Vaşinqtonda Heydər Əliyev Fondunun ABŞ-ın "Urban Alliance" təşkilatı ilə birgə layihəsinin təqdimatı olub

Tarix: 28.03.2014 / 09:39
Bölmə: Gündəm

Azərbaycandakı geniş miqyaslı və çoxşaxəli fəaliyyətləri ilə paralel olaraq Heydər Əliyev Fondu artıq neçə illərdir ki, beynəlxalq səviyyədə qurulan tərəfdaşlıqları artıraraq, müxtəlif xarakterli layihələr gerçəkləşdirməkdədir və belə təşəbbüslərin əhatə dairəsi də getdikcə böyüməkdədir.
Azərbaycanın ABŞ-dakı səfirliyindən APA-ya verilən məlumata görə, ötən ildən etibarən ABŞ-ın Merilend Ştatının Montqomeri dairəsində yerləşən və ciddi fiziki və əqli qüsurlu uşaqların təhsil aldığı məktəblərə yönəlmiş xeyriyyə layihəsinə əlavə olaraq cari ildə Heydər Əliyev Fondu tərəfindən ABŞ-da yerləşən bəzi sosial və xeyriyyə yönlü qeyri-hökumət təşkilatları ilə birgə əməkdaşlıq layihələrinin həyata keçirilməsi planlaşdırılır. Belə layihələrdən biri ABŞ-ın "Urban Alliance" (Şəhər Alyansı) adlı təşkilatı ilə qurulmuş əməkdaşlığa əsaslanır ki, bu təşkilatın əsas məqsədi ali təhsillərini yenicə tamamlamış gənclərə peşə həyatına aparan yolda təlim və təcrübələr vasitəsilə dəstək olmaqdır.
Bəhs edilən layihəyə start verilməsi münasibətilə "Urban Alliance" təşkilatının Vaşinqton ofisində xüsusi mərasim keçirilib. Mərasimə qatılmış iştirakçılar qarşısında çıxış edənaHeydər Əliyev Fondunun ABŞ üzrə nümayəndəsi Cəmilə Paşayeva-Seyidzadə ilk növbədə onlara təmsil etdiyi Fondun məqsəd və məramlarından söz açıb və Fondun prezidenti, Azərbaycanın birinci xanımı Mehriban Əliyevanın rəhbərliyi altında təşkilatın ildən-ilə artan fəaliyyətləri və əldə olunmuş nailiyyətlər barədə məlumat verib. Fondun prezidentinin təhsilə yetirdiyi diqqət və gənclərə göstərdiyi qayğını xüsusilə vurğulayan C.Paşayeva-Seyidzadə bu mənada Heydər Əliyev Fondu və "Urban Alliance" təşkilatının oxşar cəhətlərə malik olduğunu göstərib. "Urban Alliance" təşkilatı ilə birgə layihəyə istinad edərkən Heydər Əliyev Fondunun ABŞ üzrə nümayəndəsi bu layihənin ilk iştirakçılarının seçiminin Azərbaycanda geniş şəkildə qeyd edilən 8 Mart - Beynəlxalq Qadınlar Günü ərəfəsinə təsadüf etdiyini və elə bu münasibətlə Fondun dəstəyilə iş təcrübəsi keçəcək ilk 3 iştirakçının layihəyə müraciət etmiş gənc qızlar arasından seçildiyini açıqlayıb. Onun çıxışının ardınca iştirakçılara Heydər Əliyev Fondunun fəaliyyətlərini əks edən qısa film nümayiş etdirilib.
Tədbir iştirakçıları arasında olmuş Azərbaycanın ABŞ-dakı səfiri Elin Süleymanov öz tərəfindən Heydər Əliyev Fondunun həyata keçirdiyi fəaliyyətləri və mövcud olduğu illər ərzində əldə etdiyi mühüm nəticələri təqdir edib. Fondun çoxsaylı layihələri arasında qadınların cəmiyyətdəki mövqeyinin güclənməsinə yönəlmiş fəaliyyətləri önə çəkərək, Pakistanda inşa edilmiş qızlar məktəbini misal göstərib və eləcə də "Urban Alliance" təşkilatı ilə birgə layihədən bəhrələnəcək ilk 3 gəncin məhz qızlar olmasının təsadüfi xarakter daşımadığını söyləyib. Səfir E.Süleymanov, həmçinin, bu birgə layihənin iki ölkənin insanları arasında əlaqələrin genişlənməsinə xidmət etdiyini və bu amilin mühüm əhəmiyyət kəsb etdiyini bildirib.
Bundan əlavə, mərasimdə "Urban Alliance" təşkilatının idarə heyətinin rəhbəri Mari Zients, prezidenti İşuana Smit və strateji tərəfdaşlıqlar üzrə direktoru Meqan Vudberi çıxış edərək, Alyansın apardığı fəaliyyətlər haqqında danışıb, Heydər Əliyev Fondu ilə qurulan əməkdaşlıqla bağlı böyük məmnuniyyətlərini ifadə edib və bu əməkdaşlığın uğuruna inandıqlarını bəyan edib.

DİGƏR XƏBƏRLƏR

Tarix: 02.07.2026 / 09:54

Avropa sentyabrdan uşaqların sosial şəbəkələrə girişini qadağan edəcək...

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...