Ordumuz ermənilərdə olmayan iki müasir radar sistemi gözləyir...

Tarix: 31.03.2014 / 09:53
Bölmə: Gündəm

Ordunun ixtiyarına mütəmadi olaraq yeni hərbi texnika verən Azərbaycan hökuməti bu istiqamətdə fəaliyyətini genişləndirir. Proseslərin gedişi hökumətin hazırda hərbi hava qüvvələri sahəsində ordunu müasir hərbi texnika ilə təmin etməyə daha çox diqqət yetirdiyini göstərir. Belə ki, məlumatlara görə, Azərbaycan İsraildən iki yeni radar sistemi alır.
Məsələ ilə bağlı "azeridefence" portalının verdiyi məlumata görə, Azərbaycan tərəfi bu günlərdə İsrael Aerospace Industries (IAI) şirkətinə mülki və hərbi məqsədlər üçün istifadə oluna bilən iki radar sifariş verib.
Orta mənzilli ELM-2288 AD-STAR hava müdafiə və uçuşa nəzarət radarı 480 km-dən çox məsafədə hədəfləri yüksək dəqiqliklə aşkarlayaraq 3D formatda göstərir. ELM-2106NG Taktik Hava Müdafiə radarı isə 80 km uzaqlıqda aşağı yüksəklikdə uçan yüksək sürətli döyüş təyyarələrini, helikopterləri və pilotsuz uçuş aparatlarını aşkar etmək üçün nəzərdə tutulur
Bu ilin əvvəlində isə məlum olmuşdu ki, ABŞ-ın "Kelvin Hughes" şirkəti Azərbaycana 11 ədəd "SharpEye" radiolokasiya stansiyasının (RLS) satışına dair sifariş alıb. Radarlar Azərbaycanın Xəzər dənizindəki neft-qaz mədənlərinin müdafiə olunması üçün gəmilərin hərəkətini idarə etməyə xidmət edəcək. Radar sistemi sahil və sahilyanı komponentlərdən ibarətdir. Kompleksin yerüstü hissəsi X-diapazonlu SBS-800 radarından, offşor hissələri isə "SBS-800-1" antennalarından ibarət olmaqla informasiyaları böyük sürətlə radarın ekranlarına ötürə bilir. Şirkətin təmsilçisi Spayk Hyuz bildirib: "Biz əminik ki, bu sistem Azərbaycana dəniz obyektlərinin izlənilməsi və naviqasiya məlumatlarının tam əhatəli şəkildə əldə edilməsinə imkan verəcək. Müasir texnologiya ilə hazırlanmış radar kompleksi dənizdəki gəmilərin içərisindən lazım olan hədəfi tez ayırd edib izləməyə, hətta ən pis hava şəraitində belə radarın azərbaycanlı operatorlarına hədəflə bağlı bütün situasiyanı nəzarətdə saxlamağa imkan verəcək". Radarların bu ilin avqustunda çatdırılıb quraşdırılacağı gözlənilir. Sifarişin hansı təşkilat tərəfindən verildiyi və radarların neçəyə başa gələcəyi açıqlanmır.
Bundan başqa bir neçə gün əvvəl belə məlumat da yayılıb ki, Türkiyə tərəfi də Azərbaycan ordusuna xəbərdarlıq və müşahidə sistemi verəcək. Yeni sistem əməliyyat bölgələrində xidmət edən hərbçilər, əsasən də xüsusi təyinatlılar üçün nəzərdə tutulur. Kiçik ölçülü sistem əldə daşınan idarəetmə paneli və düşərgə ətrafına yerləşdirilmək üçün kiçik infraqırmızı sensorlardan ibarətdir. Bir-biri ilə müəyyən məsafədə yerləşdirilən bu sensorlar hərəkəti təsbit etdikdə, idarəetmə panelinə siqnal ötürərək xəbərdar edir. Eyni zamanda sistem əsgərlərə yerdəki həssas sensor vasitəsi ilə yaxınlaşan təhlükənin insan və ya hansısa canlı olmasını müəyyən etməyə imkan yaradır. Sensorun batareyası dəyişdirilmədən 2 il istifadəyə imkan verir. Sistemin ən böyük üstünlüyü onun postdakı və ya ərazidə düşərgə salmış əsgərləri yaxınlaşan düşmən barədə xəbərdar etməsidir. Bütün bunlar ökənin hava müdafiə sistemini daha güclü hala gətirməyə imkan verir. Onu da xatırladaq ki, hava hücumundan müdafiə sistemi sahəsində də Azrbaycan müasir texnikalar alıb. Məsələn, Azərbaycan Rusiyadan 2 divizion S-300 kompleksi və 112 ədəd 48N6U2/SA-10E raketi əldə edib. 2011-ci ildə İsraillə imzalanmış 1,6 milyard dollarlıq satınalma müqaviləsi çərçivəsində "Barak-8" zenit-raket kompleksi (1 divizion - 6 buraxıcı qurğu və 75 raket), həmçinin EL/M-2080 Green Pine tipli raket əleyhinə müdafiə sistemi əldə olunub. İsraildən satın alınmış "Barak-8" raketləri əsasən gəmilərdə yerləşdirilmək üçün hazırlanıb.
MDB ölkələri arasında ilk olaraq Azərbaycanın silahlanmasına daxil edilmiş EL/M-2080 Green Pine sistemi eyni zamanda axtarış, aşkar etmə, izləmə və raketlərin buraxılmasını həyata keçirir. Hədəfləri 500 kilometrə qədər uzaqlıqda aşkar edə bilən sistem eyni anda 3000 metr/saniyə sürətlə hərəkət edən 30-dan artıq hədəfi izləyə, avtomatik komanda əsasında "Arrow" raketləri ilə məhv edə bilir. Qeyd olunan dövrdə Azərbaycan Ukraynadan bir sıra HHM sistemləri əldə edib. Rəsmi məlumatlara görə, son illərdə Ukrayna Azərbaycana bir neçə ədəd "Kolçuqa-M" tipli radiotexniki kəşfiyyat stansiyası satıb. Ümumiyyətlə, HHM sistemini yenidən quran Azərbaycan Ukrayna, Belarus və İsraildən müasir radiotexniki kəşfiyyat sistemləri, habelə zenit-raket kompleksləri əldə edib. Mövcud raket parkının modernləşdirilməsi istiqamətində bir neçə proqram reallaşdırıb.

DİGƏR XƏBƏRLƏR

Tarix: 02.07.2026 / 09:54

Avropa sentyabrdan uşaqların sosial şəbəkələrə girişini qadağan edəcək...

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...