantını oxudum və aşağıdakı nəticəyə gəldim;
- Bu faktiki olaraq, Ermənistan hakimiyyətinin sifətinə şillə vurmaq və ya onlara sarı kart (xəbərdarlıq) göstərmək anlamına gəlir.
- Aprel müharibəsindən sonra həmsədrlər “Artsax”ın da tərəf kimi danışıqlar prosesində iştirakının mümkünülüyünü deyirdilərsə, indi tam bunun əksini söyləyirlər. Paşinyana bundan böyük zərbə ola bilməz.
- Əldə olunan bu nəticə bizim yeni hakimiyyətin populist və yarıtmaz siyasətinin nəticəsidir.
- Etiraf etməliyik ki, son dövrlər aparılan danışıqlar prosesində bizim mövqeyimiz tamamilə zifləyib”.
Göründüyü kimi, Ermənistan iqtidarı həmsədrlərin bəynatını nə qədər öz mənafeyinə uyğun şəkildə yozmağa çalışsa da, həmin ölkənin müxalifəti bunu Paşinyanın populist siyasətinin iflası kimi dəyərləndirir, hətta onun üzünə vurulan şillə kimi qiymətləndirir. Erməni müxalifətinin bu mövqeyi nə ilə izah oluna bilər?
Azərbaycan Milli İstiqlal Partiyasının funksioneri Elşən Mustafayev qəzetimizə bildirdi ki, həmsədrlərin son bəyanatında konkretlik var: “Biz haqlı olaraq həmsədrləri ümumi məzmunlu bəynatlar vermədə təqsirləndiriridik. O tip bəynatlarda ümumi məna ifadə olunurdu və heç kim həmin iradları öz üzərinə götürmürdü. İndiki bəynatda isə konkret istiqamətlər göstərilir. Ən əsası formatın əvvəlki qaydada qalcağı və işğal edilmiş ərazilərin geri qaytarılmasının vacibliyi açıq mətnlə vurğulanır. Ermənistan baş naziri Brüseldə olanda dialoqdan danışırdı, burda isə həmsədrlər tərəfləri rəsmi danışığa çağırırlar. Ermənistanın rəsmi təbliğat maşını həmin bəynatdakı əsas müddəaları Azərbaycanın üstünə istiqamətləndirməyə çalışsalar da, bu , mümkün deyil. Çünki Azərbaycan heç vaxt danışıqlardan yayınmır. Hər zaman substansiv danışıqların vacibliyini vurğulayır. Bəyanatda xalqların öz müqədərətaının həllinin ərazi bütövlüyü çərçivəsində həllini tapacağı qeyd edilir. Paşinyan bu müddəaların heç birini qəbul etmirdi. Bu doğrudan da ona verilən xəbərdarlıq siqnalıdır. Ermənistan müxalifəti vəziyyəti düzügün təhlil edib. Onlar həmsədrlərin bəynatından əvvəl də deyirdilər ki, Paşinyanın danışqlara getməkdən başqa çarəsi qalmayıb”.
Ekspertin sözlərinə görə, yaranmış vəziyyət doğrudan da Paşinyanın hakimiyyətə gələndən sonra apardığı populist siyasətinin nəticəsi kimi ortaya çıxıb: “Münaqişənin həllində bu düsturdan kənara çıxmaq olmaz. Ermənistan XİN-in bəyanata çox da sərt münasibət bildirməməsi, onun özlərinin xeyrinə olduğuna dair fikir yaratmağa cəhd etməsi Paşinyanın həmsədrlərin ilkin şərtlərini qəbul etdiyi anlamına gəlir. Artıq ortaya konkret seçim qoyulub. Paşinyan ya sülh yolunu seçib, həmsədrlərlə razılaşaraq danışqılara getməlidir, ya da qarşısında Azərbaycan Ordusunu görməlidir. Ermənistan müxalifətinin ritorikasından hiss edilir ki, onlar Paşinyana danışqılara getməyə mane olacaqlar. Bu da Eürmənistanın daxilindəki gərginliyi daha da artıracaq”.
Məhəmmədəli QƏRİBLİ
