Bakıda sayılıb-seçilən dünya azərbaycanlılarının maraqlı toplantısı başlayıb

Tarix: 18.03.2014 / 09:38
Bölmə: Gündəm

Dünən Bakıda beynəlxalq təşkilatlarda işləyən azərbaycanlıların I toplantısı öz işinə başlayıb. "Trend"in məlumatına görə, tədbirdə BMT sisteminə daxil olan təşkilatlarda, Türkdilli Ölkələrin Əməkdaşlıq Şurası, Beynəlxalq Miqrasiya Təşkilatı və digər qurumların müxtəlif ölkələrdə yerləşən ofislərində işləyən 50-yə yaxın Azərbaycan vətəndaşı iştirak edir.
Tədbirin məqsədi beynəlxalq səviyyədə iş təcrübəsinə malik olan Azərbaycan vətəndaşlarının ölkənin inkişafı prosesində daha da fəal iştirakını təmin etmək məqsədilə onları birləşdirəcək vahid mərkəzin yaradılması və sistemli yanaşmanın formalaşdırılmasından ibarətdir.
Tədbirdə beynəlxalq təşkilatlarda çalışan Azərbaycan vətəndaşları haqqında müfəssəl məlumatların toplanması yolu ilə onlar haqqında vahid məlumat bazasının yaradılması; vətəndaşların bu qrupu arasında daimi əlaqələndirmə mexanizmlərinin hazırlanması və tətbiqi və digər məsələlər müzakirə olunur.
Toplantıda "Beynəlxalq təşkilatlarda fəaliyyət göstərən azərbaycanlı kadrlarla bağlı mövcud vəziyyət və gələcək inkişaf perspektivləri" mövzusuna həsr olunan plenar iclasda Prezident Administrasiyası rəhbərinin müavini Novruz Məmmədov çıxış edib. O çıxışında beynəlxalq münasibətlər sistemində beynəlxalq təşkilatların rolundan, beynəlxalq aləmdə baş verən geosiyasi proseslərdən, Azərbaycanın müstəqil dövlət kimi bu sistemdəki yerindən danışıb və dövlət başçısının bu cür təşəbbüslərə hər zaman dəstək verdiyini deyib.
Beynəlxalq təşkilatlarda çalışan Azərbaycan vətəndaşlarının sayının artırılmasına ehtiyac duyulur. Bu barədə xarici işlər nazirinin müavini Araz Əzimov toplantısındakı çıxışında deyib.
A.Əzimov bildirib ki, beynəlxalq təşkilatlarda çalışan Azərbaycan vətəndaşları bir-biri ilə əlaqə saxlamalıdır: "Bunun üçün çevik şəbəkənin yaradılması zəruridir. Məlumat mübadiləsi və əlaqələndirmə birinci məqsəd ola bilər. Bunun davamı kimi isə, Azərbaycanın marağına uyğun regional və transregional layihə təşəbbüslərini irəli sürmək və Azərbaycanda reallaşdırılmasına imkan yaratmaq lazımdır. Eyni zamanda, Azərbaycan vətəndaşlarının beynəlxalq təşkilatlarda sayının artırılması üçün orada çalışan vətəndaşlarımızın bir-birinə yardım etməsi, təcrübə mübadiləsi, vakansiyalara namizədlərin təqdim edilməsi üçün hansı vasitələrin effektiv olması məsələlərinə diqqət yetirilməlidir".
A.Əzimovun sözlərinə görə, bu Azərbaycana ona görə lazımdır ki, Azərbaycan ölkə, dövlət, millət olaraq güclənir, inkişaf edir, beynəlxalq nüfuzu artır.
Nazir müavini Azərbaycana qarşı müəyyən qüvvələrin mövcudluğunu, bunlardan birinin erməni təbliğatı olduğunu qeyd edib. Onun sözlərinə görə, Azərbaycan buna güclü təzyiq göstərir və bütün imkanlardan istifadə edib öz mövqeyini dünyaya düzgün çatdırır.
Azərbaycanın Dağlıq Qarabağ münaqişəsinə dair mövqeyinin beynəlxalq prinsiplərdən irəli gəldiyini və əksər ölkələr, təşkilatlar tərəfindən dəstəkləndiyini deyən A.Əzimov bildirib ki, Azərbaycanın mövqeyi beynəlxalq hüquqdan irəli gəlir və bu, ərazi bütövlüyünün toxunulmazlığıdır.
Nazir müavini qeyd edib ki, Azərbaycanın işğal olunmuş ərazilərindən olan insanların öz doğma torpaqlarına qayıtması ilə bağlı "Böyük qayıdış" layihəsi beynəlxalq təşkilatlarda təbliğ edilməlidir: "Azərbaycanda öz yerlərini məcburi dəyişən qaçqın və məcburi köçkünlər var, onlar unudulmamalıdır. Azərbaycanda qaçqın və məcburi köçkünlərin problemləri həll olunur, amma onların yeni yaşayış yerlərinə köçürülməsi müvəqqətidir və buna məsələnin həlli kimi baxılmamalıdır, çünki onların probleminin həlli yalnız öz torpaqlarına qayıtmaları ilə olacaq".
Azərbaycan nəinki regionda, dünya siyasətində öz yerini tutub, bu qədər qlobal sarsıntılar dövründə çox stabil, dinamik, düşünülmüş siyasəti onu möhkəm tərəfdaş kimi mühüm yerə çatdırıb. Bu barədə isə Diasporla İş üzrə Dövlət Komitəsinin sədri Nazim İbrahimov Bakıda keçirilən beynəlxalq təşkilatlarda işləyən azərbaycanlıların I toplantısında çıxışı zamanı deyib.
N.İbrahimov qeyd edib ki, bu sahədə xarici ölkələrdə yaşayan, beynəlxalq təşkilatlarda çalışan azərbaycanlılara çox böyük ehtiyac var: "İşimizin kontekstində sizin fəaliyyətinizə, diaspor təşkilatlarına olan yardımınıza, diaspor təşkilatlarının daha yüksək səviyyəyə çatmasında biliyinizə, qazandığınız təcrübəyə böyük ehtiyac var".
Onun sözlərinə görə, dünyanın 70-dən artıq ölkəsində azərbaycanlılar təşkilatlanıb fəaliyyət göstərirlər, Azərbaycan həqiqətlərini dünyaya, yaşadıqları ölkələrin cəmiyyətinə çatdırmaq üçün geniş istiqamətli iş görürlər.
Komitə sədri qeyd edib ki, beynəlxalq təşkilatlarda azərbaycanlıların varlığı Azərbaycanı təbliğ etmək, ölkə həqiqətlərini müəyyən mənada beynəlxalq ictimaiyyətə çatdırmaq deməkdir: "Hesab edirəm ki, siz gələcəkdə həmin təşkilatlarda azərbaycanlıların sayının artmasında yardımçı ola bilərsiniz. Dünyanın bir çox ölkələrində həmin ölkələrin siyasətinə təsir edə bilən, ümumiyyətlə dünya siyasətinin formalaşmasında iştirak edən transmilli şirkətlərdə azərbaycanlılar mühüm yer tutur". N.İbrahimovun sözlərinə görə, hazırda dünyada gedən proseslər onu göstərir ki, Azərbaycan yaxın dövrdə həqiqətən də beynəlxalq səviyyədə siyasi oyunçu kimi aktiv fəaliyyət göstərəcək: "Bu fəaliyyətin içərisində də sizin hər birinizə Azərbaycanın ehtiyacı olacaq".
Xəbər xidməti

DİGƏR XƏBƏRLƏR

Tarix: 02.07.2026 / 09:54

Avropa sentyabrdan uşaqların sosial şəbəkələrə girişini qadağan edəcək...

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...