Dünyanın ustad aşıqları Bakıya axışır

Tarix: 09.11.2014 / 17:12
Bölmə: Mədəniyyət

Aşıq Elbrus Kəlbəcərli: "Festivalda heç bir ayrıseçkilik yoxdur"

Azərbaycan Mədəniyyət və Turizm Nazirliyi, Heydər Əliyev Fondu və Azərbaycan Aşıqlar Birliyinin (AAB) təşkilatçılığı ilə 10-18 noyabr tarixlərində II Beynəlxalq Aşıq Festivalı keçiriləcək. Festivalın açılışı noyabrın 12-də, saat 19-da Azərbaycan Dövlət Musiqili Komediya Teatrında olacaq.

Bu barədə "Bakı-Xəbər"ə AAB-ın mətbuat xidmətinin rəhbəri Musa Nəbioğlu məlumat verib. M.Nəbioğlunun sözlərinə görə, festivala bütün türk xalqlarının sənət adamları dəvət edilib. O bildirdi ki, Beynəlxalq Aşıq Festivalına İran, Türkiyə, Türkmənistan, Qırğızıstan, Özbəkistan, Qazaxıstan, Dağıstan, Gürcüstan və digər ölkələrdən iştirakçılar qatılacaq.

Noyabrın 10-dan başlayaraq qonaqların paytaxtımıza gələcəyini deyən M.Nəbioğlunun bildirdiyinə görə, açılış mərasimin səhərisi gün aşıqlar Gədəbəydə, ayın 14-də Şəmkirdə, 15-də Qazaxda, 16-da isə Tovuzda çıxış edəcək. Noyabrın 17-də festival iştirakçılarının Ucarda da böyük konserti olacaq. Aşıqlar Yevlax şəhərində də sazsevərlərə öz ifalarını təqdim edəcək: "Aşıqlar Birliyi olaraq bu festivalın əhəmiyyətini yüksək qiymətləndiririk. I Beynəlxalq Aşıq Festivalı 2010-cu ildə keçirilib. Festivalın keçirilməsi onu göstərir aşıq sənəti inkişaf edir və o artıq Azərbaycanda deyil, beynəlxalq miqyasda maraq doğurur. Festivalda xaricdən gələn qonaqlarla yanaşı, bizim aşıqlar da iştirak edəcək. Burada Qazax-Ağstafa, Kəlbəcər-Laçın, Tovuz, Gədəbəy, Şəmkir, Gəncə, Borçalı, Göyçə aşıqları çıxış edəcək".

M.Nəbioğlu onu da bildirdi ki, Heydər Əliyev Fondunun prezidenti Mehriban Əliyevanın təşəbbüsü ilə 2009-cu ildə Azərbaycan aşıq sənəti YUNESKO-nun "Bəşəriyyətin Qeyri-maddi Mədəni İrsinin Reprezentativ Siyahısı"na daxil edildikdən sonra aşıq sənətinə münasibət daha da yaxşılaşıb:"Heydər Əliyev Fondunun prezidenti, millət vəkili Mehriban Əliyevanın təşəbbüsü və yaxından köməyi ilə 2009-cu ildə Azərbaycan aşıq sənəti YUNESKO-nun "Bəşəriyyətin Qeyri-maddi Mədəni İrsinin Reprezentativ Siyahısı"na daxil edilib və xalqımızın bu ölməz sənəti haqlı olaraq dünya mədəniyyət inciləri sırasında özünə layiqli yer tutub".

Qeyd edək ki, noyabrın 12-də açılışı olacaq II Beynəlxalq Aşıq Festivalına "Azərbaycan Televiziya və Radio Verilişləri Qapalı Səhmdar Cəmiyyəti" informasiya dəstəyi göstərəcək.

Kəlbəcər aşıq mühitinin gənc və istedadlı aşıqlarından olan aşıq Elbrus Kəlbəcərli bizimlə söhbətində festivalın keçirilməsini yükək qiymətləndirdi. Onun sözlərinə görə, I Beynəlxalq Aşıq Festivalının da iştirakçısı olub: "Mən bir gənc aşıq kimi bu festivala yüksək dəyər verirəm. Hesab edirəm ki, I Beynəlxalq Aşıq Festivalından sonra aşıq sənətinə maraq xeyli artıb. Ümumiyyətlə, bu festivala Azərbaycanın bütün aşıq mühitlərindən iştirakçılar dəvət edilir. Demək istəyirəm ki, heç bir ayrıseçkilik yoxdur, hamı nəzərə alınır. Onu da qeyd edim ki, aşıq sənətinin beynəlxalq aləmdə tanıdılması və təbliğ edilməsi, milli mədəniyyətimizin inkişafında aşıq sənətinin rolunun artırılması, Azərbaycan aşıqlarının və aşıq-ozan sənətinin yayıldığı ölkələrin sənətkarlarının bir araya gətirilməsi baxımından bu festival çox əhəmiyyətlidir"

DİGƏR XƏBƏRLƏR

Tarix: 10.10.2026 / 17:17

Mollanəsrəddin lətifələrində memarlıq cizgiləri...

Tarix: 10.10.2026 / 11:07

Yazıçılar Birliyi üzvlük haqqını ödəməyənlərə növbəti dəfə xəbərdarlıq etdi - məsuliyyətli davransınlar...

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...