Fikrət Yusifov: "Azərbaycan yaxın illərdə İƏT-in fəaliyyətinin genişləndirilməsi ilə bağlı yeni təşəbbüslərlə çıxış edəcək və bununla da təşkilatın fəaliyyətinin genişləndirilməsinə rəvac verəcək"
Azərbaycan müstəqilliyinin ilk illarindən başlayaraq dünyanın iqtisadi və siyasi birlikləri ilə, eyni zamanda, dövlətlərlə ikitərəfli münasibətlərin qurulmasında və inkişaf etdirilməsində maraqlı olub. Bu dövlətçilik ənənəsi Azərbaycanın dünyada nüfuzunun artmasına və ölkənin iqtisadi imkanrının genişlənməsinə, iqtisadiyyatımızın şaxələnməsinə şərait yaradib.
Azərbaycanın dünya bazarında tərəfdaşlar tapmaq baxımından iqtisadi birliklərdə iştirakı vacibdir. İndi isə dövlətimiz yeni iqtisadi birliyə qəbul edilib.
Belə ki, Prezident İlham Əliyev Azərbaycanın inkişaf etməkdə olan səkkiz ölkənin İqtisadi Əməkdaşlıq Təşkilatına (D-8) üzv qəbul edilməsi ilə bağlı paylaşım edib.
Paylaşımda deyilir:
"Bu gün Qahirədə İqtisadi Əməkdaşlıq Təşkilatının (D-8) Zirvə toplantısı zamanı Azərbaycanın təşkilata üzv qəbul edilməsinə görə, Türkiyə, Pakistan, Misir, İran, İndoneziya, Malayziya, Nigeriya və Banqladeşin dövlət və hökumət başçılarına təşəkkürümü bildirirəm".
Azərbaycan D-8 ölkələrinin sırasına qəbul edilib. Ölkəmizin bu quruma töhfələri nədən ibarət ola bilər? Bu təşkilat 27 il əvvəl yaranib, bu dövr ərzində sıralarını genisləndirməyib. 27 ildən sonra Azərbaycanın bu quruma qəbulu nə deməkdir?
Baki-xeber.com saytının sualına cavabında iqtisadçi ekspert Fikrət Yusifov bildirib ki, Azərbaycan müstəqllik illərindən, başda Türkiyə olmaqla, İqtisadi Əməkdaşlıq Təşkilatına üzv olan ölkələrlə sıx əməkdaşlıq qurub.
Cari ilin dekabr ayının 19-da Misirin paytaxtı Qahirədə keçirilən D-8-in 11-ci sammitində Azərbaycanın təşkilata üzv olması barədə qərar qəbul edilməsi ölkəmiz üçün mühüm hadisədir. Bununla bağlı Azərbaycan Prezidenti İlham Əliyevin etdiyi paylaşımda "Türkiyənin təşəbbüsü ilə yaradılmış D-8 təşkilatı 30 ilə yaxındır ki, fəaliyyət göstərir və ilk dəfə olaraq genişlənmə ilə əlaqədar qərar qəbul olunmuşdur. Bu bizim üçün qürur mənbəyidir" deməsi, Azərbaycanın bu təşkilata verdiyi önəmin ifadəsi kimi qəbul edilməlidir. Güc birlikdədir! Dünyanın düzəninin dəyişdiyi indiki dönəmdə Azərbaycanın islam birliyini təmsil edən belə bir İqtisadi Əməkdaşlıq Təşkilatına üzv olması yaxşı haldır. Azərbaycan son 20 ildən artıq zaman kəsiyində iqtisadi və siyasi müstəvidə əldə etdiyi uğurları ilə regionun aparıcı güclərindən və söz sahibi ölkələrindən birinə çevrilib.
Sammitdə qardaş Türkiyə prezidenti R.T.Ərdoğanın Azərbaycanın son illərdə atdığı mühüm addımlara diqqət çəkməsi də bizim üçün qürurvericidir. Onun "Azərbaycanın qəbulu ilə təşkilatımız bu gün dünənkindən daha güclüdür" deməsi isə bu təşkilatda Azərbaycanın yerinin nə qədər mühüm olacağına işarədir.
Hesab edirəm ki, Azərbaycan yaxın illərdə D-8-in fəaliyyətinin genişləndirilməsi ilə bağlı yeni təşəbbüslərlə çıxış edəcək və bununla da təşkilatın fəaliyyətinin genişləndirilməsinə rəvac verəcəkdir".
Arayış üçün qeyd edək ki, qurum üzv ölkələrin Xarici İşlər Nazirləri Şurasından ibarətdir. Şura təşkilatın fəaliyyət siyasətini, Regional Planlaşdırma Şurasını, Müavinlər Şurasını müəyyən edir. Mənzil-qərargahı Tehranda yerləşən Müavinlər Şurası İƏT ölkələri səfirlərindən ibarətdir.
İƏT-in kənd təsərrüfatı sahəsi; sənaye əməkdaşlığı; nəqliyyat və rabitə; infrastruktur və ictimai işlər; elm, təhsil və mədəniyyət; energetika; narkotik maddələrin yayılmaması məsələləri üzrə fəaliyyət göstərən 8 texniki komitəsi var. Komitələr ildə bir dəfə toplanır. İƏT Nazirlər Şurası da ən azı ildə bir dəfə yığıncaq keçirir.
1993-cü ildə BMT Baş Assambleyasının 48-ci sessiyasında İƏT BMT-də, 1994-cü ildə isə İslam Təşkilatı Konfransında müşahidəçi statusu alıb.
Dəniz NƏSİRLİ
