Əkrəmin "Nobel xəbəri" qeyri-ciddi qarşılandı

Tarix: 13.03.2014 / 15:38
Bölmə: Gündəm

Qəşəm Nəcəfzadə: "Onu Nobelə layiq bilirlərsə, niyə yalnız bu əsərini təqdim edirlər?"

Dünyanın bir sıra ictimai xadimləri azərbaycanlı yazıçı Əkrəm Əylislini 2014-cü il Nobel sülh mükafatına namizəd göstəriblər. Norveç Nobel Komitəsinə ünvanlanan müraciətdə Ə. Əylislinin "Azərbaycan və Ermənistan xalqları arasındakı düşmənçiliyin aradan qaldırılmasında mərdlik göstərdiyi" vurğulanır: "Sülh prosesi dalandan çıxa bilmir, kövrək sülh hər zaman müharibəyə çevrilə bilər.
Yalnız məşhur şəxsiyyətlərin çağırışları hər iki xalqı bir-birini bağışlamağa və razılığa gəlməyə təşviq edə bilər. Cənab Əylisli bu addımı hamıdan əvvəl atacaq və düşmənə əl uzadacaq qədər mərd adamdır. Biz əminik ki, Ermənistanda da eyni şəkildə cavab verməyə hazır olan insanlar var".
Müraciəti aşağıdakı şəxslər imzalayıb:
Sergey Abaşin (Sergey Abashin) - antropologiya və sosial tədqiqatlar professoru, Sankt-Peterburq Avropa Universiteti;
Andrey Bitov (Andrei Bitov) - Rusiya PEN-klubunun prezidenti, İrəvan Dövlət Universitetinin fəxri professoru;
Kreyq Kalhun (Craig Calhoun) - sosial elmlər professoru, London İqtisadi və Siyasi Elmlər Məktəbinin direktoru;
Georgi Derluqyan (Georgi Derluguian) - sosial tədqiqatlar və kütlə siyasəti professoru, Əbu Dabi Nyu-York Universiteti;
Aleksandr Dobroxotov (Alexander Dobrokhotov) - fəlsəfə doktoru, Moskva Ali İqtisadiyyat Məktəbi;
Həsən Hüseynov (Gasan Guseinov) - klassik filologiya və fəlsəfə doktoru, Moskva Dövlət Universiteti, Moskva Ali İqtisadiyyat Məktəbi, Bazel (İsveçrə) Universiteti;
Kevan Harris (Kevan Harris) - ABŞ-ın Prinston Universitetinin Yaxın Şərq Araşdırmaları Mərkəzinin əməkdaşı;
Ruslan Xestanov (Rouslan Khestanov) - fəlsəfə və kulturologiya professoru, Moskva Sosial və Mədəniyyət Proqramları İnstitutunun direktoru, Moskva Ali İqtisadiyyat Məktəbi;
Mixail Mayatski (Michail Maiatsky) - kulturologiya professoru, Moskva Ali İqtisadiyyat Məktəbi, İsveçrə Friburq Universiteti;
Vladimir Malaxov (Vladimir Malakhov) - sosial tədqiqatlar professoru, Rusiya Təsərrüfat və Dövlət Xidməti Akademiyasının prezidenti;
Nikolay Plotnikov (Nikolaj Plotnikov) - fəlsəfə professoru, Rus Fəlsəfəsi və İntellektual Tarixi elmi mərkəzi, Bohum Rur Universiteti;
Teodor Şanin (Teodor Shanin) - Mançester Universitetinin sosiologiya professoru.
İmmanuel Vallerstayn (Immanuel Wallerstein) Ü Yelk Universitetinin sosiologiya professoru;
Qeyd edək ki, müraciəti imzalayan Həsən Hüseynov Azərbaycan Yazıçılar Birliyinin üzvü, filologiya elmləri doktoru, professor, Azərbaycanın əməkdar incəsənət xadimi Çingiz Hüseynovun oğludur.
Xatırladaq ki, 2012-ci ilin dekabrında Əkrəm Əylisli "Daş yuxular" romanını nəşr edib. Romanda ermənilərə qarşı törədilən qırğınlardan bəhs olunur. Yazıçı bu romanı 2006-cı ildə yazdığını söyləyib. Roman yayıldıqdan sonra Ə. Əylisli "Azərbaycanın xalq yazıçısı" adından və fəxri təqaüddən məhrum edilib.
Artıq bütün dünya ictimaiyyətinə bəllidir ki, Nobel sülh mükafatının ədəbiyyat üzrə nominasiyasının təqdim olunmasında daha çox siyasi maraqlar önə çəkilir. Bu mükafatdan həm də nominantların təmsil olunduğu ölkələrə təzyiq vasitəsi kimi istifadə edirlər. Yəni müəliflərin yazdığı əsərlərin ədəbi yükü ikinci dərəcəli faktor hesab olunur. Dünya ölkələrinin praktikasında Soljenitsın, Orxan Pamukun və başqalarının timsalında bunun şahidi olmuşuq. İndi də Əkrəm Əylislinin üzərindən bu metoddan Azərbaycana qarşı istifadə etmək istəyirlər.
Azərbaycanın ədəbi mühiti bunun qarşısını almaq üçün nə etməlidir?
Xalq yazıçısı, Azərbaycan Yazıçılar Birliyinin (AYB) sədri Anar Əkrəm Əylislinin 2014-cü il Nobel sülh mükafatına namizəd göstərilməyinə münasibət bildirib: "Mənə bu məsələ ilə bağlı o qədər adam müraciət edib ki. Qısa olaraq onu deyə bilərəm ki, mən bu hadisəni qeyri-ciddi hesab edirəm və buna münasibət bildirməyə lüzum görmürəm".
Yazıçı Akif Əli qəzetimizə açıqlamasında bildirdi ki, Əkrəm Əylisli ilə bağlı heç bir açıqlama vermək istəmir":Mən vaxtında onun yazdığına münasibət bildirmişəm. Artıq mənim üçün o adam yoxdur. Onun barəsində heç nə danışmayacam".
Azərbaycan Yazıçılar Birliyinin İdarə Heyətinin üzvü Qəşəm Nəcəfzadə qəzetimizə açıqlamasında bildirdi ki, Əkrəm Əylisli bu əsəri yazmaqla çox böyük yanlışlığa yol verib":Mən onu məhz bu əsərinə görə qınayıram. Ancaq ümumən götürəndə Əkrəm çox gözəl yazıçıdır. Onu Nobelə layiq bilirlərsə niyə yalnız bu əsərini təqdim edirlər? Mən əsəri oxumuşam. İstər ideya baxımından, istərsə də ədəbi çəkisinə görə əsər Əkrəm yaradıcılığının ən zəif nümunəsidir. Mənə elə gəlir ki, Azərbaycanın ədəbi mühiti Əkrəm Əylislinin barəsində danışdığımız əsəri ilə bağlı öz konkret mövqeyini ortaya qoyub. Bütün ədəbi mühit onu qınadı. Bir adamı ki, xalq yazıçısı adından məhrum edələr, bundan artıq nə olacaq? Ona heç vaxt Nobel verməyəcəklər. Bu süni yaradılmış bir ajiotajdır".
Məhəmmədəli QƏRİBLİ

DİGƏR XƏBƏRLƏR

Tarix: 02.07.2026 / 09:54

Avropa sentyabrdan uşaqların sosial şəbəkələrə girişini qadağan edəcək...

Tarix: 02.07.2026 / 09:09

Bodrumda Kılıçdaroğluna “soyuq duş” - etiraz imza sayı 15 mini keçdi

Tarix: 01.07.2026 / 19:05

Rusiya Hindistan neftinin ümidinə qaldı...

Tarix: 30.06.2026 / 21:33

Nyu-Yorkda istilik xəbərdarlığı - təcili yardım planı aktivləşdirildi

Tarix: 30.06.2026 / 16:47

Bodrumda Kılıçdaroğluna qarşı imza kampaniyası - “Səni şəhərimizdə istəmirik”…

Tarix: 30.06.2026 / 09:26

Sinan Oğan suala sualla cavab verdi - gündəm oldu

Tarix: 29.06.2026 / 16:47

Kılıçdaroğlu Kadir İnanırın dəfn törənində fitə basıldı

Tarix: 29.06.2026 / 11:19

Baş prokuror Xətai rayonunda vətəndaşları qəbul edəcək

Tarix: 29.06.2026 / 10:57

İran Körfəz öıkələrinə yeni təhlükəsizlik sxemi təklif edəcək...

Tarix: 28.06.2026 / 13:47

Kılıçdaroğlu özünü Atatürklə müqayisə etdi, cavab sərt oldu – “Ona millət xain demədi, amma sənə..."

Tarix: 28.06.2026 / 10:46

Türkiyəyə 700 milyon dollarlıq təyyarə mühərrikləri satışı erməni lobbisinin yuxusunu qaçırdı - ANCA hərəkətə keçdi

Tarix: 26.06.2026 / 17:20

Kılıçdaroğlunun “nəhəng karvanlı” İstanbul səfəri alınmadı…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...